صباح الخير


أنا مادري وش مدخلني هالوقت مشكله اللي تنام بدري
وتصحى الساعه 2 او 3 شبعانه نوم لِاجل كذا ما أحب أنام بدري مره :MonTaseR_159:

البارح اتفرج على التيك توك وطلع لي مقطع من مسلسل كف ودفوف
لقطة يوم الفنانه هدى حسين تشوف الجن بسم الله عيلنا وحوالينا
بصراحه المقطع خوفني هههههههه خاصه اني جالسه بالصاله وهدوء
والشعب كله نايم ومطفيه الانوار الضوء خافت قال اني مسويه جو رايق وكأني احضرهم :icon10:
من الخوف ماكملت المقطع قفلت جوالي وطيران فوق على غرفتي وش لي بالمشاهد هذي :MonTaseR_163:
انا خلقه خوافه من المشاهد اللي كذا وخاصه إذا لحالي اتابع
وهذا اللي خلاني انام بدري البارح هههههههههه :MonTaseR_70:

اقتباس:

توقيت خباز افغاني ياسحايب مثل توقيتي هالحين هههه الا وشرايك نفتح محل فوالة في مسك الغلا ..انتي تزينين عجين التميس وانا علي التنور اخذ منتس العجينه و" الصمها" بالتنور هههه وصباحك وصباح الجميع هنا وسعاده وراحة بال يارب

والله جبتها توقيت خباز افغاني على هالصبح ههههههههههه
عز الله كدينا خير المشكله الظاهر ناكل الخبز قبل يجون الزباين :icon10:

وتاليتها نتهاوش على كم ريال اللي كسبناه ماحنا وجيه تجاره :PV503112:



صباحك سعاده وروقان اخوي رومانس

أخيراً عرفت من اللي يقيموني مشاركاتي تسمح الآن اني اعرف من قيمني
ام ورده عرفتك وماعرفتك من انتي :1:

هلا وغلا بالجميع لي فتره مادخلت
اخباركم يااهل مسك شلونكم عطوني علومكم
كيفكم مع عطلة اليوم اليوم الوطني اللي راحت :iqf03163:
ادري متاخره بالمنهج بس توي ادخل :icon10:
دخلت هنا الساعه 10 مساءً على اني بشارك والآن خلاص طفيت
مالي نفس اشارك لان سوالفي خلصت الآن الساعه صباحاً 12:30 لاني من دخلت لحد الآن
ساعتين اكلم بالجوال مع بنت عمي اللي مسافره حائل حسيت ان الجوال يقول خلاص اسكتوا :m9:
سالفه ورا سالفه لاني ماشفتها لي فتره طويله آخر شيء قفل الخط بيننا الجوال ههههههه
شكله قال اسكتوا وإلا انا اسكت واطفي هههههههه اللي يسعد قلبها افضل شيء بالدنيا
يرزقك الله صديقه وتكون من دمك ولحمك وتفهمون بعض الله يديم صداقتنا وقربنا من بعض
كل شيء جميل بحياة الشخص نعمه تستحق ان نشكر الله عليها

يقول البدر :
‏لو كبرنا بالسنين و بالليالي
‏ما كبرنا بالشعور اللي نحسه ..