|
أحبها حب الأردنيين لحسين قلنا نداعب هالقسم بمحاوله .. الشعر مامن شعر لكن هواوي … قبل ثمان سنين وصحه وسلامه يوم الامور بخير والواقع الزين انا وترف الحسن بالمستدامه متناصفين العشق روحاً بروحين ترسل علي من الهدايا عـــلامه وارسلها من كل شاعر ببيتين تقول يابن الناس فيك الطعامه واقول يابنت العرب كلك الزين احبها حب العرب للــــــــكرامه وتحبني حب الاردنيين لحسين تطرب لبو نوره وتسمع سلامه ومن بادي الوقت الهوا للمساكين مصيافها فيينا بربوع الخزامه وانا على الصمان طاويني البين تقول عذروبي على القد شامه واقول هذا الشي بصمه مزايين تشوف فيها من الفخامه فخامه وتشوف فيها نرجسيه سلاطين علمي بها الدوحه تجي للمنامه تبي تزور الها قرايب وحيـــٰـــين تقول لامريت الخبر بالســـلامه بحط لك ذكرى بجسر المحبين وضاع الرقم والمنتدى والعلامه وضاعت معه احلام ورد البساتين وهذه ثمان سنين انطر كلامـه ضيعتها مثل ضياعه فلسطين ليت النعيمي لي خوال وعمامه وياليت حمران النواظر هل الزين وغلا قطر وغيابها واالسلامــــــه معذورةٍ مني ومن القلب والعين |
صح لسان الكاتب والناقل وسلمت اناملك حقا انت طاغي النظرة وطاغي الكلمة |
سلام للي لخص الشوق ببيتين وللي مع السمات يرسل سلامه ياليل قله صاحبك حافه..البين والدمع سطر على خده.بعلامه الله على ذكرى من ثمان.سنين مرت على الخاطرمرور الغمامه مايطوي الزمن اشواق المحبين ولا على العاشق اليا باح ملامه يالله ترد الي غايب.. عن العين صفوة والقلب وغلاه.... ومرامه صح لسانك طاغي النظره تقبل مروري و مجاراتي المتواضعه ودي واحترامي |
صح لسانك طاغي النظرة ربي يحفظك |
اقتباس:
حضورك استثنائي ومطلب وحودك بالردود شهاده وكلامك وسام انت النادر عسى عمرك طويل يابعد قلبي |
اقتباس:
ياحي الله خنساء مسك حي الله شاعرتنا وصح لسانك بهالرد الباهر انتم اهل الاوله ياشعارنا عسى عماركم طويله وافيه يالاميره بهالرد وافيه |
اقتباس:
اسم على مسمى عسى عمرك طويل |
تقول عذروبي على القد شامه واقول هذا الشي بصمه مزايين تشوف فيها من الفخامه فخامه وتشوف فيها نرجسيه سلاطين ... نص جميل يعطيك العافية |
اقتباس:
صح بدنك يالاميره منوره بكل وقت |
واخيرا رأينا السيد طاغي بساحة الشعر والشعراء وين باقي الخليج الله يسلمك ؟ في خط رجعة محبوبتك لازم تمر على البقيه ويقال من عاب ابتلى بالأمس تتشمت بصعفق يوم انه منصادي :x38: ذووق ياطاغي :harhar1: وبعدين أحد يحب من منتدى :x38: انا خايفه يطير المنتدى وتروح علي مدونتي :5: طار المنتدى وطارت حبيبتك ، هيّا حلّها :MonTaseR_173: دوعابه لا أكثر :5: صح لسانك وسلم بنانك أبيات جزله من شاعر جزل فائق تقديري |
** اشهد انك أسد ياطاغي ماتهجم الا على الطيب السمين هههه قصيده رائعه بروعة قايلها ،، صح بنانك وبيض الله وجهك على اختيارها * |
ماشاء الله تبارك الله كل هذا وهوواوي فيه وصف عميق وجميل .. طلع صوابك اعمق .. اعانك الله :bye1: صح لسانك يالهواوي |
ابيات جميله يعطيك العافيه |
اقتباس:
اي و الله بلاني يالله تشمتي بصعفق عاد القراده حركت الساكن .. اقويا الا اماماكم .. الله على الظلام :) منوره يالنشميه حضور واثر حال العظماء |
اقتباس:
الاسد انصااد ههههه الرائع حضورك يا رائع انت وانت ابيض وجه يامحبوبنا |
اقتباس:
والله اني ماقولها تواضع لكن مالي عرف بالشعر لكنها تجي بالبركه.. انت الجميل وحضورك الجميل وصح كلك يا زعيمنا |
اقتباس:
تبارك الرحمن صح لسانك واعتلا شانك مبدع ماشاء الله وزن وقافيه .. اشوف غالبية الاعضاء شعار رائعه اخي الكريم |
اقتباس:
يعافيك ربي حياك ربي |
اقتباس:
والابداع بحضورك يا طيبه القلب ايوالله شعار وهذا حنا نسلك مسلمهم بمحاولات عسى تنال الاعحاب حي الله من مرت وشرفت |
صح لسانك شاعرنا طاغي يعطيك العافيه يامبدع |
اقتباس:
ويعافيك يالامير |
ً ً " قلنا نداعب هالقسم بمحاوله .. الشعر مامن شعر لكن هواوي …" تكفى يا الهاوي :MonTaseR_197: ابيات روعة وموزونة ورائعة ويقول مامن شعر خف علينا يا الزين :) اجل وش نقول عن اشعارنا اللي كنها افلام كرتون :crying: صح لسانك ومنطوقك يا مبدع تقديري ِ |
اقتباس:
شاعرنا وصاحب الكارزما المحبوبه بيننا احرجتني يالشيخ !!! والله ضميري يأنبني لاكتبت / يقولي خرابيط لكن انت وكلامك يحسنني اني من فطاحل الشعراء هههه الله يسعد هالوجه ويسعدنا بوجودك يالامير ماعليكم تعدي للحين اقول هاووي |
. تشوف فيها من الفخامه فخامة وتشوف فيها نرجسية سلاطين صح السانك وسَلِم بنانك أبيات جزلة ورائعة. شكراً لك. . |
اقتباس:
ياحي الله شاعرتنا واديبتنا صح بدنك هذا من لطفك يالاميره يعافيك ربي |
| الساعة الآن 01:47 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا