|
سحايب شماليه صباحكم هُدوء جميل كلهُ حُب وسعادة ويبدأ بحمد الله على كُل شيء ... صباح الخير اليوم افتتح مدونتي هنا الأحد 1443/2/5 |
إن أصبحت مُعافى في جسدك فقُل " الحمد لله ." هذهِ النعمة هي أغلى ما يتمناه آلاف البشر مِن حولك في هذه اللحظة . الحمدُ لله دائماً وأبداً صباح الخير والورد :رحيق: |
اقتباس:
ياهلا وغلا يالله أنك تحييها وتصبحها بالنور والسرور أجمل من يتابعني ويقيمني يالنايفه وسعيده بمرورك هنا :نبض: |
اقتباس:
هلا وغلا ومرحبا اخوي ماهر منور مدونتي أخيراً حصلت بعض اللي اعرفهم بمنتداي القديم وخاصه اللي اكن لهم كل الأحترام والتقدير والبعض منهم لهم فقده والله خاصه لنا سنوات مع بعض ماشفت منهم إلا كل خير وطيب : جتني تقاييم وماني عارفه من مين لكن اللي يقيم يكتب اسمه عشان اعرفه هو مين :icon10: الحين انا مطوله على هالحاله مااعرف من قيمني :MonTaseR_203: |
اقتباس:
ههههههه الله يبشرك بما يسرك يالنايفه آخ ياراسي منين اجيب 500 مشاركه شكلي بجلس لين السنه الجايه واقدر اقيم سلحفاة أنا بالمشاركات ههههههههه طيب مافيه رفع درجات المشاركات يقولون فيه تخفيضات وعروض بمناسبة اليوم الوطني ههههههه :icon10: |
سوالف رحلتي – بدر بن عبدالمحسن عن حبك رحلت .. ولحبك وصلت .. وهذي سوالف رحلتي .. سافرت .. في كل التراب سافرت .. لديار السحاب وهربت من ليل اللقاء .. وسهر الغياب وأنتي بداية رحلتي وكنتي النهايه .. ودعتك وغصب علي خذتك معايه .. يا طول هالرحله.. لو هي المسافه والزمن يا قصر هالرحله .. سافرت من جرح الشجن يا طولها .. يا قصرها تصوري إني نسيت بس الأكيد إني بكيت لين الدموع تكدست .. أوراق عن حبك رحلت ولحبك وصلت وهذي سوالف رحلتي |
سئل حكيم : ماذا تشتهي ؟. قال : عافية يوم ! . فقيل له : ألست في العافية سائر الأيام؟ قال : العافية أن يمر يوم بلا ذنب ... |
كل واحد منا عنده هموم ومشاكل ولحظات حزن وتقلبات بالمزاج والقلب والعقل لكن البعض مع هذهِ التغيرات ينسلخ من طبيعته للأسوء وتتغير طبايعه وأخلاقه ويقل إيمانه وينحرف عن الطريق السوي والسبب ان إيمانه قليل وضعيف لأنه هو اساساً هش داخلياً سريع التأثر ليس بقوي الله سبحانه وتعالى يحب المؤمن القوي عند اي مصيبه او تغيير بحياته يكون صلباً قوياً لاشك إننا نضعف وتنهار احيانا عزيمتنا لكن سريعاً ما ننهض وننفض غبار الضعف ونتذكر ان الله معنا وهو مدبرنا ورازقنا ومسير امورنا كلها لذلك مهما عصفت بك الحياة لاتتغير للأسوء بل غير ماحولك وما يؤثر عليك .. كن كما أنت لا تتغير إلا للأفضل .. مجرد ثرثره من قل النوم وهم منصة مدرستي .. |
يقال : يزيد ألم الذكريات كلما كانت جميلة .. وأقول فعلاً كانت جميله لكنها الآن أليمه ..! |
ولا تحسب الناس هي اللي تحدد مصير ترا مصير البشر فـ يدين خلّاقها لو يفرشون بـ حكاويهم لـ سمعك حرير الناس ما ينعرف وش داخل اعماقها احيان عاملهم بـ حكمه وخُلق وضمير واحيان ! عاملهم فـ ما تبدي اخلاقها والشجره اللي مَ ظلّت من شموس الهجير بكره تهب الرياح وتاخذ اوراقها الشاعر / نقا الاسيمر |
انا من محبات الشتاء الصيف مااحبه وطول الصيفيه الأخلاق قافله معي لا تمشيات ولا روحه للشاطىء ولا شيء مااتحمل الحر احب الشتاء جوه وناسه والنفسيه تتعدل استغرب من اللي يقولون الصيف جوه عليل إلا جوه مخلل هههههههه :iqf03163: شكلي حبيت هالمنتدى من هالفيس ابو حواجب ترقص ههههههههه |
اللهُم ارحم من إخترت لهم الرحيل من هذهِ الدنيا و اجعل قبورهم روضة من رياض الجنه اللهُم ارحمهم واغفرلهم وأفتح لهم أبواب تهبُ منها نسائم الجنة يارب اسألك الجنه لِـ أبي وأمي وجميع امواتنا واموات المسلمين عن أبي هريرة رضي الله عنه أن رسول الله ﷺ قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلم، لاتنسون موتاكم من الدعاء |
صباح الخير أنا مادري وش مدخلني هالوقت مشكله اللي تنام بدري وتصحى الساعه 2 او 3 شبعانه نوم لِاجل كذا ما أحب أنام بدري مره :MonTaseR_159: |
البارح اتفرج على التيك توك وطلع لي مقطع من مسلسل كف ودفوف لقطة يوم الفنانه هدى حسين تشوف الجن بسم الله عيلنا وحوالينا بصراحه المقطع خوفني هههههههه خاصه اني جالسه بالصاله وهدوء والشعب كله نايم ومطفيه الانوار الضوء خافت قال اني مسويه جو رايق وكأني احضرهم :icon10: من الخوف ماكملت المقطع قفلت جوالي وطيران فوق على غرفتي وش لي بالمشاهد هذي :MonTaseR_163: انا خلقه خوافه من المشاهد اللي كذا وخاصه إذا لحالي اتابع وهذا اللي خلاني انام بدري البارح هههههههههه :MonTaseR_70: |
اقتباس:
اقتباس:
والله جبتها توقيت خباز افغاني على هالصبح ههههههههههه عز الله كدينا خير المشكله الظاهر ناكل الخبز قبل يجون الزباين :icon10: وتاليتها نتهاوش على كم ريال اللي كسبناه ماحنا وجيه تجاره :PV503112: صباحك سعاده وروقان اخوي رومانس |
أخيراً عرفت من اللي يقيموني مشاركاتي تسمح الآن اني اعرف من قيمني ام ورده عرفتك وماعرفتك من انتي :1: |
هلا وغلا بالجميع لي فتره مادخلت اخباركم يااهل مسك شلونكم عطوني علومكم كيفكم مع عطلة اليوم اليوم الوطني اللي راحت :iqf03163: ادري متاخره بالمنهج بس توي ادخل :icon10: دخلت هنا الساعه 10 مساءً على اني بشارك والآن خلاص طفيت مالي نفس اشارك لان سوالفي خلصت الآن الساعه صباحاً 12:30 لاني من دخلت لحد الآن ساعتين اكلم بالجوال مع بنت عمي اللي مسافره حائل حسيت ان الجوال يقول خلاص اسكتوا :m9: سالفه ورا سالفه لاني ماشفتها لي فتره طويله آخر شيء قفل الخط بيننا الجوال ههههههه شكله قال اسكتوا وإلا انا اسكت واطفي هههههههه اللي يسعد قلبها افضل شيء بالدنيا يرزقك الله صديقه وتكون من دمك ولحمك وتفهمون بعض الله يديم صداقتنا وقربنا من بعض كل شيء جميل بحياة الشخص نعمه تستحق ان نشكر الله عليها |
يقول البدر : لو كبرنا بالسنين و بالليالي ما كبرنا بالشعور اللي نحسه .. |
اللهم أرزقنا من العافية أكملها ومن الدنيا خيرها ومن الآخره نعيمها .. صباح الخير |
صباح الخير للي ناموا بدري ومع زقزقة العصافير وهم صاحين حكمة اليوم تقول : إن ضاقت من الخلان ارقص مع الخبلان :2a: احيانا الخبلان افضل من العاقلين :icon10: |
اقتباس:
بوجودك النور اخوي رومانس واهل مسك يوووه كلامك عن هاكالديار خلاني اتهيض ودي امسك خط لحائل وادعس بانزين واشغل عيسى البحيري اغنية يسيل وادي الغيل ههههههههه الذوق عندي معدوم :iqf03163: بلا ابو نوره وغيره لين اشوف جبال وطعوس حائل يرجعلي ضبط المصنع والتهيئه :icon10: الله يجيب الخير والامطار وانصب خيمتي بذيك الطعوس بعيداً عن البيوت والاجهزه واريح راسي بين الطبيعه وعلى قولتك خبز صاج وكاسة حليب بالزنجبيل في الصبحيه اجمل من كافيهات وبحر الشرقيه كلها اظن اني دقه قديمه نظام شيبان :PV503112: وهل فيه اجمل من الشمال بدون نقصان بالبقيه :67: |
|
إن أصبحت مُعافى في جسدك فقُل " الحمد لله " هذهِ النعمة هي أغلى ما يتمناه آلاف البشر مِن حولك في هذه اللحظة .. صباح الخير:نبض: |
أنا هالفتره صايره ماعندي وقت فراغ كل وقتي مضغوطه لِأجل كذا ودي بعزله بعض الوقت لنفسي بدون احد لاجل اصفي مخي وارتاح حتى من برامج هالتواصل هالاجتماعي خاااصه الواتس اكرهه لكن مضطره اخليه مااحذفه لاجل قروبات القرايب والصديقات مجامله لهم :ياعبيط: احياناً حتى لو سويت تسلل وخروج من بعضها :MonTaseR_163: يرجعوني للقروب ملاقيف :69: الوكاد الواتس صاير غثيث ومصدر ازعاج ورسائل كلها مكرره ومضيعه للوقت مجرد تحلطم :icon10: |
اقتباس:
والله اخبرهم هذيك الضلعان والتحويلات قبل العام مريتهم وحنا راجعين من موقق والحفير تمشيه بس عاد وين تبيني ادعس ههههههه الظاهر بوجهي لتبوك مرورا بالصنيناء والشملي الله على ذيك الديار عاد يبلها شيلة عود ريحان بجال الرهيه :icon10: هاتوا الجمس الحمر واتركوني ودي امشي بالديار الخليه |
صباح الخير والرحمة لقلبي وقلوبكم صباح الصفاء والنقاء والابتسامه ابتسموا للحياة مثل هذا الفيس :iqf03163: رغم سقوط احد اسنانه إلا انه مبتسم وحواجبه ترقص :icon10: |
كنت داخله من متصفح فايرفوكس وماقدرت انزل مشاركات بالمنتدى لين غيرت لمتصفح جوجل مع ان متصفح فايرفوكس بالمواقع الثانيه شغال معي مادري وش المشكله :x12x: |
المنتدى معي ثقيل مره مادي ليش حتى ماقدرت اقيم احد |
صباح الخير .. " إفعل ما يُسعدك فالأيام لا تعود " |
صباح الخير بعض الناس جايين يصبحون وهم متطعمين بفايزر :crying: يدي اليسار احس متخدره مااقدر ارفعها او احركها ألم حيييل كأنها مو ابره اللي اعطتني ايها حاسه كانه مسمار امس الظهر اخذته التطعيم اليوم متخدر جسمي والمغثه ويكند يعني منثبره بالبيت وكملت بعد ابو الشباب له شهر مسافر ورجع قبل البارح يعني توقيت التطعيم زفت والله اليوم حالتي مثل سالفة اللي يمشي ويعرج قالوا وش فيك قال ضرسي يألمني ههههههه يعني مايدري منين جهة الالم من شدته :69: |
اليوم جمعه زين محتفظه بالذاكره صديقتي يوم زوجها تطعم جاه لخبطه بالاتجاهات الاربع صلى عكس القبله عاد المشكله كانت السجاده مفروشه بـ اتجاه القبله :ai: تقول استغربت منه يوم اخذها وفرشها بالعكس شكله فقد الذاكره المسكين من الخرعه ههههههه استغفر الله ياربي بس اشوى رجعت له الاعدادات وضبط المصنع بسرعه :icon10: والله صديقتي لو مااعرفها زين كان قلت تزودين بهارات ههههههه |
قال رسولنا الكريم ( مَن قرَأ سورةَ الكهفِ في يومِ الجمُعةِ أضاء له منَ النور ما بين الجمُعتَين ) اللهم صلِّ وسلم على نبينّا محمد |
اقتباس:
قريت هالخبر بتويتر المصدر موقع اخباري انا مادري دكاترة هالتجميل وين بيوصلون اوادم غيروا خلقتهم والحين حتى الحيوانات ماسلمت منهم وعبثهم خاصه اللي همهم تجاري انا ضد عمليات التجميل اللي مالها داعي تحصل البنت او الشاب حلوين وماناقصهم شيء ويروحون يشوهون وجيههم شد ونفخ وتحديد صاروا نسخه من بعض خاصه البنات نفس الشفايف والخدود والخشم وتحديد الوجه تغيير لخلق الله يعني مو لدرجه هذي الوحده مو واثقه من نفسها كل بنت وفيها نسبه من الجمال مايحتاج احد يضحك عليها ويوهمها أن الله مااحسن خلقها وتروح تعدل شيء ربي خلقه فيها لاجل ترضي خلق الله على حساب صحتها والاضرار اللي راح تلحقها بعد زمن يعني ممكن الوحده تعدل اذا فيها عيب خلقي ويسبب لها ضرر نفسي لكن اللي حاصل الآن قص ولصق انا ضده واي وحده فيها مخافه من الله ماترضاه كلامي هذا للشباب والبنات خاصه هالفتره الناس منهبله على عمليات التجميل والدكاتره بعضهم اهم شيء الماده عندهم والضحيه البشر الظاهر شوي ونصير مثل الصين واليابان بتشابهم الفرق بيننا وبينهم هم خلقة ربي وحنا بعبث ايادي بشريه لاحد يشره ويزعل مجرد ثرثر الآن من تأثير فايزر :69: :icon10: |
صباح الخير صباح الورد والفل والياسمين لكل الاشياء التي تجعل أيامنا سعيده ..:ah11: |
قال لحـبـيـبـتـه .. ليتني أُتيت بعضاً من مُلك سُليمان لِأُرسل نفراً من الجن يأتونني بكِ .. فقالت لهُ .. أنت أرسل نفراً من أهلك وكثر الله خيرك ..:MonTaseR_215: نفروا به الجن التسذوب :icon10: مساء الابتسامه |
مساء الخير صايره هالفتره مشغوله ماحصل وقت فراغ ومع الانشغال ماسكني كسل مو طبيعي يادفع البلاء حتى اذا طلعت اتمشى ابي ارجع للبيت وارتاح صايره مره بيتوتيه ادور الراحه والبعد عن الناس والازعاج.. والله العافيه والفراغ وراحة البال نعمه الله يرزقنا إياهم |
اقتباس:
الغاليه أمل هلا بك ملاييين بوجودك النور يابعد روحي |
يالله تمسيهم بالخيرات والمسرات وتحقيق الامنيات دخلت وجلست ادور مدونتي حصلتها بالصفحه 3 مغبره وتحتاج تنظيف :MonTaseR_37: |
يقال : الشوق ابشع شعور يُبتلى به الإنسان .. |
اقتباس:
اللي منوريني هنا جعل السعاده ماتفارق ارواحكم :MonTaseR_222: |
| الساعة الآن 10:29 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا