أهلاً بكم جميعاً

نعود بعد غياب بهذه القصيده

ارجو ان تحوز على رضاكم







مهموم متعذب وخالي ومرتاح
مشاعري متلخبطه كيف مدري؟

يعني كأني خذت فالأسهم ارباح
ماطالت الفرحه وانا خسرت بدري

مشاعري* تلقى بها* هدوء واجماح
وفي داخلي جمعتها* وسط صدري

ماعاد بسأل من يجينا* ومن راح
بعض البشر ودك اذا جاك يسري

اللي ملى قلبي تهاويل وجراح
ضيعت أنا بمحبته نص عمري

لو راح من بدري وخلاني ارتاح
ماكان قلبي مل من طول صبري

سالت دموع العين والقلب نواح
وفضّلت أعيش بوحدتي كل دهري

من عام......ماجتّني تباشير وأفراح
ولا شي في الدنيا ألاقيه مغري

أفكار مصحوبة بتدبير الأشباح
أشباح ملعونه مع الدم تجري

ماظنها بتبعد ولا تروح يا صاح
إلين تلقى جثتي وسط قبري...!!

أهلا بالاميره المبجله

سلمك الله انتي ومن تحبين بكل خير

يشرفني انك اول رد في متصفحي

شكرا لا توفيك حقك

بوركتي اينما كنتي


تقييمك وختمك اسعدوني كثير سلمتي ودمتي

حياك الله وحي الله وجودك في متصفحي

صح بدنك واسعدك المولى

شكرا لك