عندي طاقه اكتب رواية .
بس ادري بوصل لنقطة واسحب عليها .
وانا ما ودي اوصل لذي النقطه اصلا .
ف ما ادري وش ممكن اسوي بالايام الجايه

ولأن من زمان ما تحلطمت قررت اكتب شي غاثني .

انا مسؤولتي متسلطه درجة أولى
تغير كلامها في اليوم 20 مره وفوق ذا
ما تهتم لمشاعرك وترمي كلام زي السم وعايشه حياتها
تتفلسف كثير ومحد يقدر يسيطر عليها لأنها مو قليله ابدا .
بالثلاث اسابيع خلتني اكره بعض المهام والأوقات اللي اجلس فيها بالدوام .
حرفيا هي تجلس طول اليوم من مكالمة لمكالمة
وتسولف هنا وهناك وقهوة وشاهي وي فلانه تعالي وي فلانه سوي وي فلانه كذا
حتى مهامها وزعتها علينا مررره ما تبي تسوي شي
وتعصب لو سمعت صوتنا 5 د نسولف فيه مع بعضنا

ومستحيل توجه لنا كلام بشكل مباشر او تعطينا مهام
تنادي وحده من الموظفات وتقول لها شنسوي وتجي تبلغنا
بس تبينا نبلغها بكل شي حتى لو مشينا خطوة ..

هي حرفيا تغث ودقيقه بنفس الوقت وتسأل كنها استخبارات
تبي تعرف وش نسوي بالضبط ولو ع كيفها حطت كاميرا تتبع ي لطيف عليها ..

حتى الموظفات فيهم شوي غرابه بس يهونون جنبها
ولازم نحذر منهم لان ماندري وش ممكن يقولوا عننا قدامها لو تحلطمنا زي كذا 😂😂😂

مكان غريب واللي فيه أغرب وما اعرف كيف متعايشين مع بعضهم بذي الطريقه !!! .

ويوم الأحد حيكون في كرف اكثر من اللي ما كرفناه بالعيد
المهم ان شاء الله يعدي كل شي ع خير ، الله يعين ويسهل عليينا

يَ بايع الورد الحزين اقطف : حنين ..
و حاول تبيع : ( الورد ) مع باقة لقا !!