|
إضافة رد |
| LinkBack | أدوات الموضوع | انواع عرض الموضوع |
11-07-21, 05:02 PM | #1 | |||||||||
|
يا عظيمُه .. ضيدان بن قضعان
ياعظيمه كل شي له حدود وله نهايه … لكن انتي ماوقفتي عند حدك ياعظيمه استلذيتي بطعناتي واخذتيها هوايه … كن مالك حربة توجع وطعنات اليمه آه ليتك ماتماديتي بطعنات البدايه … لين صار لكل طعنه بالحشى معنى وقيمه الله يجيبك لكن كيف وفي اغرب روايه … تكتبين الحب كذبه والهوى دقه قديمه وانتي الذي كل مالدت عيوني في المرايه … مالمحت الا اليتيم اللي خذت قلبه يتيمه واليتيمه في اليتامى مالها حق الوصايه … الوصيه عودها الغض ونواياها السليمه لكن انتي صارلك حق الوصايه والولايه … واستبديتي وشد البدو واضحيتي مقيمه مارحلتي لين حطمتي بما فيه الكفايه … عاقل حب الجنون وصوت نارك في هشيمه استبحتي حرمه المجنون بدراك وعنايه … والتفتي له بعقلك وارتكزتي في صميمه امتلكتي غايته لو ماكان له فيك غايه … وانتصرتي في عيونه واعترف لك بالهزيمه من كثر مايعشقك ماقالك بالحب رايه … خايف الايام لاتطلع عواقبها وخيمه وفي طريقك كل ماكنه لمس درب الهدايه … تاه ودروب الحياه المستقيمه مستقيمه تايه بصري ومن جابه لبيت الله تايه … عذر من غمض بعين وعينه الاخرى كريمه فدوتك مافات من الايام واللي عاد جايه … يابعد عمر مخاسيره معك عندي غنيمه انتي الفارع بقد وجد واسماء وكنايه … من عشق مثلك يجوز من الهوى وشداد ريمه ليه لا وانتي بحسنك لذاوات الحسن ايه … لاذهب لاماس لاياقوت لااحجار كريمه شاعر له مع هل الرايات في المرقاب رايه … كل ماهبت هبوبك فلها قدر وحشيمه سامحك من الف باء الذنب الى مالانهايه … واستباحك عن خطاه وكل طقه بتعليمه ويوم قلتي اعطني حريتي اطلق يدايه … ماذخر عن وجهك الا طعنتين في صميمه #_ضيدان_بن_قضعان | |||||||||
|
11-07-21, 05:16 PM | #2 | ||||||||||||
مَشَـآــآــآعِـر~شَـآــآــآعِـر
|
قصيدة جميله صح لسان الشاعر وشكرا لك على النقل المميز | ||||||||||||
|
11-08-21, 06:17 AM | #3 | ||||||||||||||
ظلال الذكرى أنت
|
انتقاء جميل يعطيك العافيه | ||||||||||||||
|
11-13-21, 07:09 PM | #4 | |||||||||
|
جميل الله يعطيك العافية
| |||||||||
|
03-13-22, 02:40 PM | #5 | |||||||||
|
صح لسانك الله يعطيك العافية
| |||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||