|
من وين ابدي ياعرب بالطيب وله بالنسب ؟؟ انا العراقي بالغيره منهو قدي اي شمري لو هاج جزري ومدي مجنون ابعد ولا تقرب حدي منهو يسابق غيرتي بالساحه ؟؟ انا العراقي يالعدى سمعوني من صغر سني لابس الزيتوني كم حاولوا اعدائي ايذلوني وبحر المنايا اعبره اسباحه من العراق الكرم تأسيسه والنخوه منهج عندنا تدريسه وستر العذارى انفصله ونقيسه وقفل الرجوله عندنا مفتاحه ؟؟  |
ان جيت اكتب عنها تعجز حروفي بوصفها حلوه وانيقه وناعمه والجوري عطره منها متميزه وفيها صفات وبين الدرر هي نادره كل الدول فيها بنات وبنت العراق الجوهره ؟؟  |
الحب عند الرجال اشكال وانواع ويوسف يفسر الحب على حسب عقله فينا رجال مثل الذهب بارق ولماع يصدق في حبه وما خان خله ومنا يشوف الشرف للحب ينباع وضروري لتحبه تضحي الاجله يجيها في تالي الليل ويقول مشتاق يطلب صور جسمها وترسل الخبله البنت غبيه والسرسري طماع وتشتغل الاهات وتبدي الحفله اصحي يا بنت الناس تراه خداع شرفك خذاه العار وانتي بغفله الكيل نده كيل والصاع بالصاع ولي طلب صوره اعطيه تفله الي يحبك يعتني ويجيك خطاب يحمل بكفه ورد من طيب اصله ؟؟ |
حنا خذينا المرجله ياناس بفعال ما جابها يوسف من كيف كيفه البنت مهره والرجل لها خيال وما ينفع الخيال من دون سيفه السيف كلمه وعد في كف رجال والرجل بلا وعده انثى ضعيفه انصحه يتحجب او يلبس الشال عار عليه ايخون بنت عفيفه ؟؟  |
تعالي وشوفي ابعينك عصف لفراق وهبوبه بنا هجرانك ابقلبي مدينه حزن منكوبه وانا طفل وبها عايش يتيم ويذرف ادموعه حزين والفرح عندك واكيد بدمعته حوبه؟؟  |
سبحان خالق هالعيون ومصورك مافيه مثلك بالجواهر دره حته العطر يذوب لو شم عطرك والزين كله فيكم اوصف ذكره جمال وادب واخلاق ربي يسترك ويوسف لعينك قام يكتب شعره تعالي اغطي بالعلم كل شعرك وبوس راسك لو سمحتي مره ؟؟  |
حنا نغار لو مر جيراننا ضيف ونموت قهر يا ناس لو ما يجونا ترقص فرح شمر وتحمل السيف وعلى الكتف ضيفهم يحملونا وكفوفنا من الكرم تحمل مناسيف اهلا هلابه لو كان عنده كورونا ؟؟  |
الشمريه لنا رايات وهامات ومجاد وحنا سندها بالليالي العصيه ما ننتظر فزعه من حكام بغداد حنا لها لو تنتخي الشمريه قلت وانا يوسف وما هبت الاوغاد ولا يوم خذيت من السرسريه هديه لو الرجال عندهم ذل النساوين معتاد عمى بعين المراجل والحميه ؟؟  |
كورونا والله بجيتك ما ابالي ادريك خبل وناوي تزيد اخبالي احرق ابيك وكل مرض يدنالي والشمري ما يلبس الكمامه ؟؟ ههههه  |
الكرم الاصلي بدوي جنسيته ومن صيت شمر لو تفاخر صيته الشمري لو جيت يوم في بيته تفداك عينه وللغنم ذباحه ؟؟ https://youtu.be/mivy-vbuzFQ  |
خذي مني المحبه والوفا والطيب انا الما يوم غازل بنت جاره حنا اهل شيمه وما نقرب العيب وما عندنا بالحب بيع وتجاره رجال في يوم المواقف محاسيب عز الدخيل المنتخي وسط داره ما بعنا العادات ولا الاصاحيب نبقى اسود اعراقنا بالصحارى ولضيوفنا ياعمري حنا معازيب اهل الكرم والجود واهل الطهاره هذي مبادئنا وضنك مايخيب ويبقى مكانك داخل القلب ساره ؟؟  |
خفي الضغط اشويه ياحلوه فوق القهر حسنك عليهم بلوه مضغوطه منك سوسن ونوره وسعاد ومجلوطه ناديه ومنتهى مع مروه ؟؟ هههههه  |
تعال لنا ياضيف ولبيتنا اقرب ياللي غيابك يزيد فينا طعونه الشمري بدونك ياخوي يمرض تعال لو منصاب حته بكرونا ؟؟  |
يا يوسف اكتب بالقلم وفتخر ما بين الأمم وعلم اللي ما علم عربان منهم والعجم عراقي ان قيل ونعم يكفيني من الهيبه الأسم  |
بارض العراق ارجال دمها سايل سجل لهم تاريخ الملاحم بطولات بالماضي والحاضر افعالهم بالدلايل ولهم بعالي المجد بيرق ورايات ماهو كلام وثرثره بالسان قايل للحين بصدر ايران توجد علامات يوم ارسلت اجنودها الزمايل قدام جيش اعراقنا صارو دجاجات ؟؟ حرر الرابط من قبل المراقب العام لوجود موسيقى وهذا مخالف للقوانين  |
البنت بزمن الطيبين حلوه ياجماعه زاهيه في حسنها ابعين الرجل ما شافت المكياج وتعشق القناعه ويكفيها خط ابعينها من الكحل لا جتها كورونا ولا قله مناعه شوفوها فرحانه وتطلع قمل ؟؟ هههههه  |
مشاعر لجله انا اكتبها ومنه كلهم ايغارون بالقروبات انا انشرها وماني كاتب ابورقه انا المغرم انا الهايم انا العاشق انا المفتون انا المجنون في حبه من زاخو الى البصره يبقى في نظر يوسف اجمل بلد بهذا الكون عراق العز والهيبه يحفظه ربي وينصره ؟؟ حرر الرابط من قبل المراقب العام  |
تعالوا فتشو عيوني رسمها بالنظر لازال محبتها تفجرها مشاعر يوسف ابحسره اوصف حسنها الطاغي واهمس لجلها موال يوضح اليوم كل مخفي يبوح ويعلن بسره انثر قافي ووصفها وعليها بالورد انهال لانها رايه للعزه وفيها المجد ياكبره بناها جعفر المنصور وفصل حسنها تفصال ومن بعده ابو عداي الله يرحمه ابقبره لجلها ضحه ابروحه يكم نشمي وكم رجال صدام واحدن منهم فدى بغداد في عمره تعالوا نقرأ التاريخ فيه العبره للاجيال ونعود شوي للماضي وناخذ منه العبره ونشوف كم غازي وكم ساقط وكم دجال نوه بغداد في شره تدمر ونكسر ضهره ويغسل عارهم دجله وفرات بأرضها من سال يسيل ويجري للكرمه ويعانق طينه البصره حماها الله من كل شر بزود اهلها الابطال ورغم الصار واليجري تضل بغداد منتصره ؟؟  |
تفاحه حمره اكل ابوقت الريوك وبالغده ابكيفي اسويها كلي وبالعشه اعشق التفاح مسلوك وحته بعنادك اسويها شوي ؟؟ ههههه   |
ابنك انا امي لو ضامك الضيم احزم حزامي للزمن لو غدر بك واصرخ بوجه الريح وعارك الغيم واكسر ضهر منهو يفكر يذلك ؟؟  |
تجمعوا يا ولد عمي وخالي الان فكرت انا بشغله حلوه ونظيفه قررت اعلن دوله بعد ثلاث ايام ويوسف يكون فيها عليكم خليفه هاتو جواري لي مربربات وسمان ومعاهم كم وحده حلوه وضعيفه على يميني تجلس ايمان وحنان وعلى يساري منتهى مع عفيفه ؟؟ ههههههه  |
محلاها بالجوال سلفي انصور بالنت والشارع ومن داخل البيت حتى بعبادتنا صاير تطور يالربع شوفوني تراني صليت ؟؟ هههههه  |
لو عطوني عسل نحله والله عندي ما يفيد ما تزين بعيوني اكله غير محبوبي الثريد ابشوفته تجيني نتله وقلبي دقاته تزيد ما شفت اكلات مثله وغيره يوسف مايريد اشكل الذرعان لجله وقصف المنسف بأيد وتشتغل بالمعده حفله وتغني اعطوني المزيد يلا امي قولي سهله هذا مطلوبي بقصيد ؟؟ هههههههه |
ورده وجميله كنها حوريه ومافيه منها بالبنات ابنيه من عندها غيره وشهامه ونخوه غير الاصيله الحلوه لعراقيه ؟؟  |
يا ساره يا ام القيم يوسف الك دوله وعلم ولو كثرت اعداد الزلم يوسف على راس الهرم احساسي مرهف بالشيم والغيره فينا من القدم بالنخوه وله بالكرم حنا لها حنا لها شعوري كتبته بقلم وعالي مقامك بالقمم بأخلاقك انتي والنعم جوهره ويوسف نالها لو جار زمانك والعدى يوسف الك درع وفدى يصرخ بصوته بكل مدى الشده حنا ارجالها ؟؟  |
من لا تهزه شيمته لدمعك اقول تافه وحيوان ومن صنف القرد يا بعد حيي انتي بنت اصول وانتي حرمه ما نوجد منها ابد وانتي دره قيمتك وسط القلوب ما يقيمك خايس وناكر عهد ولا يقهرك ناقص وعار وذليل الردي رابي وعلى الخسه نولد انتي ورده شامخه بعالي الجبال والورد ما يوم يحترمه قرد ؟؟  |
شوفو الجمال العندها شوفو الشكل ثري فيز طاقه ابعينها تنتل نتل من شافها بالحال ايصيبه وباء من الله يتحول من كيفه خبل ؟؟ هههههه  |
منهو من الدنيا سلم ومنهو قدر يرضيها تعضون اصبعكم ندم بس اصبرو التاليها بالقبر ارجال اهل الشيم وطيب يظل ماضيها دفنتهم الدنيا ظلم وضل المخنث بيها ؟؟  |
ساره ورده تزهر بكل الفصول راقيه واجمل من الجواهر والدرر قطفها يوسف وطالها بنت الاصول وغيره حاول الف مره ماقدر ما نلتفت لفلان وفلانه اشتقول انه وانتي ساره ما همنا بشر حبي الك باقي ولايمكن يزول ومن وفا ليوسف يبشر بالثمر يا بعد عمري جعل عمرك يطول يلا نامي اخاف يتعبك السهر ؟؟  |
مشاعري طلقات وحبي بندقيه يبعد مداها الارض لكوكب المريخ ونظراتي قناصه وشفايفي مدفعيه ترصد خدود سويره وتطلق صواريخ ؟؟ هههههه حررت الصورة من قبل المراقب العام |
ما عندي خبره بالزحف ولا فنون جربت الزحف وركابي عوروني يوسف بدوي مايعرف كيف تزحفون من فضلكم اهل الزحف علموني لو شفت حلوه متلثمه ومطلعه العيون ازحف لها وله اغمض عيوني ؟؟؟ ههههههه https://d.top4top.io/p_1912irrkk0.jpg |
تعالي وحسي بشعوري انا بدونك تره مرتاب عزيز وذل في حبك وطبيعي صار ما يفهم تره حالي مثل طفل سدو بوجهه الابواب وحيد بدنيا ما ترحم وقبل يومين متيتم نخيتك بس تعطيني ولو بوسه على فمي لذيذ الريق من شفتك كأنه مي من زمزم ؟؟  |
يمكن اكون في يوم قائد للشعب ولعيون شعبي اسوي المستحيله ومن لا يعجبه الدرب اشوفه الدرب يوسف زعيم القوم وشيخ القبيله واقسم قسم كل كلب لو ما تأدب العن ابو حيه وقصله ذيله ؟؟ هههههه  |
نعطي الكرم والجود صبح ومسيه نروي ضمى من كان في يوم عطشان شمر اهل فزعات واهل حميه عز الدخيل أليا نصى البيت حيران ومداتنا من كرمنا سخيه على المناسف اتشوف بالحم مليان وتراحيبنا للضيف تفتح شهيه ومن زارنا ماكان في يوم خسران حت البن الشمري مختلف عن البقيه فيه الطعم ياناس من الطيب دخان ؟؟  |
بعض الحريم بالمحن الله بلاها وشافت كل انواع وصناف الظلم الفقر مايوم قلل من مستواها تبقى للعزه مناره وتبقى للعفه علم الستر كل همها ومطلبها ومناها كفو منها والله الفين ونعم ؟؟  |
ازحفلك زحف والله احير الكون وشوفك ياعمري الزحفه الاصليه من قد الزحف الحيه جاها جنون مره تقول عني ضب ومره سحليه ههههههه  |
عليها شفه كنها زمرد وياقوت وخدودها تفاح ساطرني سطر ابوسها من الشفه وله من الخدود وله اجلس يا جماعه انتظر ؟؟ ههههههه  |
يارايح لصدام بالموت حاكه قله الخريجين ياصدام عمال عقب السطر والمرجله والنزاكه صار العراقي مابين حافي ونعال لاتنخدع بشكالنا والشياكه ؟؟ ولا كل ملقح للنساوين رجال في نهجنا ثوب العماله شراكه شبه الحريم لكن على شكل رجال انا على مجد العراق اتباكه الله ومانه دمروا واقع الحال ؟؟  |
اليوم صار البوس شفه على شفه صارت قديمه سالفه بوس الخدود يوسف لكل عاشق يعطيها وصفه اتريح اعصابه وتقتله الدود ؟؟ ههههههه  |
شحكي لكم يا ناس والله فشله وادري الحين الكل في يوسف ايلوم السرسري عنتر من عشق عبله زحف لها بليل وبحزه النوم ومسكها بالخيمه وعطاها قبله وما هزته من فمها ريحه الثوم منهو بطل اليوم ايسوي مثله ومنهو مثل حظي من البوس محروم ؟؟ هههههه  |
| الساعة الآن 09:36 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا