. (قَالَتْ رَجَاء لا تَقْتِلْ الشَّوق)
قَالَتْ رَجَاءً لا تَقْتِـلْ الشَّـــوق فيني
قلت الشوق فيك ياراجيتي مقتول

قالت تحمـــلني وكــن لي معيــــني
قلت العــذر ما يتحمـــلك المحمـول

قالت العسل من غيرك ما يقــويني
قلت كفي عن الهـرج معاد معسول

قالت علتي أراضـــيك ما تراضيني
قلت يا علة كيف يراضيك المعلول

قالت المعزل بالمرة صــار يكويني
قلت المعـــزل ما يكويه المعـــزول

قالت الدال تراه على دينـك وديني
قلت ما قتلتي الدال قتلتي المدلول

قالت الحْبَـال دونك ويمها سكيــني
قلت متفيد حبَّال وقع في المحْبُول

قالت رحـال حط يمينك في يميني
قلت هيهــات ولا اشــد لك الرحول

قالت مالت الدنيــا وربك يجـازيني
قلت الجـزاء فيـك ما يعدل الميول

قالت الســيل زادا وأبقـاك تحميني
قلت لو بيدي السـيل لأزيد السيول

قالت إلى متى تكتم الحب الدفيني
قلت جرح ونزف عسى سـمه يزول
الشاعر/ حمد بن فهد المخالدة السبيعي

يوووووووه وش هالعناد ياخوي حمد
انقهرت عليها لو انها قصيد
قالت الســيل زادا وأبقـاك تحميني
قلت لو بيدي السـيل لأزيد السيول
ابيات ظريفه خفيه
صح لسانك ولا تحرمنا جديدك

تسلم لنا الأيادي البيضاء والقلوب الصافية على مدى الدهر يحفظك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين. أسعدني مرورك العذب وتقييمك العادل يسعدك ربي دين ودنيا وآخرة ربي يبلغك مرادك.
اخوك/ حمدفهد

اختي الغالية يحفظك ربي عزيز الشأن ويرفع من مقدارك دين ودنيا وآخرة ربي يسعدك سعادة لا حد لها في كل مكان وزمان .
اخوك/ حمدفهد

وعليكم السلام ورحمة الله وبركاته
صح لسانك وعلى شانك اخي الغالي ربنا يسعدك في الدنياء والاخره
تسلم اخي ابو فهد
وتقبل مروري المتواضع