<{ انوح نوح الورقا }>
انوح نوح الورقا
وعلى الجبل ارقا
جبل عالي وارقا
كود اشوف هالغالي

الغالي روح بعيد
كيف أبدا و اعيد
ضيعت المواعيد
سارح ما نيب سالي

رحل بقلبي رحل
بعد مابناله محل
وطار ولس محل
آه اشكي لله حالي

ألا يا عالم بحاله
بلغه مني رساله
لا يحسبني داله
فداه روحي و مالي

سرك بقلبي دفن
أبحرت به سفن
يون مثل ما تون
أحبك تصير مركالي

يامركاي يا شوق
حلوه في الذوق
الحل مافيه بوق
لاتتجاهل ما جرالي

طعت هل زمانك
ومازلت بأدمانك
حبيبك ما خانك
ليه فكرك غدا خالي

الى بكيت ابكيت
قلوب ويا اتكيت
عليك لله شكيت
لاتبحر وسط خيالي

بالحلم لا تجيني
ليه تبكي حزيني
اطلب و تعطيني
دوم تجي على بالي

احلامنا كالسراب
وبعيد الشر غاب
ومواردنا للذهاب
ومالنا بعد الله والي

خلها رحلة سلام
إياك تكسر أقلام
خطت لك احلام
بها ذكرى أول وتالي

كم قلت حمد مر
شفته و قلبك فر
حول شتاك للحر
متى يبرد حر صالي
الشاعر/ حمد بن فهد المخالده السبيعي

صح لسانك يا السبيعي
يعطيك آلف عافيه وسلمت الأنآمـل المتألقه

اختي الغالية صح بدنك مدد بلا عدد يحفظك ربي عزيز الشأن لا عدمناك الصدق والأمانة والوفاء والإخلاص في القول والعمل ربي يسعدك دين ودنيا وآخرة.
اخوك/ حمدفهد

صح بدنك يالغالي مدد بلا عدد يحفظك ربي عزيز الشأن. أسعدني مرورك العذب يسعدك ربي وين ما كنت في الحل والترحال وفي كل مكان وزمان اتمنى لك السعادة ما حييت اللهم آمين.
اخوك/ حمدفهد