!.. مما يكتبه ،،،الظـاهـرة،،، غفر الله له ..! - الصفحة 458 - منتديات مسك الغلا

**!..الظـاهـرة..!** · 02-06-24, 10:41 AM

ماعلنا ..

من سنوات .. حدث أمامي مشهدين في نفس المكان ..

كنتُ في مطعم أنتظر طلبي يجهز ..

رجل كبير في السن " ليس بشايب " .. عليه هندام جيد جداً ..
يظهر عليه أثر تعليم - وظيفة جيدة .. على الأقل ..
كان طالب - تقريباً - رز و دجاج ..
تمسّك به ابنه الصغير :
بابا أبغى بطاطس ..
" رآها فاشتهاها " ..

- لاحظوا الطلب مختلف ولافيه بطاطس اللي مشتهيها الطفل -
رفض بشدة و ماله داعي وخلاص اشترينا رز ودجاج
و يكفي ........ إلخ ..

سبحان الله ..
رجل آخر في نفس المطعم
( لكن للحق ناسي في نفس اليوم أو كان بعده بأيام

)
هذا الرجل كبير في السن .. واضح اثر الدنيا على ملامحه ولبسه و حياته كلها
كان من التعب رمى شماغه على كتفه ..
ينتظر بحسب ماطلب " البروستد "..
طلب منه ولده " البطاطس " .. أيضاً : رآها فاشتهاها ..

ردّ : أبشر ..
ثم أخرج ريالات من جيبه يظهر أن مابقي ليس بالكثير معه ..
و أعطاها الصغير ليشتري البطاطس ..
كان بامكانه مثلاً قول :
البروستد يجي معاها بطاطس و تكفّي
أو مثلاً يطلب من العامل أن " يكثّر " بطاطا

كنت أتأمله بصمت ..
والله التفت علي وشاهدني وقال :
كلاماً معناه " حنا نشتغل ونتعب ونجيب فلوس عشانهم "

و بس ..

**!..الظـاهـرة..!** · 02-06-24, 10:47 AM

أنت رجل ..

هذه الكلمة ثقيلة ..

إن لم تكن على قدرها :
عمليات تحويل الجنس ما تكلّف الحين ..

كنْ رجلاً لآخر مرة في حياتك ..
و قرّر " تعديل جنسك بما يتناسب و أفكارك " ..

**!..الظـاهـرة..!** · 02-06-24, 10:50 AM

ماعلينا ..

شاهدت اعلان في التيكتوك .. فكرته طريفة وراق لي :

صوت قراءة و تحصين " بصوت سريع مثل اللي يسبحون بسرعة

"

مع يد " ايموجي " تتحرك في كامل الصفحة ..

الفكرة تحصين و مسح على الصفحة ..

ثم كتبوا بما معناه :
حنا أرخص و أصدق ليزر عندنا .. عشان كذا نحصّنه ..

- ليتني احتاج ليزر .. يستاهلون من يتعنّى لهم ..

**!..الظـاهـرة..!** · 02-06-24, 10:56 AM

يازين هالنصيحة والتعزية

:

لا تباطى فزعة الله متى ماضايقوك
فزعة الله ماتجي غير في وقت غْلقه

يمكن الله ينتصر لك .. بعد ماضايقوك
ثم يحوّل خصمك " أرنب " و يقلبك ( سْلقه)

//////
- ماقصّرت .. الله لا يعطيك عافيه ..

**!..الظـاهـرة..!** · 02-06-24, 11:00 AM

بشتٍ يذرّي دار و يذرّي أمَّه
و بشتٍ لا ذرّى متن راعيه لاباس

بعض الرجال الله يخليه لـــ أُمّه

و بعض الرجال الله يخليه للناس

- أنا أشهد ..

**!..الظـاهـرة..!** · 02-06-24, 11:02 AM

الوجيه اثنين ( متبسّم وعابس )
لا حداك الوقت لارقام الشريحه

فيه رقمٍ لا قبس للنار قبس
و فيه رقمٍ للسواليف المليحه

و الدليل تشوف معلاق الملابس
ما يقوم بدور معلاق الذبيحه ..

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات تعب قلبي	شات حبي	شات الخليج
شات مملكة الحب	شات بنت السعودية		شات السعودية	شات دلع السعودية	شات سعودي كام
شات فلة الخليج