دائم أسعى لتخفيف ع الناس حتى ولو القليل أما أنا فماذا بشاني .

اكلمك بس افكر فيك
ماقول احبك بس احارشك
ماقول اشتقت لك بس اسوي مشكله
ماقول زعلت بس يتحول اسلوبي رسمي
.

اختبارات بتبدا وعجزت استوعب
يخي مادري عقلي مقفل مو راضي يستوعب ابدا

المهم بشتاق لمدونتي يحليلها وبشتاق لزواري العزيز ين
صباحكم خير .

(وماكان الله بمعذبهم وهم يستغفرون)


استغفروا كثيرا ����

وخلونا نبدا !
اولا لا تحاولوا ابدا تدعوا فهمكم للالم مهما كانت قرب العلاقة بينكم،لاتحاول ابدا تقوله افهمك،تدرون انه هذا الشي يعطي شعور له انه حزنه غير مشروع والمه مبالغ فيه!
صحيح محد علمنا كيف نربت على كتف متعبه،حضورك ولو كان محفوف بالصمت افضل من غيابك عن المشهد ،شجاعتك في التواجد ،ووفائك في التواصل راح يخفف ولو شوي
جربوا تسألوهم كيفكم اليوم،بدل كيفكم بس لانه كلمة اليوم تفرق وايد تعنيله انك انت مقدر رحلته في التعافي بجهودة في النهوض،وخل اكلمكم عن التعافي،شوي
كل شخص له توقيته الخاص،فصاحبك اللي رجع للحياة اسرع مايشبه اخر اخذ وقت اطول ،الاثنين يتالمون فلا عودة الاول تخليه اقل وفاء لفقيده ولا الاخر اقل قدرة فلا تحكموا على الناس،ياجماعه حتى لو كان قصدكم حثهم على التعافي اسرع،انصتوا وتعلموا تحطوا نصائحكم على جنب،ولا تتوقعوا منهم الموافقة على مقترحاتكم ،لا تسالوهم تبون تاكلون،جيبولهم اكلتهم المفضله وشاركوهم،حتى لو رفضوا كل محاولاتكم اصبروا ،حاولوا،باركوا محاولاتهم الصغيره في اهتمامهم بنفسهم
احيانا ماراح تواجهوا حزن وبس قد تواجهوا عاصفة من المشاعر والغضب زي ليش انا! ليش الحين! وين العدل ،ايش سويت حتى استحق خسارتي ذي او حتى انه يلوم نفسه ليش انه ما قدر يسوي شي لفقيده،انتبهوا تسون فيها الناصح المرشد زي تقولوا تعوذ من ابليس اوتذكر خسارة فلان او فقد علان !
ياخي ساعدوهم على تفريغها ومعايشتها ولانه في حاجه انه يحس مو انه يفكر لا تحاولوا ابدا تصادروا حقهم في تعايش هالعواطف،لا تحاولوا توقفوا قدام مشاعرهم الفطريه
شغله اخيره لا تخافوا انه تذكرون اسم فقيدهم،تدرون انه عدم الكلام عن فقيدهم راح يحسسهم انه حزنهم شفاف،خفي مابينشاف يعني الكلام عن فقيدهم هو اللي،يحتاجه الفاقد لانه ابدا مافي احد يحب انه ينسى وانه الحي حي بذكرة!

فلا البعد يعني غياب الوجوه
ولا الشوق يعرف قيد الزمان .