..










مساء الخيرات على جميع المارين

طمنونا عنكم؟

النايفه لك فقده كبيره وجودي كمان

احسن الله عزاكم وربي يرحم فقيدتكم ويجعلها في جناته يارب

ويصبر محبينها على فراقها واهلها يارب

هذا حال الدنيا نلاقي ناس ونفارق ناس

ربي يجمعنا بأمواتنا في دار الخلود










..

..









فتحت تويتر اشوف خبر وفاة اللاعب خالد الزيلعي

رحمة الله عليه انا مو مهتمه بالكوره ولا أفهم فيها شي

لكن شفت الهاشتاق جاني الفضول ودخلت

وقريت عن مرضه وحالته الصحيه قبل يتوفى

أنا اشوف في نظري الأمراض العضويه اللي مالها سبب طبي

تكون سببها عين او حسد والله اعلم

أكيد هو مكتوب وقضاء وقدر ولكن

حسب ما قريت فجأه اللاعب الراحل

صحي من نومه وعنده المرض بدون مقدمات!

وطبيا مرض ماله أسباب شي غريب

الأهم حصنو أنفسكم واهلكم وعيالكم ومن حولكم

واللي يعجبه شي يذكر الله ويدعي بالبركه

وصفو قلوبكم ونظفوها من الحسد عشان يعم السلام على الجميع

والله يرحم الراحل ويجعل ما أصابه تكفيرا لذنوبه ورفعه لدرجاته

والله يلهم اهله الصبر والسلوان ويربط على قلوبهم









..

..







عقلاء المنتدى أبغا شوركم بصراحه

فيه مشكله صايره معاي هالأسبوع

أنا بطبيعتي ما أحب احد يقيمني كباري

يعني لو محتاج تقييم أخوي الفاضل أختي الفاضله

ما عندي مشكله تقيمني بس بدون صيغة كوبري

من الله ما أحب هالكلمه لكن وين المشكله ؟

فيه عضوه مصره إصرار غريب تقيمني كباري

ورديت عليها وقلت لها من فضلك ما أحب هالنوعيه من التقاييم

ولكنها مصره بطريقه غريبه

اوريكم صورة لوحة التقاييم عندي



يعني هاذي كيف أتصرف معاها ؟









..

..













نسيت أقول للحلوات اللي أعطوني ارائهم الحلوه امس مشكورات قدا

وربي يسعدكم ولا خلا ولا عدم

>> الحين يطلعون أخواننا الشباب يقولون نسويه وتشجع بنات جنسها

محد رد علي غير البنات لازم أشكرهم








..

..










شكر خاص لبقية الاعضاء اللي ما قصروا واتحفوني بإجاباتهم ربي يسعدكم جميعًا ممتنه لكم

+

كنت في مدونة الأخ احمد 22

وقريت تدويناته الأخيره جدًا مؤسف إنه فيه شخص يتضايق من مكان لدرجة يغيب فتره او ما يشارك !

خصوصا ان أهل المنتديات طبيعتهم ما يميلون لمواقع التواصل

زي تويتر وانستقرام وغيرها فـ يحسون ان المنتدى هو المساحه الأنسب لهم

أساسا ليش نضايق الناس في مكان مفتوح للجميع ؟

الكل له حق المشاركه وطرح رأيه بكل ادب واحترام

والأهم بدون مضايقات او تطاول

بس لما توصل الأمور إلى هنا جدًا مؤسف

رفقا بالناس الأغلب يدخل ينفس عن نفسه شويتين ويسجل خروج

ربي يصلح حال الجميع













..

..












صباح الخيرات

كيف حالكم يا طيبين

عساكم بخير واموركم مستقره يارب

فيه تساؤل بيني وبين نفسي له فتره مو قصيره صراحه

أنا وحده من الناس اللي ما عندهم تطبيق تيك توك

ولا أفكر بيوم من الأيام اني أضيفه لقائمة التطبيقات اللي عندي

ولكن

كالعاده تطلع لي مقاطع من البثوث اللي فيه بالانستقرام واليوتيوب

كمية قرف غير طبيعيه

بثوث شباب مع بنات وكلها تميلح تقريبا وبدون أي فايده

أستغرب من اللي يتابعون هالسخافات

والشباب أنا بعرف معقوله ما عندهم أهل يشوفون السخافه اللي يسوونها وينصحونهم أو يوجهونهم؟

وعادي عندهم يدعمون عيالهم على السخافه والمساخه اللي يسوونها؟

صرنا بزمن غريب الأفعال السيئه أصحابها يفتخرون فيها ومن حولهم يشجعونهم !

مدري الجيل هذا اللي كل وقته تيك توك كيف بيطلع

الله يعين الأباء والأمهات على التربيه

يا زين أيام سبيستون











..