طيب ايش عنده الهاجوس الليله !

الليله .. الهـــــاجوس مدري علامه مضطرب
مزيج من الغبنه مع طيف شارد من الغطرسه

يطلب مداد الشعر ..ينتخي بي لعلّه ينسكب
محتاج شرح تفاصيل الواقع بدون " بربسه "

بشّر الهــــاجوس بعلمٍ يجمد على الشوارب
وانا الذي .. قرا تـــــاريخ العرب مع أطلسه

الواقع كبوة جواد مصيره بشموخه يصطلب
جروح فارس ماتعيقه عن مجدٍ ضرى يحرسه

إي مثخن صدر السنيــن .. عليل .. مكتئب
وجه الايام كالح وقوت الليالي بالدم مغمسه

ياكيف !! صـــاحب الحق بالمواجه مرتعب
ماعــاد يستر هوانه شي ..لو الكفن يلبسه

لكن مـــايجيب الحق وجهٍ كسيــف ينتحب
ماتجي الحقوق الا بسنـــان رمحٍ مسدسه

والله ان المراجل بقلوب أهلهـــــا تلتهب
وان جات للعز حنا الطلاب وحنّا المدرسه

ماجهلنا الكون ، وكلّ صـايلٍ فيهم مجرّب
ذاق باس اجدادنا وعودت راياتهم منكسه

محدٍ غلبنــا .حنّا من فرط فيه ..والسبب
صدقّنا منظومة عـــالم غربي .. مفلسه

وربّك..بتعود ايام مجدنا طيب او غصب
لكن بذور النصر تحرّى فينــا من يغرسه

وكل جيل منّا …معْني بمـــا يقرا ويكتب
يبقى التاريخ شيخ كل العلوم والهندسه




النايفه

من مدونة الدكتوره




ياصاحبي ..
محبتي ماهي بحاجة شهود
ولا يمين جازم ..
وربك وحده الشاهد

ليت القوافي تنصفك ..
وبغلاك تجود
شرواك ..
تغنّى له عذب الابيات وتنقاد

سبحان واهبك حرفٍ بالحلا معقود
والمحبه في الله مالها حدود وبلاد

وفي حضور الشعر نقول





اتعب المتنبي من بعده من الشعراء
إذا مارقينا عند مراقيبه
وش الفايده !!

ادري ..
ان حنا عند مراقيبه فقراء
تبقى فصاحة العرب لغه سائده

لكن ..
حنا على إرث الشعر وكلاء
ومن بغى يرقى ..
فالمعالي كايده

لنا في وادي الشعر خيمه ..
وفناء ..
ومشاعرنا ..
كما حزمة حطب قايده

وتبقى لذة الشعر هي سُكرَ العقلاء
تذهب قلوبهم ..
دام المشاعر زايده ..

ألا ليت بلاط الشعر يكسيه البهاء
ويرفرف لوائه فينا ..
لكن من هو رائده !!

طيب جد جد.




اتعبني احساسي الهش ..
والمترف ..
وتعبت اجاهد بي .. طبوع شايب


متناقضه ..
مابين الشديد والألطف
مابين الصلف ..
وقلبٍ بحنانه ذايب


هذا عذروبي ..
ولا به عذروب غيره يوصّف
سمّه غرور ..
أو ثقه ..
كله من الله وهايب ..


ورغم التناقض ..
ماني برضا الناس مكلف
أقدح من راسي ..
وشوري بفضل ربي صايب


أواجه ..
ماني من اللي عند الملاقا يصرّف
أسدْ اللزوم ..
ماشلت هم مال زايل وضرايب


ننصف النفس ..
ومعاذ الله من وجه مزيّف
ابقى فقيرٍ لعفو ربه ..
ومن كل ذنب تايب ..


وسلامتكم

وردني هذا التقييم

الحين ذي من يفهمها اننا ناس فلّه ونعرف نستظرف

لكن جد

طلع الثقل نكبه مب صنعه