مـا عنـدي لـ كشـف النـوايا مرونه
‏من طاب فالجنّه ومن خاب فالنار

‏أعـامـل الـعـالـم بـ مـا يـظـهـرونه
‏و اتـرك خوافيـهم لـ عـلّام الاسرار

لشاعرها

الشعُور إن رمضان قرب يمليك راحة نفسيه وسعاده ..
اللهم بلغنا رمضان وحنا بـ أحسن حال
واعنا على صيامه وقيامه وحسن عبادته ..

انتهت فقرتي ان شاءالله نلتقي على خير
وبعض الناس اللي موقفين راجعين
لديارهم سالمين غانمين :icon10:

يا هـاجسي غـنّ طاروق الشعر غنّه
‏الحـق عـلى مابقى ولا العمر .. فاني

‏ياصدري اصبر على صبري على الونّه
‏ياطول صبرك علي وشين ماجاني

‏يلج فيك الحزن .. واخفييييه ، واكنّه
‏واذا بغيت اشتكي ماطاوع لسـاني

‏انا الذي لو ظـروف الووقت حـدنّه
‏يموت مايشتكي لفلان .. و فـلاني :)

هناك قلم يحرر وآخر يقرر..قلم يبرر وآخر يحاول أن يمرر..
قلم أمير وآخر أجير..قلم أسير وآخر مستفز..
قلم يفزع وآخر يعزف..قلم مدهش وآخر قاهر..
قلم متطور وآخر متورط..قلم ممتع وآخر معتم..
قلم يبعث الضوء وآخر ينفث السوء تعددت الأقلام والحبر واحد...
فأحرص علي إختيار نوع القلم لتحفظ ماء وجهك..


راقت لي …

تقضيتوا فوانيس ومواعين لرمضان
أنا عن نفسي ولا شيء لحد الآن :icon10:
يمكن اقضي صحون وملاعق بلاستيك لين اخر رمضان ياكلون فيها
بس يمكن اكشخ اول يوم و بعدها بلااااستيك :iqf03163:
خلاص تعبت من غسيل المواعين يوم يجي العيد إلا يديني
مثل يدين العجوز اللي عمرها 100 عام قلت لهم مصيركم
تاكلون ببلاسيك يضر مايضر مالي شغل فيكم اجل اجلس
بالمطبخ اغسل لين يجي صلاة العشاء خير والله
هذا شهر عباده مو جلسه بالمطبخ و بين المواعين :23:
انا عندي اطبخ كل شيء عادي بس مواعين لا وألف لا ..

الله يبلغنا رمضان وحنا بااحسن حال
ويتقبل منا صيامنا وقيامنا وصالح اعمالنا

انا قريب منك افتحي الباب جايك ،!
هذا اخوي يوم كنت عندهم وقت الإجازات اذا جا العصر او بعد صلاة العشاء
اتصل علي وقال بمرك جايك انا افتقد الآن هالشيء وانا بعيده عن اخواني وخواتي ..
أنا الآن مثل الشجره اللي منزوعه من جذورها وانا بعيده عنهم
جد البعد عن الاهل غربه مهما كنتِ مبسوطه إلا أنك فيكِ شيء ناقص
انا الوحيده اللي بعيده عن اهلي الباقين كلهم قريب من بعض بنفس المدينه والحي
زمان اذا شفت مقطع عن مدينتي طلعت دمعتي واجلس اتذكر
كل شيء اهلي اجدادي خوالي وخالاتي الحي والميت منهم واتهيض
عشان كذا دائم ابحثوا ازواج لخواتكم وبناتكم يكونون قريب منكم سكنهم ..
وانا استغرب من البعض يحبون يتزوجون ويبعدون عن اهلهم واخوانهم
هل بينهم خلل او مشاكل لاجل كذا يحبون يبتعدون عنهم
بس سبحان الله الدنيا فيها الناس اجناس وطبايع وفيهم الغثيث والسمح
واللي يحبون اهلهم واللي يكرهون اهلهم ..


ماعندي سالفه بس قلت اخربط شوي
واللي جالسين تحت الـ 11 حياكم الله منورين والله الحته :MonTaseR_11: