السبب الهموم وصعوبة الحياة اللي كل يوم تزيد عليه ..... فمثلًا لما كان مش متجوز كان عايش حياته بحب وفرح وفرفشة.....ولكن بعد ما تجوز وأصبحت عليه مسؤوليات كثيرة (زوجة وعيال ومصاريف ومدري ايش )...بعدها نفسيته تغيرت وكل مافيه تغير ...


بعضهم يقول ان الرجل إذا تجوز يزيد ركازة وركادة وثقالة ..لكن أعتقد ان كل مافي الأمر ان المسؤوليات اللي جت على راسه بعد الجواز هي اللي هي خلته مش طايق لا كلام ولا ضحك ولا فرح ....فقط يضحك ويفرفش في أوضاع معينة وأماكن معينة ومع أصحاب محدودين ....بعكس أيامه قبل مايتجوز ..


مثلًا الرجل قبل مايتجوز يكون تعامله رايق مع العامل اللي في البقالة اللي اسمه ( نصير ) .. فلازم يباغت العامل ( نصير ) بكم كلمة وهو جالس يحاسبه ( نصير أنت كم سنة هنا ..أنت أول فين شغل ...أنت فيه زواز وبزورة ...أنت نفر كويس ..و..و ..)

وبعد ماتجوز ( صديق سجل أغراض في الدفتر ...آخر شهر أنا يسدد ..ليش هذا غالي....أنتم ليش هذا زيادة )...ويقولها وهو قرفان وطفشان ...ثم تزيد الطين بلة ست الحسن والجمال ( ليش ما جبت معجون الطماطم وأنا قايلتلك عليه أول واحد...هذي عوايدك دايمًا تنسى ..)....وجوزها جالس يسب فيها بينه وبين نفسه وهي جالسة تذكره بالأغراض اللي ناسيها ...



فـ غصب الرجل بعد مايتجوز يكون قليل كلام وشبه انعزالي وهو جالس مع الناس في المجلس ...من المسؤوليات والبلاوي اللي على راسه ..



.......

وبرضه من الأشياء اللي تخلي الرجل بعد مايتجوز تتغير عنده حياة المرح والتفاؤ ل اللي كان عايشها قبل مايتجوز إلى حياة صمت وانعزال بعد الجواز :

هو أنه كان متخيل انه بعد مايتجوز راح تتغير حياته للأحسن ....لكن حياته الإجتماعية مع الناس تنقلب صمت وانعزال رغم انه جالس ورايح وجاي معهم ...

لأن الرجل بعد الزواج حياته لغيره ..يعطي ولا ياخذ ...


لا وبعد كمان يجونك بعض الحريم ثم تقول أنتم أصلًا يالرجال تسوين كذا وكذا ..وأنتم ...وأنتم..و..و..


فـ النوعية هذي من الحريم تلقاها تقابل الناس بأحلى زينة ..يعني رايحة أنتيكه على استنقر عشرة ...مافيه أحلى منها ..

ويوم تشوفها في البيت تحس انها حرمة ثانية ...مثلًا تلقاها مخصصة للبيت روب تلبسه طول الوقت ...

لا وبعد كمان تلقاها تجس أيام وهي تقابل جوزها ورابطة شعرها بربطة شعر لها مية سنة ورا المساند ..ولابسة روب من شدة كثرة استخدامه طرف الروب اللي ورا طويل ومن قدام قصير ...


لا وبعد كمان تكلمه وديسها ( ثديها ) الأيمن طالع برا وعليه شويه مخاطين يابسة...لأنها كانت ترضع ولدها ...



..........

وعليكم السلام ورحمة الله وبركاته
الصدمات
الفقد
قد يتجاوزها بمفرده اذا كان عنده المقدره او بمساعدة شخص عزيز عليه او من خلال جلسات استشاريه ويرجع بالتدريج لحاله الاصليه
وممكن ما يقدر يتجاوزها ولا يحصل علي المساعده ويظل علي حاله

كثرة الضربات توجع القلب المتفائل
وتخليه في انعزال تام
عندما تكافح وتلاقي مطبات في طريقك
تحاول تتغلب عليها ولكن عندما تلاقي جبال قدامك
قد تسود الدنيا في وجهك
وتدمر كل خلايا التفاؤل
تحياتي وتقديري لك

التفكير الزائد
وحصر " لذة الحياة والسعادة " بشيء معين
فإذا راح انهرنا
أما الي مخلي مطرح لكل الحبايب بقلبه
فأذا راح شي بقي عشرات الأشياء
ذا لا تغيره المواقف ولا الخيبات
سلمتي ع الطرح عطاء مسك