--<< { يالايمي في هوى الزين } >>--
على هونك بنظراتك تجذبني يالمزوح
خذوني معاك ساعة اللقاء لا لا توريني

وعاهد بالله عند الشدايد عني ماتروح
آه يكفيني من جرعات الحب ما فيني

ومن الحب ياما نحت مثل ورقا ينوح
الورق يظهر جرحه وأنا جرحي دفيني

ومازلت ابحث عن من يداوي الجروح
ياالله عساني ألقى شبه غزال يداويني

الشعر على الكتفين شلال وجه صبوح
والعين كحلى والخشم يسر الناظريني

ومورد الوجنات شذاها كما عطر يفوح
والشفايف جمر خلفها عسل به تغذيني

والثمان كالبرد تتلألأ او كما برق يلوح
العنق عنق الغزالة شوفه دوم يسليني

والصدر بستان تفاحتينه تنعش الروح
ماداعبتها شفة طفل ولا يد العابيثيني

ناحل الخصرين والوسط غاية المملوح
وين ماأريد عالكيف يجيبني ويوديني

الساق غصن موز ريان بحسنه ممدوح
والخافي وافي شوقي وذوقي يدفيني

يالايمي في هوى الزين ماأنت بمسموح
عساك تروح روحة وما عاد إنك تجيني
الشاعر/ حمد بن فهد المخالده السبيعي

تسلم لنا اخي الغالي يحفظك ربي عزيز الشأن ويرفع من مقدارك دين ودنيا وآخرة.
اخوك/ حمدفهد

صح لسان اخوي حمد
مبدع ماشاء الله عليك
احترامي وتقديري لك

صح بدنك مدد بلا عدد يحفظك ربي يالغالي . أسعدني مرورك العذب يسعدك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين.
اخوك/ حمدفهد