من بين السطور عاوز اقولك
اني حبيتك
يمكن ماكانش من الحب
اللي انتي عايزاه
قليل الكلام
مش باين اهتمام
بس حبيتك
كانت لما تيجي سيرتك
شفايفي ترجف
م الفرحة
وعيوني بصورتك
سارحة
وف عز شغلى وانشغالي
عمري ف لحظة
ما نسيتك
ومش عارف ليه
برغم فراقنا وافتراقنا
عاوز اقولك
من بين السطور
اني حبيتك

تغمض عينيك

فتمر أطيافهم عنوة

على فؤادك الغض

وبرغم الوجع الساكن فيك

يزداد النبض

سحقا يا قلب اشقاني

لو تصبح مصدر أحزاني

ملعون ذلك الحب

هو أنا عاوز اثير الجدل واقولكم

أن الحب شعور مؤقت

طبعا هتلاقي الجماعة الاندر ايدج دلوقتي بيقولوا مجنون انت دا الحب حلاوته بالقنطار يدوقوا منها صغار وكبار ههههه ايوه طبعا حلاوته شهد يا سيدي مقلناش حاجه بس أنا بقولك أنه شعور مؤقت.. الاول بس خلينا نحدد الحب اللي هو العلاقة العاطفية بين الراجل والست ملناش دعوة بحب الأبناء والاباء والأخوات والكلام الفاضي دا ودا حب بردو يا راجل هههههه نرجع لموضوعنا. اولا هو الراجل أو الشاب بيحب ايه ف البنت .. واحد هيطلع يقولي شخصيتها ههههه طب بزمتك عيني ف عينك كدا ايوه فعلا هتحب شخصيتها وذكائها أو دا هيجذبك لها لكن لازم هيتولد عندك شعور بالرغبة والشوق وليلة كبيرة سعادتك م الاخر طالما فيه علاقة يبقى الشاب عاوز من البنت حاجه واحدة بس مش هنلف وندور ايوه بالظبط كدا مقاس جزمتها هههههههههه المهم علشان كدا قبل الجواز بتبقى العلاقة ملتهبة جدا لكن بعد الجواز بفترة خلاص علاقة الحب بشكلها اللي كان موجود مش بتبقى موجودة طيب ايه بقى اللي بيخلي الناس تكمل وتعيش مع بعض .. بيرجع الموضوع للمنتالتي بتاعة الشاب هل هو حد اتربى على أنه يشيل مسؤولية يعني راجل ولا عيل طري .. هل هو بيخاف ربنا ويعامل بنت الناس زي ما يحب اخواته تتعامل .. هل هو عنده إثار لمصلحة أولاده وبيته عن نفسه هل هو شخص بيقدر الجميل يعني بنت الناس اللي بتخدمه هو وعياله وتريحه دي لازم يشيل سوري يعني التراب اللي بتمشي عليه فوق رأسه طيب لو كل دا محصلش اولا هي تعبته وسلوكها صعب ثانيا هو اصلا شخص لا يتحمل المسؤولية يبقى هنا الطلاق حتمي حتى ولو قبل الجواز كان الحب مولع ف الدرة كمان ....

برغم اني كنت داخل المنتدى دا فقط لأن كان فيه فترة الشغل عندي خفيف وكمان بعد ما سجلت فيه بسنتين إنما للاسف أصبح هناك تعلق بالمنتدى وأهله ..


عودا حميدا يا عم مسك الغلا وشكلها كدا الحاج احمد كان بيختبر غلاه عندنا ههههه

بتقولي أنا مثل الغيمة
تمر وبعدها بتفوت
ماتدري أنها امطرت
بقلبي وجد ووله لغرام
صوته بينسمع رغم السكوت
رقيقة وبريئة وجريئة
وعيونها بحر فيه
الحياة والموت !!!

الساحر ...

ملحوظة كدا على الماشي لناس غاليين عندي
الساحر او ال white wizard دي الشخصية الافتراضية الموجودة ف العالم الافتراضي من 2009 تقريبا إنما احمد دا انسان تاني ومختلف تماما وربنا ههههه بس انا بدخل لما بحب اكون الساحر وأحمد تعبني جدا .. ايون بالظبط هو الفصام بعينه ههههههه

فيه عندنا مشكلة معشر المصريين أن تقريبا معظم كلامنا بيكون فيه تورية يعني بنقول كلام ونقصد معنى مش ظاهر خالص بس احنا بنفهم بعض ودا اوقات بيسبب سوء فهم شوية لما نتعامل مع اصدقاء من جنسيات تانية يا اخي الكلاكس بتاع العربية عندنا له خمسين معنى ههههه اه والله ممكن اضرب لحد كلاكس نتخانق وممكن كلاكس تاني يضحك ويرد التحية وتالت يعرف أن فيه كمين شرطة هههه ملك وربنا شعب ملوش كتالوج سبب كلامي دا ايه بقى كان عندي مشوار وانا سايق شغلت اغاني كانت اغنية شادية بت يا نوسة أو يا دوسة مش هتفرق الأغنية كلماتها خفيفة وحلوة

بت يا دوسه يا دوسه شايله البسبوسه

ولله احلويتى و كبرتى و بقيتى عروسه

فين لما زمان كنا بنفرش على باب حتتنا

و نبيع الطيب للطيب من اهل حارتنا

و الكل حبايب ياما كانو بيسندوا وقفتنا

لو بص غريب على حاجه تانيه غير البسبوسه



هو دا اول مقطع ف الأغنية لكن المعنى المقصود ملوش علاقة اطلاقا بالبسبوسة بالمعنى الحرفي ام قشطة دي وتقول للراجل هاتلي حتة م الحرف هههههههه ما علينا