11-11-20, 03:53 PM
| #1 | ||||||||||||||
  بحة غياب
| 
أضغاث أحلام ... حصرية * * نفذ جل الصبر والعاشقين أضغاثهم أحلام ياليت الحلم ما عكّر صفاي ولا سكن نومي حبيبة خاطري برد الشتا ماهو شجن وأنسام كثر ماهو يوقظني عليك و يشعم همومي ترتّل وحشتك دين القطيعة من وصل الأرحام وتذبح رجعتك دمعة وفاي بميتم عزومي شديد الباس لو دمعة عيوني للعرب تنسام عسى ربي يسلي راحتي ويصبّر كمومي بكيتك لين ما جفَّت عيوني و امتلت أكمام ولا جِدتي علي إلا بجفاي و جرحي ولومي تلوميني وأنا الرامي من الحب عشر أعوام أجل وش باقي لنفسي علي وش باقي لقومي يا مكبر حيرتي دام الحقيقة جلها أوهام فلا كنتي مرابع خاطري من قفَّت وسومي أحبك لكن الحب العزيز لا بدى ينضام ما تقبل عزتي وشلون لا رديت لسلومي ترجعني سنين الذاكرة وأنا أنظر لقدام يانفسي لا ترجعك السنين احتسبي وشومي تعبت أرتاب من نزف الشعور وجفوة الالهام يالين ارتاب مني من نشدني وش هي علومي ومن يومي خلقت بهالحياة بعزة الإسلام عرفت إن الحياة الفانية من يومي ليومي * * وسلامتكم | ||||||||||||||
| |
|
11-11-20, 04:04 PM
| #2 | |||||||||||||
 
| 
صح لسانك امتعتنا بهذه القصيده لروحك كل الاحترام | |||||||||||||
| |
|
11-11-20, 04:29 PM
| #3 | ||||||||||||||
   
|
صح لسانك قصيدة جميلة ربي يحفظك أخي يختم ل3ايام مع التقييم | ||||||||||||||
| |
|
11-11-20, 04:30 PM
| #4 | ||||||||||||
  مَشَـآــآــآعِـر~شَـآــآــآعِـر
|
صح لسانك شاعرنا العذب ابيات متعوب عليها ربي يسعدك تقييمي خمس نجمات | ||||||||||||
| |
|
11-11-20, 04:32 PM
| #5 | ||||||||||||
|
وش هالجمال ابيات عذبة يالشاعر صح لسانك وعلا شانك ولا فض فوك سلمت  | ||||||||||||
 |
