٠<{ كذب من قال تصانيف }>٠
بادي باسم ذي العزة و الجلاله
الله إله الكون خالق ذا الجمال

نعم حجازية أم العيون الفعالة
حب سحر قلبي بسحر الحلال

اسم في دنيا الصعب والسهالة
كل يتمناها ولأجله صار القتال

عين المها والف الإسم والدلالة
همزة وصل قلبي يا سين بلال

لا ياسائلي خل مثلي في حاله
أخاف الجواب يتل قلبك تلال

آمالي و سعادة قلبي في آماله
تأج حبي بصمة حسن و جمال

ملكة عمري بأول و تالي كماله
سر حياتي بعد عمري بالحلال
الشاعر/ حمد بن فهد المخالده السبيعي
========================
مجاراة الشاعر/ الأستاذ: القارظ العنزي:-

يا ظريف الحرف مع ظرف المقالة
طاب لي القيل ثم طاب ... . النزال

يا هني اللي تفيا في ......... ظلاله
ما قالوا له يا ولد شوفك ....محال

كم من يوم اشتغل هندي . البقالة
اشتغل ثم انتظر لاجل ...... الغزال

حينا حي البقالة ........... والغزالة
والغزالة شوفها وقت ....... الزوال

يا بو فهد ليتك شفته في ... جماله
كان تفطر ما تصوم شهرك ... كمال

سبحان رب كمله بزينة ....... كماله
لاهي بين البيض ولاهي من خوال

عجل عجل كيف اسوي في مثاله
وش الحيلة في مثاله صبري طال

اخشى ربي ولا جيته في .. مجاله
واحتويته والتقيته ...... بالوصال
الشاعر/ القارظ العنزي
=======================
رد الشاعر/ حمد بن فهد المخالده السبيعي:-
حي الشاعر السنافي راعي البساله
القارظ العنزي عريب الجد والخلل

هذا شهر الصوم وادعي في مجاله
يأتي لكم بقدرة ذي العزة والجلال

ما لوم مثلك صفي الروح يتهيا له
لأجل شوفته تحمل واشتغل بقال

حيك حيها وحي حي ذيك البقالة
مزرعة الشوق فاتنتك بذاك الغزال

لا خلني صايم مثلي لاتغير احواله
وإن شاء الله نصوم شهرنا بالكمال

واسأل الله لمثلك ربي يحقق آماله
ويعيش مع محبوبته سعيد الحال

قدامك فرصة لاتضيعها في اتصاله
ربك كريم ما يخيب قوي الاتصال

اصبر بالصبر والدعاء كان تبقا تناله
غدا تفرح وتظفر به حضن ووصال
الشاعر/ حمد بن فهد المخالده السبيعي

صح الله ألسنتكم

صح الله السانك
استاذنا الكبير
حمد بن فهد السبيعي
لاهنت ولا هان منطوقك

صح بدنك يالغالي مدد بلا عدد يحفظك ربي عزيز الشأن ويرفع من مقدارك دين ودنيا وآخرة ربي يبلغك مرادك ويوفقك لما يحبه و يرضاه.
اخوك/ حمدفهد

اخي الغالي الشاعر الأستاذ القارظ العنزي صح بدنك مدد بلا عدد يحفظك ربي أسعدني مرورك العذب يسعدك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين.
اخوك/ حمدفهد