حي الجواب الي قرينا ومعنااااه
صاروخ حرب ومن منصة حدودك

فيه الحلا والعشق تكبر مزاياااه
وعليه ختمك في نهاية ردودك

البال يمك انت وابيض محياااه
مدري من الاحلام والا وعووودك

بنيت بيت الحب وحنا رجيناااه
واقفيت عنا ثم شفنا صدوووودك

ان كان قربك عرض حنا شريناااه
غالي ومن الغالين وقبلك جدوودك

سلمان

جهلـتُ عيونُ النَّـاسِ ما فِي داخلِـي
فوجــدت ربـــي بالفُـــــؤادِ بصيـــرَا

يـا أيُّهـا الحـزنُ المسافـرُ فـي دمِــي
دعنـِـي فقَلبــي لـــنْ يكــونَ أسِيــرَا

ربِّي معي فمنْ ذا الَّذي أخْشى إذنْ
مــادامَ ربِّـــي يُحسِـــنُ التَّدبِيـــــرَا

وهـــو الَّذي قـدْ قــالَ فِـي قــرآنهِ
"وكفَــى بربِّـــكَ هاديًـــا ونصِيــرَا"

الاربعاء يوم له طعم غير سبحان الله العظيم
وزاد الجمال جمال الغيوم والفرصه مهيئه باذن الله تعالى لنزول الامطار
واجازه الله يديم علينا وعليكم الايام المباركه ويبارك لنا ولكم في الشهر الحرام ويبلغنا واياكم ايام عشر ذي الحجه

هذا مكان العز والطيب والجود
وهذا هو قسمي للجزل و الفرايد

مانيب في حاجة مزامير مسعود
ولاحاجة لي في الصحف والجرايد

نكتب لذيذ الحرف مع هبت النود
ونبعد عن الوجعان راع النكااايد

نبعد بها عن كل حاقد ومقرود
ومانسأل المجنون وش انت صايد

بيني وبين الخبل الباب مردود
الي عن اسمه ما يدور حمااايد

سماه ابوه وحط في اسمه الكود
يرقى على كبر الخرق والوسااايد

مانيب للصفحات والظلم محدود
الصفحه الي صار فيها القدايد

سلمان

باقة من الورود بقدوم العيد مُعطّرة بالعود لكم يا أصاحب الجود. لكم مِني أطيب التحيات وأصدق الدَعوات أدام الله لكم الأعياد دهورا، وألبسكم من تقواه نوراً، عيدكم مبارك.

محبكم سلمان بن محمد الخالدي

مايهمل الرجال اسمه ومعناه
......الا ان فيه من الخبايا مواري

ومايهمل الرجال ضيف (ن) تنصاه
........ .الا ان خاله مثل طير الحباري

يعرف عقيد القوم بالاسم والجااه
.........ومن واقع اسمه يذكرونه بطاري

في عالي المراقب طيبه بمرقاه
............والقاع يترك والخبب و الذواري

من لا يحمل الطيب قلبي تعداه
.............يحشم وجوده لابسات الخزاري

مانيب من يطلب خرابيط الافواه
............شعري كتبته من خشوم البراري


سلمان