لِيّا فيها حتى ولّا كان ماليش
بس ليها طول ماانا عايش حاعيش
حتى لو مش راجعه لِيّا
برضه يفضل ليها فيّا هيّ هيّ حبى ليها ماينتهيش


جوه منى عايشه ولغايه ماموت
مهما يحصل مش حابطل فيها موت
قلبى مش ضامن لقاها بس عايش وبهواها
بفتكرها كل ما الأيام تفوت
بنسى أسمى وحبى ليها مابنسهوش
واللى ليها فى قلب قلبى ماضيعهوش
لسه بتكلم عليها وعلى اللى فات
لسه بحلم باللى لسه ماعشتهوش

اللى بينا فى وصفُه محتاج له حكايات
مش مجرد بس حبة ذكريات
الحياة وقفت عليها مش حاتمشى إلا بيها
نفسى اشوفها أن شا الله اشوفها ولو ساعات

مش ناسيلها حاجة ولا ناسى اللى كان
ألف ذكرى لينا ف اكتر من مكان
عمرى ماحلمت إلا بيها ليل نهار
بسأل عليها حبى ليها فى قلبى أقوى من الزمان

بعد منها الحياة دى مش حياة
راح معاها قلبى وأنا رايح معاه
هى فى عينيا الوحيدة
ومستحيل قلبى يهرب منها ولا من هواه