في هذا الزمن معك فلوس تسوين فلوس مامعك فلوس ماتسوين شيء

لهذا الفلوس مهمه مثلها مثل الأساسيات "الماء" و "الأكل" و "الراحه" و "الهواء" التي تُبقي الشخص على قيد الحياه .

<<< أنا قلت هنا في هذا الزمن

في الغالب المادي والنرجسي أو المادي النرجسي هو الشخص الذي ترعرع على دخل محدود وفجئه تغيرت حياته وأصبح لديه فلوس فوق طاقته لا يجيد التصرف الصحيح بها ، وياكثرهم في هذا الزمن حوالينا وفي كل مكان

وهم نفسهم من نسميهم بالمسطلح العامي بـ (( المصلحجيه )) أو (( مصلحجي ))

ولو ظهرت لنا حقيقتهم لأكتشفنا بأنهم أشخاص مزيفين بفلوس ليست لهم من الأساس ، بل كلها قروض بنكيه ربويه وديون لا حصر لها رفعتهم شكلاً لأجل سلبية القيل والقال ، وألا في الأصل لازالو بنفس مستواهم "طفرانين" .

-- كيف تتعامل مع المادي والنرجسي .؟
الجواب : طنش تعش تنتعش وعش حياتك بعيداً عنه .

-- كيف تكشف هل الشخص الواقف أمامك مادي ونرجسي أم لا ؟
الجواب : خاطبه بدونيه وستظهر لك حقيقة تفكيره تلقائياً بطريقة (( أنا عندي وأنا أقدر )) بشكل ملحوظ .

الماديين كل كلامهم عن الفلوس
عكس اللي مو ماديين نادراً يتكلمون عن الفلوس

وبعد مسرفين ومبذرين
ما يظهرون قدام الناس بالشكل العادي البسيط
لازم لبس غالي وماركات حتى لو ما عندم قيمته
ويسخرون من أي شخص بسيط

وما يقبلون الهدايا البسيطة وما تملى عينهم
يزعلون بشكل واضح
ويقولون ليش ما جبتوا شي غالي
لأن يحسبون قيمة الهدية تساوي قيمتهم

يستحون يروحون أماكن بسيطة
مثل المطاعم البسيطة
لازم أماكن فخمة وراقية

اللي مو مادي عادي
ما تفرق عنده يروح مطعم بسيط ولا فخم
كله واحد عنده

المادي دايماً يراقب الناس وشو عندهم أشياء غالية

يعني مثلاً مرة كنت في عرس
جت وحدة قالت شوفي فلانة
قلت شو فيها ؟
قالت شوفي شنطتها .. تعرفين كم قيمتها ؟
طبعاً أنا استغربت لأن ما انتبهت للشنطة أبداً
بس استغربت من الدقيق وطريقة التفكير
هذا تفكير الماديين

وبس