ً
ً

الليلة كنت مع اخواني مجتمعين
وتكلمنا عن ريان وقصته
قال واحد من اخواني
وش ذا العالم المنافق !
يعني الالف الاطفال يموتون
وتقتلهم الة الحرب والبرد والخوف
ومحدن التفت لهم ..!
قلت من قال محدن التفت لهم ؟
قال شوف كيف قام العالم عشان ريان
رد عليه اخوي الثاني وقال :
من اللي لفت انتباههم لريان ؟
مو الله اللي قدر لريان يكون له هذا الامر !
قلت نعم الله اراد هذا الشيء
ولعله كان سبب في حياة اسرته وتحول احوالهم
ولكن صدقوني بان كل مخلص
ومستشعر لاحوال المسلمين بكل مكان
ما راح يغفل عن احوالهم
بغض النظر عن دعاية الاعلام وبهرجته
واظن الكل يعرف احوال اطفال الشام
واطفال اليمن والعراق وغيرهم
ولكن وش نسوي عشان نحرك العالم تجاههم !
ماعندنا غير محاولة المساعدة بقدر ما نستطيع
والدعاء لهم والتألم لهم ولحالهم ..

ِ

ً
ً

يقول في تقييمه على الصورة :
" احسن انا مع انقراض البشرية "

وش عندك يالنفسية
عشان متضايق وزعلان
خلاص ودك ننقرض يالشين
طيب لو انقرضنا وين بس تلقى احد يطقطق عليك
طبعاً امزح معاك لا تطير حواجبك وتحشني


ِ

ً
ً

ولقد ذكرتك فابتسمت
واجمل ايام الذكريات المبتسمة ..

ِ

ً
ً

يا جماعة فيه ناس يدننون >> يجنون
ترحيبهم غير
يقول لي :
" يا هلا وغلا وكرتون حلا "
طيب فهمت هلا وغلا
بس كرتون حلا .. ليش !
لهالدرجة بخيل
وبعدين ما ابغى كرتون حلا
ابغى حلا جاهز عشان التهمه
مو كرتون اشيله معاي للبيت

ربي يسعدك


ِ

ً
ً

" تروالي لواحظه الجميله
اذا سلهم ولي بالعين سلم
يغض الطرف عن غيري واجي له
واسولف له واعاتب واتكلم "


ِ

ً
ً
اللي ما يجيك وقت حاجتك
احظره واسحب عليه وانت مغمض
لانك مو فاضي لناس مزاجيين
يجوا وقت روقانهم بس


ِ