{ سلامي على مرتادي مسك الغلا }
سلام من شاعر للمحبين دوم وافي
صادق القول ما تبع احلام العصافير

سلامي على الرواد رفيعين المقامي
واخص الشعار بأول و آخر الطوابير

لا لا يالقارظ العنزي ويش أنت ناوي
خويك و صاحبك ما باعك بالغنادير

نجم ضاوي على اسمه تلقاه ضاوي
لكن اعذره لمن طالت به المشاوير

ترى الحب ما يعرف ضعيف وقاوي
ناره حرها اشد من دوس المسامير

ارحب بالشاعر ومن بالطيب نخاوي
أهل الوفاء عند الشدايد نلقا مناعير

يالقارظ هيضتني بلعب قاف يداوي
عليل ولأجل علته يسوق المخاسير

مره يكتم سره ومره على الملأ راوي
وطول وقته يعشق رواية المسافير

ياحي منه للعلوم الطيبة دوم حاوي
ترى قلبه اصفى من حليب المغاتير

ويسوق حاله وماله وقتها بالتساوي
ما هو باللي قلبه مشغول بالمشاهير
الشاعر/ حمد بن فهد المخالده السبيعي

وعليك السلام يالمخالد وصح لسانك
ابدعت ياحمد &

خويي يا حمد باعني ......... .. وراح
ما كنت اظنه بالغنادير .... ... مفتون
يا سرعه معهن بالهوى غرد ... وطاح
مثل العمى يشفق على شوف مزيون
هيهات يرجع لي عقب ذاك . يا صاح
وان عاد عقله على كف ...... مجنون
ليته حكا لي وش ظروفه ولي .. باح
وانا صديقه بالوزا ما نجي ...... دون
وصيتي كانه بكم مر او ........... لاح
سلم عليه وذكره دايم .......... يمون
ماني صديق حاضر الوجه ..... مداح
امدح رفيقي في غيابه .... ولا يهون
صديقي الضاوي على الحق .. وضاح
ما هو من اللي بالقفا دوم ... يحكون
لكني اشره كيف يقفي ...... والاملاح
وانا طريح فراش ضايق ... ومحزون
ليته تذكر صاحبه ودك ......... بمراح
وحرم ينام الليل ما يغمض ... جفون
ثم ارتحل يمي كما طير ...... وجناح
وحقه عليه نرفعه راس ...... وعيون

صح لسانك وسلمت يداك الوضاءة وقلبك الطاهر يحفظك ربي عزيز الشأن ويرفع من مقدارك دين ودنيا وآخرة.

<{لاتلوم خفي السد ومن سده باح}>
ياالعنزي اعذر منه تولع في الملاح
خص اليا صار شبه القمر و مزيون

ياكم طريح في الهوى صاح وطاح
وقل الله لا يرحم اللي ما يرحمون

ريف ظريف لمن مر كاشف الوشاح
عين قتاله وخشم كالسيف مسنون

لا لاتلوم خفي السد ومن سده باح
الأول حزين والثاني يبكى مجنون

وأرىالعشق للقوي والضعيف ذباح
آه ياعنتر وقيس اللي لهم يذكرون

ألا يااخوي يالقارظ كان تبي ترتاح
اشغل الفكر بذكر الله دنياك اتهون

وصبر النفس لمن خويك عنك راح
وخل الأمل يا اخوي نصب العيون

لبد تعتبر خويك ضاوي كما المزاح
كالشمس والقمر ليا غابوا يرجعون

دنيا ما تستاهل لحظة زعل ياصاح
وين رعاة الأمم واللي لها يعشقون

اسلم وسلم يالعنزي يارجل الكفاح
وصلاة ربي على الصاحب الميمون

نبينا محمد عد برق في السماء لاح
وإعداد اشجار رشها مدلهم المزون
الشاعر/ حمد بن فهد المخالده السبيعي

صح بدنك مدد بلا عدد يحفظك ربي عزيز الشأن ويرفع من مقدارك دين ودنيا وآخرة ربي يبلغك مرادك ويوفقك
لما يحبه ويرضاه ويحقق لك أحلامك ..
اخوك/ حمدفهد