|
فضفضات زجلية طبعا فيه احساس مش لطيف نتيجة فقد مدونتي فضفضات زجلية مع اطلال منتدى ضاع من صفحات العالم الافتراضي، مش بس علشان نزف القلم والكتابات لأ لاني فقدت جزء من ذكريات عشتها على مدار سنوات ، ما علينا خلونا نبدأ من جديد بشكل جديد هنا .. لان برغم كل شيء ستظل المنتديات لها طابع خاص وجمال خاص وحالة جميلة من الخصوصية معاكم ،،، السااااحر الأبيض |
عمر الضعف ما كان قوة الضعف دايما ضعف احلم وان كترت احلامك شيل عن حدودها السقف لو همك لعب معاك الفار أوعى تكون له القط يحلى كلامك لو خرج من جوه ولو وسعت الهوة نُط متعيش حياتك على حرف كل القصور اللي بنيتها ف خيالك جيالك حتى لو حصيرة لف وخيوط النور اللي زحفت على ضلامك بقيالك افرد لها الكف الطمع ف العشق مش عيب ونصيبك ف علم الغيب واللي ابتدع من روحه كلام لا يلام حتى لو خرج بره الصف |
احساس مش سهل ابدا انك تختار تبعد عن حد لانك بتحبه هههه |
خايف عليك من سلامة النيٌة والخوف مداس على رقبه محنيه .. فاكره انها عايشه لكن وافتها المنيّه ! |
ف الثالثة فجرا اتساءل يا سيدتي اين انتِ!! ف انتِ لا تدركين بأنكِ ما زلت ِ مسافرة ً بين أضلعى وبأنك ِ باكورة شعورٍ تستجدى وجداً يتوضأ بأدمعى ... لا تدركين بأنك ِ عينى ومسمعى ... وبأنك ِ تلك المسافة البعيدة - اقتراباً - بين أصابعى ... وبأنك ِ - برغم هذا الزخم من حولي فقط معى ..!! الساحر.... |
عمّال ارسمك كل ليلة 50 صورة مرة بضفاير سارحة ومرة خصلة هربانة من حصار الطرحة ولما هاجي اقولك بحبك الكلام جوايا لكن الحروف مكسورة الساحر... |
بقولك ايه .. ما تيجي نبعد عن المنظره ونخلي البساط احمدي ونبطل مشي ع المسطره .. تعالي نشبّك ايدينا ونمشي في المدينه ومعانا كوزين دُره ...!! |
نعم احببت المارشيملو حينما تسللت ليلا الي خلوتي وقالت يا ساحري الشوق اليك قاتلي بصوت رخيمٍ كانه هدير عين ماء دافئة تفجرت في شراييني احببت المارشيملو حينما قالت احوبك تخدلت اوصالي وذابت اعضائي كقطعة من جليد تركوها في صحراء نجد في يوم قائظ اهٍ يا ربي احصي عيوبي عيبا..عيبا لا اعلم غيبا ولكني اعرف الاتي ان تذكرتها او هفت نسائمها تلوح سماتي أسير بين نبضها وبعضي رحل بين بعضها والقلب منها لم يستطع الافلاتِ افتش عنها في نساء العالمين افتش عنها حتى في ذاتي استرجع همساتها والتمس حروفها بين ابياتي اهدتني شهيقها وسلكت طريق الغياب بالله خبروني وانا جليس المحراب كيف النجاة من حر زفراتي الساحر... |
حضرتك وصلت لهنا يامش مهندس ايون حضرتك مين بقى ها علشان ام التقييم دا مش بيقول ههههه |
ايها الالم الراسخ بين احشائي ايها اليل السرمدي الطويل .. الا ترتاح يوما فلم اعد اقوى على المزيد فلم اعد اقوى حتى على العويل .. قد اصبحت الحقيقة عارية ما عاد يجدي فن التزييف والتفسير والتأويل .. لم يبقى ثمّة رجال يخلعون قلوبهم ويرسلوها نبضا عزيزا شريفا لا يقبل الرشوة ولا التمويل .. دمر الانسان والمكان وبات الحزن لون غزة والقدس والضفة والخليل .. لا اريد ان ارى ذلك العالم البغيض عالم يعلو فيه الباطل زهوا والحق دوما هو الذليل |
ف الثالتة فجرا يرقص القلب طربا تخضر الروح وتتساقط نبة العشق ف الصدر رطبا لا توجد حياة بغير امرأة محبوبة !! تُحيل ظلمة الليل نورا ونصنع من عرقها المتساقط خجلا عطرا !!! هييييح يا الساحر هههههه حنانيك يا رجل |
يهتف من داخلي صدى يقول لم تعد تلك الأيام تستحق النضال لا اظن أن وصل الروح بالروح باقيا حتى ما تبقى فينا مزّقته النصال حتى اتيت انتِ سيدتي فكنتِ بلا قصدٍ ترياق لقلبٍ اسكته العُضال بهيةٌ شهية أنثى استثنائية ولولا أني أصبحت اخاف عليك مني ل أعلنت للناس اسمك باخر المقال |
اقتباس:
المشكلة اني بفضل اقول يا ترى مين صاحب التقييم دا اكيد حد من الشلة القديمة اللي طمرتها السنين ههههه كمان حاسس ان فيه ناس كتير مألوفة ما علينا هيبان كله هيبان |
اقتباس:
نهارك بيضحك |
فتاة ٌ بلهجةٍ خليجية تعتقُ الكلمات حتى اذا لاح حرفٌ من ثغرها تسلطنَ الكروان إنصاتا وأقام وجدُ الكون صلاةً ودخل النزاعُ في تسويّه ما بين احداقها أشجانٌ سِرّيّة تصطف في عمق روحها ك جندٍ في سٓريّة تصادف في الفؤاد المهزوم نبضةً طَريّة وسيعةُ الحدقات ما بين الحاجبين براحٌ وسيع يطاولُ سماواتٍ عَليّه مهرةٌ عربية منصوبٌ فوق هامتها كرمةٌ لا ينفد خيرها من هنا ليوم القيامة حتى أن أسير الحربِ إذا رمق من طيفها علامة شعر ب ( الحُريّه)! الساحر ... |
عارفة انتي البنت الشديدة ع البنت الكيوت لمة غلابة وقت العصاري قدام قصور بدل البيوت زهرة حنان تطرح كلام وقت السكوت طول اليوم اسمك ف ودني بتردده نغمة فلوت عارفة برغم بعدي دايما بتهزمني ملامحك تخليني أضعف من عود قش ومهما عيني شافت وشوش ما يشوف قلبي غير وشك وش بسمع كلامك نغم رايق ومتعايق وباقي كلام الناس وَش عارفة كنت فاكر اني بمشي ف طريقك اتاري طريقك هو اللي بيمشيني قبل منك كان قلبي جعان عشق لاقيت روحك تفطرني تغديني تعشيني أنا اللي عملت على قلبي باب مقفول انتي بس اللي مسموحلك تخشيني الساحر ... |
يعني اي بنت طبيعية ف الدنيا بتتأثر ولو قليلا بالكلام الا هذه ههههههه يا ابووووي ولا الهوى عنده برود اعصاب اسم الله ولا جراح بريطاني ههههههه مما كتبت لها [IMG]https://*************/xn/attachments/images-7-jpeg.7256/[/IMG] وعاوزك تكون إلي وحدي احس بدفا انفاسك بتدَوِب جليد خدي تكون فارس مواويلي وف عز العتمه أنديلي (قانديلي) ولما ابكي تكون يا حبيبي منديلي ولو أعطش شفافك تكون نيلي ووقت الحزن تغنيلي تكون صبحي تكون ليلي ولو مال عليا الكون تكوني كتفي وما تميلي |
الحب ملوش باسبور ولا تأشيرة ..!! الحب دقة قلب مرفرفة تخلي برد الليل يقلب دفا وتخلي العيون يجافيها النوم سهد وحيرة ..!! |
ايها الاخوة والاخوات .. فيه دايما سؤال بيتردد هو ايه اللي بيخليك بتفضل المنتديات عن مواقع التواصل الاجتماعي الاجابة اصلا من السؤال نفسه لاني ببساطة مش عاوز تواصل اجتماعي ههههههه انا ف المنتدى بشخصية افتراضية مش بيهتم قوي بالقيود متحرر الي حد كبير مش بيفكر حتى ف كلامه قبل ما يقوله عكس شخصية المهندس احمد تماما اللي هو شغال في شركة مالتي ناشيونال واصغر مدير موجود هو المصفى اللي بيجي عليها مشاكل اكتر من 400 عامل بالمشرفين بالمهندسين بتوعهم .. دا غير الضغط المجتمعي والمشاكل المجتمعية التانية الواحد بيكون محتاج انه ميكونش هو لبعض الوقت .. يعني انا اصلا الناس المقربين ليا ميعرفوش اصلا اني بكتب ههههه بالرغم اني بكتب باسم مستعار واخدت جوايز كتير حتى اوقات ارمي حاجه من اللي بكتبه قدام حد ولما يقرأه يفضل يمدح ف الكاتب واحساسه طبعا انا بكون مبسوط جدا لكن ببين اني غير مهتم هههههههه طبعا ليا اسبابي المنطقية اني اخبي .. اخر حاجه كنت عاوز اقولها اني مبسوط اني لقيت هنا اصدقاء قدام من ايام غرام طبعا بعد ما غرام اكله الوبا وللاسف اخد معاه ذكريات حلوه وكتابات مكنش منها نسخ تانية كل واحد راح ف اتجاه وانا فاكر اني حور قالتلي على منتدى مسك دا وسجلت فيه لكن مع ضغط الشغل اللي طبعا بيكبر مكنتش بفضى ادخل ولما دخلت نفس الرخامة اللي كانت ف غرام لازم مشاركات كتير علشان التقييم او الرسايل الخاصة وبناء عليه كان لازم نجري طبعا على الالعاب ههههههه بس الالعاب نفسها المشاركة فيها حلوة لانها تغيير مود سريع بدون ما تشغل مخك وتفكر انا مشكلتي الوحيدة ان حد يطلب مني هنا ف النت اني افكر اصلا انا داخل افضى راسي انت بقى عاوزني افكر وكمان هفكر مجانا ههههههه يا سلام علشان كدا انا ابعد مايكون عن مواضيع النقاش والاسئلة العميقة الا بقى لو علقت معايا بس كفاية كدا المرة دي |
تقول أنا مثل الغيمة تمر وبعدها بتفوت ماتدري أنها امطرت بقلبي وجد ووله لغرام صوته ينسمع رغم السكوت رقيقة وبريئة وجريئة وعيونها بحر فيه الحياة والموت !!! |
كتير وانا خارج من الشغل وبركب العربية ابص للاعلام اللي في المدخل طبعا لان شركتنا لمستثمر اجنبي ف كان دائما في 3 اعلام علم مصر طبعا وعلم سويسرا والصليب الكبير فيه وطبعا علم الشركة الشعار .. وبعدين مؤخرا حصل اندماج بينا وبين شركة سعودية تشتغل بنفس المجال اليوم بقى وانا مروح ببص كدا لقيت علم السعودية ابو سيفين ولا إله إلا الله منور جنب علم مصر ووسطهم علم سويسرا مدلدل كدا ههههه وربنا قلبي انشرح |
يقولون يا جبل ما يهزك ريح .. اهٍ يا قلبي كم تحطمت على صخورنا رياح عاتية ، لكن تلك الرقيقة لو شهقت فقط في وجهك تذوب مثل قطعة جليد تركوها في صحراء نجد ظهر تموز |
تظل اللهفة لكن اختنق البوح !!! نعم يا صديقتي فما فائدة أن نشيد بالحروف مروجا ونبني بحلو الكلمات بروجا ما فائدة أن نصنع جمالا بلا روح !!! |
https://encrypted-tbn0.gstatic.com/i...NkuNA&usqp=CAU أعلن من على وسادتي أنني يا سيدتي احب الوضوح ف النهار نهار والليل ليل ما عهدتني يوماً ساهمت في تهجين عروبة الخيل لم اكن متطفل هوى ولا أرضى من النساء زبد السيل لولا أنك انثى استثنائية ماكان لهذا الفؤاد المشبع بانتظار سقوط اوراق الخريف أن يميل كل الميل !!! |
اممممم أنا قلت اعمل تحدي ظريف هنا ... الكلمات دي وصف لحد هنا وهي عارفة نفسها كويس واتحداها تعمل لايك للمشاركة.. دي عليها صوت نغمة فلوت وسنان ياقوت والشفة توت الخد جمر والشعر سحر وعنيها بحر لو يوم نزلت تغرق تموت |
https://encrypted-tbn0.gstatic.com/i...ADliw&usqp=CAU انا اللى كنت فاتح فى قلبى خمسين راق وبقبل كل الكلام جواه ولو حرّاق وهمسة مِسا مستأنسه بعطر النِسا ولقمة لُقا متغمّسه رحيل وفراق وف يوم وليلة خطفتني!! ام الرموش شبعانه سُهد وعيونها الزرقا لو شافها جبل يتهد ... أما الشفايف شهد والخدود صهد ... |
https://encrypted-tbn0.gstatic.com/i...H-SWg&usqp=CAU ولما قلتلها وفيها ايه لو تقولي بحبك قالتلي فيها قبايل طيب خلاص وانا كمان مش قايل حتى ولو العشق سوى ف القلب الهوايل مش قايل مش هقول انك رقيقة وانك بريئة وانك ف الحب جبانة لكن ف القصف جريئة ولما بس يقلب مزاجك حاجبك ينقلب ثمانية والعيون الوسيعة تبقى حريقة طيب بلاش تقولي بحبك لو هترتجف شفايفك أو هترتعد صوابعك بالرغم قلبي ماهو شايفك خابر ان الخيبة طابعك بلاش تقولي بحبك ابعتيلي غنوه تقول بحبك يا اسمراني تقول جاني الفرح جاني تقول ان الهوى رمانا بسهامه والشوق عامل عمايل ولما قلتلها وفيها ايه لو تقولي بحبك قالتي مجنون انت دا فيها قبايل |
ايوه عارف اني مشكلة وهو انتي فاكره انك تحبي شاب مصري اسمراني دي تبقى حاجة قُليّلة دا الحب ذاته معضلة احنا يمكن ما بنعرف نذوق كلامنا لكن مشاعرنا حامية مفلفلة واللي نحبها دي هتبقى ملكة ولو حتى كانت هدمتنا قديمة مهلهلة |
قولي فقط أنكِ لا تحبيني دعي لي كرامتي حين تقتليني لا تقلقي فلن تفزعي فما بقيت دماءٌ لتُنزف من شراييني لن أتوسل منكِ رحمةً إذا ما اعتلت ساقكِ لجبيني فقط أخبريني... لما أنا ؟؟؟ فقد كنتُ لكِ بستان عشق وكنتِ أنتِ رياحيني لقد نقشتُ حروف إسمك بين أضلعي .. أعطيتكِ صكاً لتملُكيني لما أنا ؟؟! فقط أخبريني أُناشدكِ بخوفي عليكِ بحرفي الذي تغنى بحبك بعزفي بين يديكِ وترنيمي لا ترحلي هكذا وتتركيني لا تلجمي قلبي جمرا أقطعي شكي في هواكِ بيقيني قولي فقط أنك تحبيني . ... |
اهٍ يا امرأة ً لم يكتب لي يوما احيا هواها نقش بدفتر حياتي ك قولٍ مأثورْ مصباحٌ اتاني في عتمةِ ايامي منزوعٌ من فتيلِه النور ما فائدة ابداعٌ قد ملأ أروقة المسرح وقد انصرف الحضورْ ما فائدة اتساع السماء لعصفور يهفو للتحليق بينما الجناحُ مكسور عشق قد بسطه ذراع الهوى بينما الكف مبتور جنة بسطت فوق جزيرة واستحال العبور!!! |
بقولك ايه .. ما تيجي نبعد عن المنظره ونخلي البساط احمدي ونبطل مشي ع المسطره .. تعالي نشبّك ايدينا ونمشي في المدينه ومعانا كوزين دُره ...!! |
حلو المنتدى ف الاول عمال اقول ايه يا اخويا مسك الغلا دا وهو مين اللي مسك الغلا اصلا ولو حد مسك الغلا امال الدنيا كلها الغلا مستشري فيها كدا ليه دا الفرخة بقت ب 240 جنية اتاري بقى مش مسك يعني قفش طلع مسك اللي هو مسك وعنبر دا هههه ابو ريحه حلوة لكن المنتدى فيه شخصيات حلوة ومتنوعة ناس تقيلة وناس مجنونة وناس غلــــــــــــسة وناس مثقفة وناس منفضة للدنيا وناس عقولها فله ههههههه التنوع دا ف مكان واحد ممتع بصراحة .. على رأي الواد حماقي انا حبيت المقابلة هههههه |
كان دوماً يدورُ في عقلي سؤال لم أطرحه يوماً عليكِ بل ظلّت تردده الشفاه المرتجفات كابتهال أكان يستحق الأمرُ أن نضيع ؟ قبل أن يحصد الخريفُ نبتة العشق الذابلة ف القلوب ألم نتذكر يوماً حلو أيام الربيع ؟. ألم تقرأي يوماً رسائلي! تباً لكبرك ... ألم تتذكري ! أم ذابت حروفي مع الصقيع الساحر... |
قرأت تعليق eve على قصة الجمال أم الجاذبية أنا دخلت 3 منتديات تقريبا ( ك إقامة) من 2009 وكل منتدى كنت بطرح ف النقاش موضوع الجمال ام الجاذبية وأشوف الردود و الآراء مع اني اصلا بكره اني ادخل قسم النقاش لانه ف الغالب بيتحول لشيء من الجدل وانا بكره الجدل جدا وانا قلت بكره النقاش لكن بجيده لان للاسف من أساسيات مهنتي النقاش والجدل كمان ما علينا المهم أن الرد بتاعها عجبني جدا لانه فيه وعي بكل الزوايا فيه ناس لما بترد على اي موضوع بيكون اللي شدها حتة معينة وتلاقي رده مش متزن تحسه مايل هههه ما علينا على فكره فيه خلط كبير اصلا بين الجمال والجاذبية عند كتير من الناس .. وبعدين فيه جاذبية جماعية أو جاذبية شعب كامل هههه اه والله يعني أنا شخصيا ممكن اتجوز واحدة لبنانية لمجرد أنها تكلمني بلهجتهم هههه ام الدلع وابقى كدا مبسوط واخر انشكاح هييييح بس ما علينا استغفر الله العظيم يارب |
لفت نظري الجوائز اللي نزلتها الياسمين للمسابقة الرمضانية 500 ريال يعني يطلعوا 25000 جنية يعني مع زيادة الحد الأدنى للأجور تقريبا راتب 4 شهور لموظف حكومي هيييييح منهم لله اللي عملوا فينا كدا هههه ما علينا أنا هنا فقط علشان اهرج ف مش هسمح اني أخرج بره الإطار دا الموضوع دا فكرني بموقف ليا اول أما اتخرجت كان فيه مصنع ف الاردن هو تقريبا استثمار أمريكي شغال ف المجال بتاعي وكانوا محتاجين مهندس وانا بعت ال cv وعملت مقابلة اون لاين مع الراجل والراجل انبهر مش غرور والله بس أنا من افضل المهندسين ف مجالي وبفضل الله شغلي ف كل دول العالم المهم انا وقتها كنت مهندس صغير خربج مرتبي تقريبا 1600 جنية وكانوا مبلغ كويس اصلا وقتها ف المهم بعد المقابلة الفنية والامور تمام الراجل بيقولي طيب عاوز كام راتب يا هندسه طبعا أنا لسه ساذج ههههه حسبتها بسرعة كان الدولار تقريبا 6 جنية باين قلت هاخد الضعف ف طلع مني أنا عاوز 600 دولار هههههههه طبعا الراجل سكت دقيقتين كدا وقطع الاتصال هو عاوز رئيس قسم وطبعا ال budget بتاعه كبير فلما سمع 600 دولار قال ايه الواد العبيط دا هههههههه خليه يكلمني بقى دلوقتي هقوله أنا عاوز طيارة خاصة توديني هي ياسمين صبري احسن مني |
الي كل اصدقائي أنا آسف يعني لو مفيهاش إساءة ادب ايه هو معنى كلمة أمبله دي وياترى نطقها ازاي ههههههههههههههه أنا عندي مشكلة اني بتعلق معايا قوي التفاصيل طالما اتنيلت وقرأت ومش مفهومة من سياق الكلام |
أنا قلبي طيب مش بتاع مصلحه فيه ضحكه جايه وضحكه تانيه مروّحه ساعات نبيه وساعات غبي وساعات معلم وساعات صَبي وساعات بيطحن زي الرَحى وساعات بيسحر وساعات بيأسر وساعات بلاقي سحره اتمحى وساعات بحس انه فلاتي ويقوم ليلاتي على دقة مُرة مِجَرّحه |
فيه حوار حصل انهارده كان مميز حبتين .. كنا قاعدين انا واخواتي بعد الفطار المهم اختي الصغيرة من فترة صغيرة حضرنا معاها مناقشة رسالة الدكتوراة ف الكمياء الحيوية ف الكلام تطرق لان حاليا السيدات اثبتوا نفسهم ف مجالات كتير بعد الخناقة المعتادة مين اهم المهندس ام العالم وف المواقف دي طبعا انا مش بتكلم لان اخويا الكبير بيقوم بالواجب ههههههه المهم نرجع للموضوع الرئيسي بتاع السيدات كان البنات تحمست كتير ف رد زوج اختي برد قاطع وقاتل قال ايه بقى بقولكم ايه احسن واشهر اطباء النسا رجالة احسن واشهر الشيفات رجاله احسن واشهر مصممين الازياء رجالة احسن واشهر الكوافيرات رجالة دا حتي للاسف مصممين الرقصات رجالة لما تبقوا تسدوا ف المجالات بتاعتكم الاول وتتميزوا فيها فكروا تنافسوا ف المجالات التانية ههههههه وهنا ادرك شهرزاد الصباح فسكتت عن الكلام المباح واكل التفاح .. |
أحللت قتلي.. فقطعت وصلي .؟! وأبحت جعلي ثكلى غرامك ..!؟ فيا كل من لي؟! لم الهجر قل لي وما كان فعلي؟ لأنال خصامك تكلم لعلي أبوء بفعلي فذا كان عقلي بمرمى سهامك وهل يجزى مثلى بوابل نبلِ ؟ تضعضع كُلي بوقع كلامك تظن بعزلي ؟ سيثلمُ نصلي؟؟ ويسهل فصلي ليحُل سلامك ..؟؟ لقد كنت طفلي بذراً بحقلي؟ وكم تحت ظلي أنختَ حُطامك .. قَطَّعت سُبُلي وأنكرت بذلي وقد حل محلي بوقع صدامك فيا كل أهلي وصعبي وسهلي وعلمي وجهلي حياتي امامك تأنى بخذلي ولا تطوي حبلي وتُجْفِلُ رحلي بطول ملامك فلا الهجر سُأْلي ولا الغدر شُغلي أنا منك وجْلي .. فقل لي علامك ..؟! بقلم صديقتي الغالية عهود منسية.. الشاعرة عائشة الظنحاني بنت زايد .. ربي يحفظها |
الفضفضة حلوة بتكون للنفس زي حباية المسكن بغض النظر عن انت بتفضفض لمين وبتقول كلام مفيد ومترتب ولا لأ وف الأجواء الرمضانية دي انا هفضفض هنا ب ذكرى اقتحمت بالي كدا عن بداية دخولي الجامعة طبعا أنا بكتب وانا مرسوم على وشي ابتسامة بلهاء عريضة عرض فرعي النيل ههههه ما علينا.. انا بفضل ربنا كنت متفوق ف دراستي اول مدرستي ابتدائي وإعدادي ومن أوائل الثانوية اخويا الكبير كان مهندس ف خلاص انا قررت هدخل هندسة وقد كان .. اول يوم ليا ف الجامعة بقى واللي انتقل فيه ذلك الشاب القروي ريفي النشأة من رحاب وحدود قريته الي المدينة الكبرى حيث الجامعة .. بالمناسبة معظم اللي أشقائنا العرب يعرفوه عن المصريين من خلال الافلام والمسلسلات دا لا يتعدى 20% من تركيبة الشعب المصري الملايين الكبيرة اللي عايشه ف الريف بتزرع أرضها سواء ف الدلتا أو الصعيد ومتمسكة لأقصى درجة بالعادات والتقاليد والأطفال لسه بتروح الكتاتيب تحفظ القران او حاليا بقى محفظ ومبقاش فيه فلكة زي ايامنا ههههه ما علينا نرجع لموضوعنا عن اول يوم ف الجامعة .. طبعا دخلت ببطاقة الترشح وروحت على كلية هندسة وهناك طبعا لفت نظري تواجد انجي ههههه حاجه بيضا كدا وحمرا شغل فاخر من الاخر جاية من مدينة ساحلية وما ادراك ما أبناء المدن الساحلية خصوصا اسماعيلية المهم بردو النقلة كان لها وقع الصدمة هههه من القرية الي انجي ف حصل قفلة ف مخي وبقى هدفي الاول والاخير اني اكلم البنت دي .. اه بس فيه مشكلة هههه أنا مستحيل ابدأ بالكلام لن أجرؤ طيب وبعدين ف الحوسة دي المهم من الحظ بردو أننا كنا في نفس السيكشن حرف الألف وجه ف بالي خطة وفعلا بدأت في تنفيذها فورا ... اممممم ومرة تانية بقى نكمل حكاية البرنسيس انجي ههههه |
| الساعة الآن 03:45 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا