يارب النجاه من جميع ما امر فيه

لا تقلق ان الله معك

كنت اجلس مع صديق سلبي رغم انه يحبني واحبه
لكن يشهد الله اني وقتها عايش اسوء ايام حياتي
من ٢٠١٨ ماذقت الراحه ولكن مافي شي عند الله يضيع
قبل كم شهر مريت ب ازمه ماذكرتها ولا ابي اذكرها
لدرجه اسولف وانا بس اذكر مريت ب ازمه واحاول اتجاهل اني اتذكر تفاصيلها
المهم تعبت نفسياً والله ماعمر مر علي تعب مثله
وكان صديقي هذا لما اطلع معه يشحني طاقه سلبيه وصدمات
مثلاً كان يعرف بمشكلتي اول ماركبت يسولف لي عن مشاكله رغم ان عنده اشياء ايجابيه
قال في شخص صارت له مصيبه وابوه واهله وووالخ المهم تعبني جداً
وجدت نفسي ماعاد تتقبل هذا الشخص رغم العشره والصداقه
زاد حالتي سوء والله اني كنت ابكي مثل الطفل الرضيع الدنيا صارت سودا
غبت عن المنتدى هذا وكنت اقول وعكه صحيه رغم ان النفسيه تمر بوعكات
جبت ورقه وكتبت كل شي وكتبت متى تكبر الضيقه ومتى تخف
وبقولكم وش طلع معي ف الرد القادم ١

١- ناس سلبيين ينظرون للجانب المظلم فيها
٢- وجدت اني اقاوم مشاعري اتجاه كل امر سيء يحدث لي
٣- التفكير في الماضي اللي اصبح ماضي وانتهى خلاص
٤- كنت افكر ب اي امر يحدث مثلاً حبه طلعت بخشمي اكبرها وادقق
٥- كنت انفعل مع اي شي يحدث بمشاعر سلبيه واسبق الاحداث
مثلاً بشتري سياره اقول يمكن اسوي حادث يمكن ما ارتاح فيها
مع ان السياره بدالها سياره واذا صار حادث ؟ اذا طلعت منه سليم الحمدلله طز
طبعاً انا اضرب مثل فقط

الرد القادم الحل ٢

١- ناس ايجابيين ينظرون للحياة بشكل جميل
٢- لا ترفض المشاعر السلبيه بحيث انك ترخي نفسك لما تحس فيها
الخوف منها او انك تعطيها اكبر من حجمها او ترفضها نفسياً او تنفعل نفسياً معها
يزيدها
٣- فكر بالمستقبل بشكل ايجابي خل نظرتك للقادم جميله
٤- طوف
٥- النقطه الثانيه اهم نقطه عقلك الباطن يتفاعل مع خوفك او رفضك لاي شعور
بسط الامر واخذه بدون لا ترفضه نفسياً لما يطري عليك موضوع ينرفز خل نفسيتك تسترخي
وكانها ورقه طايره ب الهوى
٦- تقبل اي امر يحدث عن طريق نفسيتك مثلاً خايف تمرض ؟
تقبل الامر بنفسيتك وبعقلك ان لو مكتوب ب يصير وم في يدك شي
حاول قد م تقدر ماتستهلك مشاعرك السلبيه او خوفك
كذلك اقول نقطه رقم ٢ مهمه بالجانب هذا
٧- لما تخاف انك ماتطلع من مشكله استرخي وقول عادي بعيش انا وياها طول العمر
تقبل الفكره واعكسها على نفسيتك


الرافضين لاي امر يصيبهم عن طريق النفسيه وربطها بالافكار
ومجالسه السلبيين والله راح تدمر حياتك بسببهم

اتمنى انكم تستفيدون والله مريت بمرحله مايعلم فيها الا ربي
ولما فهمت بديت اتحسن وكل يوم اشعر ان الالم يخف

وقبل هذا كله صلاتك واذكارك واقرا قرآن قبل لا تنام واذا كنت فاضي
والله القرآن شي عظيم وشفاء للروح ومعجزه بين يدينا وبعضنا مو مقدر هالمعجزه اللي عايشه معنا اكثر من ١٤٠٠ سنه

مشكلتين بوقت واحد

مشكله كبيره ماتفاعلت معها نفسياً ومافكرت فيها
انتهت

مشكله صغيره تفاعلت معها نفسياً وفكرت
انتهت ب وقت اسرع لكن ضررها على نفسيتي وطاقتي اكبر

استودعتكم الله