خسرتها اشخاص من حياتي - منتديات مسك الغلا

**البندرى الشمرى** · 01-19-22, 02:52 AM

السلام عليكم ورحمه الله وبركاته

انا مستحيه من الاقارب قبل البعيد احكي لكم سالفتي

انا بنت بتزوج بعد شهور احس ناس صارت تقول عني اني محتاجه دكتور نفسي

كل وحده اتخاصم معاها واتمشك معاها امي قالت انتي لو اعرستي وش تسوين

مع اهل زوجكك اخر موقف شي بسيط وحده مرسله لي حناء وكذا بما اني عروسه

بنت ولد عمتي قولت لها ليش جبتي قليله الحناء وحده ثانيه اتخاصمت لانه

ماعزموا امي على العرس ناس ظروف احس ماعندي محتاجه يمكن دوره ولا

شي واذا اتكلم مع خواتي وبنات خوالي وغيرها احب اتكلم حتي بخصوصيات

حتي بواتس ارسل لهم 9 رسائل بيوم يطفشوا مني قالوا لي انتي ماعندس

شغله بحياتس وبنت خالتي زوجها بالزلفي كنا نسولف مع بنات انا جرحتها

بكلام ايه انتي قصيره مين بياخذس يمكن اكشخي ليله العرس يمكن وحده من ا
الحريم
بتخطبس لولدها والله من بعدها قاطعتني ولاكلمتني الي يومس ذا

من بعدها صرتها اثمن كلامي قبل احكي

كيف اتطور من حياتي وناس تحبني اشوف بنات عماتي الكل يجبهم اسلوبهم وشخصيتهم

نفسي اكون مثلهم والله علموني قبل اخسر حياه زوجيه بعد

~~شطرنج~~ · 01-19-22, 07:53 AM

خلك على طبيعتك
والاهتمام بخصوصياتك
والاهتمام بحياتك الزوجية

والاهم
الاستقلال في بيت لوحدك
انتي وزوجك

ولا ترضي تعيشي
مع اهل زوجك

ولكن خلك محبوبة بينهم

ومحبوبة مع البنات الي
ترتاحي لهم

أما باقي الناس
اعملي لهم بلوك (اسمه وداعا ماركوا )

وبعدها شغلي اغنية
الحياة حلوة

ونصيحة
لا تشغلي
نفسك بمن اكل قطة الجبنة

خلي دائرة اهتماماتك
في أولوياتك

انتي
زوجك
بيتك المستقل
حياتكم المشتركة
الرضى
الخير
العطاء
الحب
الاحتواء
السمو في الحياة الزوجية
الانجازات
التغافل عن الصغائر
الحوار
الانتماء

بتوفيق ومبروك
سلفا
فالكم السعادة

**روحَ** · 01-21-22, 01:49 PM

انسي الدكتور النفسي ما تحتاجينه ل هالمشاكل

اقرئي سورة البقرة كل يوم أو كل يومين
واستغفري كثير
و تصدقي كل يوم بدرهم واحد لو قدرتي
أو تصدقي بابتسامتك > ابتسمي للناس
الناس يحبون اللي يبدأ السلام ويبتسم لهم ويرحب فيهم

وإن شاء الله علاقتك في الناس بتتصلح وتصير حلوة

ترى كل الناس يعرفون هالحلول لكن يستصعبونها
أنتِ خليك قوية وطبقي الكلام عشان مصلحتك

وبس
موفقة إن شاء الله

~~أمَل~~ · 01-23-22, 01:10 AM

يابنتي الله يصلحك اشغلك هـ الزواج
شوفي إذا ع طولة اللسان ع فهم وعي فمحدثتك لسانها مافي أطول منه
لكن بحدود..
فكرة كل ماغلطنا رحنا لطبيب نفسي أذكري الله..
يمديني في عنبر المرفوع عنهم القلم..
الشغلة ببساطة أنتي تفتقدي للثقة بالنفس..
وثقتك بترجع بـ إتقان ممارستك للحياة
بمعنى أهتمي بمظهرك
تعلمي شغلات تفيدك بـ الحياة
أستعدي لحياتك الجديدة
لاتضيعي وقتك بكلام فلانة
ونظرة علانة
أنتي قادرة ع تغيير ذاتك
تكفين إذا صار معاك مشكلة ثانية لاتجيبي طاري العرس حامت تسبدي

**النايفه** · 01-23-22, 10:19 AM

راح اشطح بنصائحي

1- امسكي لسانك ، ، أدبيه ، لاتتحدثين إلا للضروره على الأقل حتى ينضبط

2- استمعي أكثر من الحديث

3- ابتسمي كثيرا

4- كثري من حسن الظن واذا قدرتي خزنيه بالمستودعات

5- عليك بالقراءه ، إلتهمي كل مايقع تحت يدك ويلبي شغفك
فن ، طبخ ، تاريخ ، سير ، شعر ….

من هنا تبدأين تضبطين إعداداتك

وهذه لك.

**نواهل** · 01-24-22, 01:30 AM

توامتي هههههه
ربي يسعديك

الموضوع مره سهل وعن تجربه
قولي لكل شخص الشي اللي يحب يسمعه منك
مو كل شي بخطرك لازم تقولينه يعني بالمختصر المفيد ما تموني على الكل والمجامله طيبه

لا تاخذين راي الناس فيك ونظرتهم لمستقبلك على محمل الجد
انتي ادرا بنفسك وبنيتك ومقصوديك

اخر شي ارضى الناس غية لا تدرك
لكن اسالي الله دايما حبه ومحبة خلقه وان يزرع فقلبهم القبول ليك

اتمنى ليك حياة زوجه سعيدة وعلاقات طيبه

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج