11-29-20, 08:04 PM
| #1 | |||||||||
 
| 
دنيــــا الفلــــس مدخل اللَّهُمَّ اكْفِنِي بِحَلالِكَ عَنْ حَرَامِكَ ، وَأَغْنِنِي بِفَضْلِكَ عَمَّنْ سِوَاكَ . بسم الله أبدأ :::: يا قلب ياللي من الايام بك لوعه إن بحت ملتاع وإن غبيت ملتاعي من هاجس ٍ يصطفق بالفكر ويصوعه في غبته حطني مجداف و شراعي والنفس مابين ماموره وممنوعه والقلب من عادته ماهوب مطواعي ما سارت الرجل والاقياد مربوعه والفكر محتار بين اخماس و ارباعي و أرزاق ربي ترى ماهيب مقطوعه لو حال من دونها مليون قطـّــاعي واللي يحسب انه يسقينا بقرطوعه حنا قبل شوفته راهين وشباعي غره غروره و قاده غصب في طوعه ما يدري إن الذمم ماهيب تـنباعي دنيا الفلس عندنا ماهيب مطموعه أما على عز وإلا مالها داعي واللي على جوع يصبر خير له جوعه من شبعة الهون من كفين طماعي عشنا و شفنا من الصدمات والروعه لو كان نفسي قبل ماهيب ترتاعي والناس مابين موضوعه و مرفوعه يضيع عمر الرجل والطيب ما ضاعي واللي على حربنا محتاط بدروعه يرتاح مادام حنا فكرنا واعي واللي يزل القدم لا ينكسر كوعه لو مد قنطار نجزا الصاع بالصاعي واللي على الطيب والاخبار مذيوعه لو هو تقدم شبر نجزاه بذراعي يقوله اللي سبح موجه قبل قوعه والغيص ما غره الامواج والقاعي والشعر مشروع والابيات مشروعه لكن تبغى لها حكم ٍ و شرّاعي بعض الشواعير موهوبه و مطبوعه و بعض الشواعير تمشي بالتطـبّاعي والبعض متكلف ٍ طرحه و موضوعه والبعض متميز ٍ في كل الاوضاعي والبعض ما ينعرف شكله ولا نوعه والبعض يمشي من الإبداع في إبداعي و صلاة ربي من الاعماق مسموعه على النبي عد ما هبّت بذعذاعي خروج لبى قلبهم شعار المنتدى وشاعراته الماجدات قلم بو نوره | |||||||||
| |
|
11-29-20, 08:07 PM
| #2 | |||||||||
| سقطت سهوا | |||||||||
| |
|
11-29-20, 08:19 PM
| #3 | ||||||||||||
   مَشَـآــآــآعِـر~شَـآــآــآعِـر
|
والله يا بو نوره انك ذكرتني بقصيدة بن جدلان اللي يقول فيها ونّ أبن جدلان من لايعٍ لاعه كن في كبدي دوافير صناعي ألعب المنكوس وأحب روباعه ممّنن فالوقت.. والوقت خدّاعي صح لسانك شاعرنا ابدعت وامتعت بورك القلم وصاحبه يختم ل 3 ايام تقييمي خمس نجمات | ||||||||||||
| |
|
11-30-20, 11:17 AM
| #4 | ||||||||||||||||||||||||||||||
|
شهادتك اعتز بها واحطها وسام يا بعدي | ||||||||||||||||||||||||||||||
| | |||||||||||||||||||||||||||||||
