الصبح توه ما بعد بان لونه
وتوه بعد ما هفهف بريحة الورد


لي كل يوم اوقات فيها مرونه
واوقات فيها الهم يشبع من الزرد


واحس بسخونه ولا هي ابسخونه
اثر البلا مكتوب واحزاني الجرد


ما كنها الا الرمث ولا دخونه
والا السمر والحمض والطلح والخرد


ومن هو تهل الدمع دايم عيونه
غيري وقليل الهرج وسوالف السرد


راضي على كثر الغثا والمهونه
اعيش وحداني واعاني من البرد


اعيش ببلا هم واشكاة دونه
تحول بيني وبينه اقراية الورد


لا شفت من تشكي المحبه ظنونه
وعيون طوع ايدين حمالة النرد


محلا مثل ماقلت لك في المهونة
معيشة املوك انك تعيشها فرد


والصبح توه ما بعد بان لونه
وتوه بعد ما هفهف ابريحة الورد




لبلبوني