منتديات مسك الغلا | al2la.com - الصداقه بين الواقع والعالم الإفتراضي

السلام عليكم ورحمه الله و بركاته

بشكر حضرتك جداً علي طرحك لموضوع مهم جداً و بيناقش فعلاً حاجه مهمة موجوده و بنعيشها ..

بالنسبة للصداقة الواقعية و الإفتراضية ف أنا شايف ان الصداقة الواقعية هي الأكثر ترابط من الإفتراضية و دا بيرجع للالتقاء بمعني اننا بنخرج و نتقابل و بنتشارك الأمور علي إلي حد كبير علي حقيقتها و كل واحد بيبقي واخد حيز و مساحه كبيرة من حياة الاخر عن طريق المشاركة في المناسبات أو السفر أو قضاء العطل معاً أو العمل المشترك و خلق فرص أكبر في كل شيئ فيما بينهم و كل دا بيزود من ترابط الاشخاص بعضهم ببعض..

و بالنسبة للصداقة الإفتراضية ف أنا شايف ان نسبة الترابط بين الأشخاص بتبقي قليلة جداً ودا بيرجع لعدم تكون ثقة كافية ما بين الأطراف و كل شخص بيحاول يبقي منطوي بقدر الإمكان لقلة ثقتة ف الشخص الاخر و بيصعب تصديق الأحاديث فيما بينهم لأن كل شخص لديه متسع كبير من الراحة في الكلام ولا يجد أي صعوبة في تزييف حقائق او خلق عالم لنفسه يحاول فرضه علي الشخص الأخر و دا بيرجع للقيود الموجودة في العالم الحقيقي المفروضة عليهم فبالتالي بيوجد لنفسه عالم افتراضي يعيش فيه علي هواه و اخراج كبته او نفسه المقيدة فيه .. إلا لو حدث تقارب واقعي ما بينهم سواء كانت في مقابلات او المشاركة في عمل فيما بينهم و تطورت الصداقة لتصبح واقعية أكثر من كونها إفتراضية و هذا قليل ما يحدث إلا في بعض الحالات التي تكون مبنية من بدايتها علي الصدق و الإحترام بمعني ان كل شخص يتعامل بطبيعته وعدم التلون.

اسف علي الإطالة و بشكر حضرتك جداً علي الطرح الجميل