ما غير رب العرش نشكي له الحال
والا البشر شكواي فيهم ....... مذلة
نصبر كما صبر الجمل تحت الاثقال
ما يشتكي حمله ولو طال ... حله
يرسي مثل حوران ضلعان وجبال
لين المعزب يرفعه ثم ......... يحله
يالله يا خلاق بالناس ....... الازوال
ياللي خلقت الخلق شكل ... وجبلة
تلطف بحال بالعرب وضعها .. طال
وكل عرفنا معدنه من ........ سجله
ما ننخدع باللبس وشماغ . وعقال
ولا ننخدع في ضحكة .... مسفهلة
من عايش الايام بانت له ... اشكال
بان السفيه وبان بالناس ........ علة
وبانت رجال غيبها صعب .. ينجال
مثل الاسود الضارية في ..... محله
والا الردي مثل البراخيص ... تنهال
يسفي عجاجه بالخلا ...... والمحلة
صنف الردى دايم خسيسين وانذال
ما شفتهم يوم على جال ....... دلة
في مجتمعهم هرجة الشين . تنقال
ما فيهم اللي يستحي من ... هل له
لولا الحياء وندرا مشاريه .. ورجال
ما همنا راس الردى وكل ....... شلة
مصيرهم مثل العلف داخل . شوال
عيش البهيمة والبهيمة ......... تدله

القارظ العنزي

صح بدنك مرورك شرف متأمل

صح بدنك نقية الحرف
كلك ذوقك لاعدمناك