قلنا نداعب هالقسم بمحاوله ..

الشعر مامن شعر لكن هواوي …


قبل ثمان سنين وصحه وسلامه
يوم الامور بخير والواقع الزين
انا وترف الحسن بالمستدامه
متناصفين العشق روحاً بروحين
ترسل علي من الهدايا عـــلامه
وارسلها من كل شاعر ببيتين
تقول يابن الناس فيك الطعامه
واقول يابنت العرب كلك الزين
احبها حب العرب للــــــــكرامه
وتحبني حب الاردنيين لحسين
تطرب لبو نوره وتسمع سلامه
ومن بادي الوقت الهوا للمساكين
مصيافها فيينا بربوع الخزامه
وانا على الصمان طاويني البين
تقول عذروبي على القد شامه
واقول هذا الشي بصمه مزايين
تشوف فيها من الفخامه فخامه
وتشوف فيها نرجسيه سلاطين
علمي بها الدوحه تجي للمنامه
تبي تزور الها قرايب وحيـــٰـــين
تقول لامريت الخبر بالســـلامه
بحط لك ذكرى بجسر المحبين
وضاع الرقم والمنتدى والعلامه
وضاعت معه احلام ورد البساتين
وهذه ثمان سنين انطر كلامـه
ضيعتها مثل ضياعه فلسطين
ليت النعيمي لي خوال وعمامه
وياليت حمران النواظر هل الزين
وغلا قطر وغيابها واالسلامــــــه
معذورةٍ مني ومن القلب والعين

صح كلك ياشيخنا ..

حضورك استثنائي ومطلب وحودك بالردود شهاده وكلامك وسام

انت النادر عسى عمرك طويل يابعد قلبي

ياحي الله خنساء مسك

حي الله شاعرتنا وصح لسانك بهالرد الباهر

انتم اهل الاوله ياشعارنا عسى عماركم طويله

وافيه يالاميره بهالرد وافيه