الصبح صبحٍ للرجااال العناتييت
الي بدو في قولهم بالسلااامي

اهل الوفا الي يطردون السرابيت
عقب الغطاوي عن صدوق الاسامي

سلمان

شطرنج اخي الكريم

شطرنج انت الحب والود والجود
اشم عطر القدس من بين اياديك

ماللغلا الي ثار اطوال وحدووود
وكن المعالي فوق راسك وتعطييك

المنتدى لك رمز ويمناك له كووود
حرفك سماوي لون وروحي تحييك

مدحي اكزه كز وماهوب مردوود
يممت به كتفك الايمن يبااريك

يا جعل عمرك يكتب افراح و سعود
وجعل السعاده مشربك دوم ترويك

وجعل السحاب الي تزبر به رعود
يمطر عطايا في ضواحي مغانيك

اخيك / سلمان

احد الاخوه زرته في صفحته في قسم الشعر وسلمت عليه وشكرته على ابياته
وقام الاخ الحبيب بالرد على جميع من زاروه ولم يرد علي السلام وانما اكتفى بالتقييم لي فقط
وكان المفروض ان يكرم الظيف الذي حل بداره ويرد علي السلام فكتبت هذا الابيات معاتبا وبنفس قافيته
هداه الله وارشده لكل خير



سرا بي الهاجوس من شرق الافلاج
وسجلت حرفي من مثايل ايدينا

نبعث جواب ٍفيه من طيب الإنتاج
وشفنا الشكر لاكننا ما خذينا

ماظن يطفى النور وبه شمعة سراج
في المجلس الي من دياره سرينا

في مجلس الغالين مع قشطة التااج
سفره وحلوى وعندها ما كلينا

المجلس الي فيه من سوق الاحراج
يجيه غيري ودون شوفه سلينا

كنت انتظر فنجال من فوق الابراج
واثره من التقييم وحنا اكتفينا

ياصاحبي للطيب سلم و معراج
والظيف حقه من شمال ويمينا

من يكرم الظيفان بالبن في الصاج
عليه حق الضيف ودفع الثمينا

ماجيت انا درويش من ساحل العاج
والا كسير ن والزمن مقتفينا

صكيت بابك وفوق الاقفال مزلاج
عساك تفهم وجعلكم صالحينا

سلمان

تذكرني الامطااار بصبيحة العيد
يوم اني ابدا في سلامي انا لك

بيني وبينك طايل البعد والبيد
هاجس افكاري يعتزى وانتحا لك

جددت لك ماكان في البال تجديد
وكنت اتطلع للوفا في وصالك

حولت لك بالطيب ايصال تسديد
الراي رايك والعطا من دلالك

سلمان

المعذره

مكانها هنا



ساعي البريد ارجوك عندي لك كتاب
عليه في الارسال اختام وشهووود

عزالله اني فيه مانيييب مرتااب
ضمنت فيه الخط مع باقة ورود

شرقي من سكاكا وان جيت الاعتااب
وقف وناده فوق تله بها حدوود

الصاحب الي فيه مانيب مغتاب
عندل عليه التاج والراس مشدوود

قله ترى سلمان من الود ماتااب
ماشاف الا الصدق والطيب والجود

يكتب على الايباد والاب والتااب
ويرسل مع الاشراق مع هبة النوود

كلما هديت شوي في البال ينتاب
ذكرى مثل تطبيق بالرمز والكود

سلمان

دخلت في ناجز وقدمت دعواي
عندي قضيه في التعب والتقاضي

جتك الرساله عن مواعيد شكواي
وترى القضيه عند قسم التراضي

القاضي حاير من كلامه مع الراي
يقول اسم الريم مجهول فاضي

هو مادرى ان الريم في ساحة حماي
واحتل داري مع جميع الاراضي

جتني مثل معزوف من نغمة الناي
وسجل علي في طلبته واقتراضي

مدري وش الي صار والي بعد جاي
والحب عود بين كاتب وقاضي

خذا نهار الصبح وفي ليل ممساي
ومافاد فيني توبتي واتعاضي

سلمان