.

.



كُنَّا ننطر يجي باكر
جانا بس "اِلْقِينا" وين
كل واحد مِنَّا هاجر
تُهْنا وَايَّا هَــ السنين



كل واحد مِنا فاكر
"إنّوْ" بس هُوَّ الحزين
وتحت سطوة هَــ المشاعر
تهنا ما ندري إحنا مين



كل واحد شال همَّه
وفكّر بحاله وبس
والعِشِق في الأصل اسمه
أنْ أحس بما تِحِسْ



وإحنا الاثنين انجرفنا
وَايَّا تيار الأنا
بس متأخر عرفنا
أنتِ معناها أنا


وابتعدنا ...


لِلأسف ما فينا نرجع
كيف نهدم هَــ الحدود
مجرد التفكير مُفجع
مين يحطم هَــ القيود



بيننا دنيا جديده
واختلفنا في الجهات
كل واحد ماشي "سِيده"
يخشى حتى الالتفات



يبدو إن هذا قدر
ويبدو إنْ احنا رضينا
والقرار اللي صدر
على صفحاته مضينا


وانتهينا



سُهيل

مرحبا مليار بك وأكثر العزيز أعد النجوم

صح بدنك ودام نبضك

يسعدني والله أن نال ما كتبته إعجابكم

من الأعماق شكرا

أرق التحايا

هلا بالأخ سارح

ما هذا الجمال والتألق

وأنت أبدعت أيضا

كل الشكر والتقدير لمرورك