{ ما تواطنها نفوس الأشرار }
مبروك للي نال ذيك الطعوس
هوى المغرم والفارس المغوار

الجائع يبي مايحرك الضروس
خص لمن طال عليه الإنتظار

ياجاهل المعاني أخذ الدروس
من فاهم متعلم يدير الأفكار

إياك ثم إياك تماشي منحوس
او عصبي يحير اللي مايحتار

عش سالم مع طيبين النفوس
واسلم على نفسك من الغدار

العدو العاقل ينشرى بالفلوس
والصديق الجاهل وراه الدمار

لضاق صدرك ولا ودك تحوس
افتح المصحف وإقراء بتكرار

سورة البقرة تطرد عنا البؤس
أبدا ماتواطنها نفوس الأشرار
الشاعر/ حمد بن فهد المخالده السبيعي

ابيات رااائعه ...صح لساااانك ملاااايين

صح السانك وجزاك الله خيرا
على طيب النصيحة شاعرنا
الغالي الكبير حمد بن فهد
المخالدة السبيعي لاهنت

اخي الكريم الغالي مشتط قل آمين
جعلك ما تشتط إلا في طاعة الله وبر الوالدين وأهل بيتك وخدمة الطيبين مثلك.
صح بدنك مدد بلا عدد يحفظك ربي عزيز الشأن ويرفع من مقدارك في كل مكان وزمان اتمنى لك السعادة ماحييت اللهم آمين.
أخوك/ حمدفهد

اخي الكريم الغالي الشاعر الفذ/ القارظ العنزي صح بدنك مدد بلا عدد يحفظك ربي عزيز الشأن ويرفع من مقدارك في كل مكان وزمان اتمنى لك السعادة ماحييت اللهم آمين. تسلم لنا اياديك الوضاءة وقلبك الطاهر لا عدمناك الرد الجميل والأسلوب الراقي يسعدك ربي .
أخوك/ حمدفهد