♡{ الحور والدر المكنون }♡
قالت جيب لي قصيدة تجنن
قلت اخاف عليك من الجنون

قالت ياسلام كلامك كله تفنن
قلت يا سلام الله ليت تحنون

قالت خلي لنا في قلبك تحنن
قلت أعشقك اشد مما يظنون

قالت هذا المطلوب وبلا تمنن
قلت لا مانيب من اللي يمنون

قالت أحبك وصار باذني ترنن
قلت ما سمعت قالت تسمعون

قالت لي شفت الخلال بتخنن
قلت لا ولا الرطب يا المظنون

قالت نعم هات المحش تسنن
قلت غريبة ايش منه تريدون

قالت حمد صبرك علينا لاتعنن
قلت اريد افهم منك المظمون

قالت لبد غدا لأمرنا ترضخنن
قلت سلامتك يا نجلا العيون

غدا الحور ترتضينا لاتمرضنن
قالت أنا الحور والدر المكنون

قلت نعم الحور بس لا تزعلنن
قالت ما نحب علينا تدوسون

قلت لها هل الأصابع يتشابهنن
قالت العذر لا تهيض الشجون

قلت بقوة عزمكن لنا تركضنن
ومانهاب الموت لو بنا تحسون

وندوس الخطر عشان تسلمنن
أنتم شرف لنا وين ما تكونون

قالت جات قصيدة ماتعجزنن
قلنا وقلت وقولنا له ابيفهمون

قلت لا ترى النادر لنا ابيفهمنن
ويحيى اللي بالظن يحسنون
الشاعر/ حمد بن فهد المخالده السبيعي

صح بدنك يالغالي مدد بلا عدد يحفظك ربي عزيز الشأن ويرفع من مقدارك دين ودنيا وآخرة ربي يبلغك مرادك ويوفقك لما يحبه ويرضاه. أسعدني مرورك العذب وتقييمك العادل يسعدك ربي .
اخوك/ حمدفهد

أختنا الغالية سمو الأميرة صح بدنك مدد بلا عدد يحفظك ربي عزيز الشأن ويرفع من مقدارك دين ودنيا وآخرة. أسعدني مرورك العذب يسعدك ربي وين ما كنت في الحل والترحال وفي كل مكان وزمان اتمنى لكِ السعادة ما حييتِ اللهم آمين .
اخوك/ حمدفهد