ŢαŢμαŊα | 08-11-21 03:27 PM | اقتباس:
المشاركة الأصلية كتبت بواسطة الدكتورة
(المشاركة 2902022)
الاعتماد على الذات * المشكلة هي شيء معقد يحتاج لحل عقدته،، هل استطاعت في كل المشاكل ان تستغني تاتي عن الآخرين في حل مشاكلها ؟؟؟ بالتأكيد دكتورتنا مافينا كلمرة نحل مشاكلنا لحالنا (بس بتضل هيدي رغبة انك تقدر تحل كل مشاكلك كلمرة لحالك مندون مساعدة من احد) مرات الاخرين بيشوفو مخرج كتير قريب وسهل بوقت صاحب المشكلة مابيشوفوه ,, قد ما إيجاد الحل بيعتبو وبيقل تركيزو ومرات لانو المشكلة المراد منو استفادة جماعية ,, لهيك بيحتاج لمشورة جماعية * لو لجأت تاتي من بعد الله ومن ثم الاعتماد على الذات لأحدهم في حل مشكلة مستعصية من سيكون ؟؟؟ طبعا بالمرتبة الأولى بيكونو مامتي وآخواتي وبيى واخواني بس اذا كان المشكلة مرتبطه بالعمل يمكن استشير صديقتي ومدير العمل كمان يعني بالنهاية اهم شي انو المشكلة تنحل * تحدي الذات ماذا يعني ؟؟؟ تحدى الذات بتقديم شغل أفضل من سابقاتها لنفس الشخص وبزبط النفس وثبات نفسي وتحمل مصاعب الأكبر بمرور السنين بالقدرة على تحدي ابداعاتك ومواهبك وتقدر كلمرة تبهر العالم بالجديد والنادر والنافع * هل خسرت تاتي التحدي أحدى المرات،،، وماذا فعلت بعد تلك الخسارة ؟؟؟ آي ببداباتي كنت بخسر التحدي لقلة خبرتي في مجال العمل ولطبيعتي بالاعتماد الكلي ع حالي , ماكنت بطلب النصح او المساعدة من الاخرين وبعد ماعرفت اني خسرت التحدي وارائي وقراراتي مش كلمرة كانو بالمسار الصحيح تآكدت انو محدا بيقدر يعمول كلشي لحالو مندون مساعدة الاخرين وتعلمت انو ضروري نستفيد من خبرات يلي اكبر منا بالشغل واكثر حكمة وبصيرة حتى نقدر ننفذ مهامنا بانجح طريقة ونربح تحدي ذاتنا * القيم من المسلمات الثابتة في حياة الفرد،، ما هي القيم اللي مش ممكن تستغني تاتي عنهم ؟؟؟ القيم الإنسانية والاجتماعية والاسرية قيم التمسك بالمباديء السامية ونبل الاخلاق والإحسان الى الغير واهم قيمة انك تثبت نجاحك ودورك الفعال في المجتمع وتكون ملهم للاخرين * ما هي القيم القابلة للمرونة والتغير ؟؟؟ القيم العملية والنظرية والفكرية لانو وارد جدا انو الانسان يتغير طريقة تفكيرو بمرور الوقت ومرات يتغيير اولوياتو بالحياة مع تقدم العمر والظروف * كل شيء يبدأ صغير ويكبر،، إلا المصيبة تكون كبيرة وتصغر،، كيف وظفت تاتي هذه الحقيقة ضمن قيمها الحياتية ؟؟؟ كلامك صائب دكتورتنا وهيدا من رحمة رب العالمين علينا وبحالنا وبيعرف قدرتنا المحدودة انا وقت مااخد شوك يلا بعرف انو هيدي هيا بداية (الف بعد الشر) المصيبة وبعد مايخلص مرحلة الصدمة والتشتيت ومرات وجع قليل متل وخز الابرة برتاح شوي لاني بعرف انو already قطعت المرحلة الحساسة (الحجم الأصلي للمصيبة) وبحاول انو باللجوء لرب العالمين ولم شتاتي وإعادة حساباتي من جديد احلل المشكلة يلي صارت ,, واحاول القى منفذ او مخرج او حل مناسب لالو وبقضى وقت كبير لالو ,, واذا ماطلعت بنتيجه مرضية وقتا بطلب المساعدة والنصح من القراب مني وفي شغلة مهمة جدا / مابضيع وقتي بسؤال // ليش صارت معي هيدي المشكلة ؟؟ ليش انا بالذات لانو بعرف هيدا سؤال تدميري ويخلي الانسان ينهزم ويستسلم بسهولة وكمان بيزيد من الطاقة السلبية والتشاؤم عندو ومرات يوصلو للكأبة والانعزال كمان |
وهيدا آجاباتي ع البارت الرابع من آسئلات دكتورتنا الجميلة
ونشالله رح بجاوب ع باقي الأجزاء القديمه والجديدة باقرب مجال يتسنى لالي
لآنو هيدول الاسئلات رائعين وفخمين وغاليين ع قلبي متل صاحبتهم دكتورتنا الغالية
وبيهمني وواجب عليى اني اجاوب عليهم بدقة واهتمام كبيرين
وبتمنى ينالو اعجابها واعجاب روادنا وزوارنا الأعزاء |