|
تفتيش جوال الزوج بين الفضول والشك /// تفضلوا للنقاش بسم الله مجريها ومرسيها لن اتحدث طويلا . . . غير لماذا تقوم الزوجة بتفتيش جوال زوجها كلما سنح لها الوقت؟ مهما كانت ثقتها به؟ نعم خطا ولكن لماذا؟ وياللاهول لو وجد رقم غريب او رسالة مجهولة او غير الرقم السري . . . طبعا اترك الموقف للي يبي يقول رايه . . . انت كزوج ما شعورك لما زوجتك تفتح جوالك؟ ولو شفتها كيف تتصرف؟ ولو سألتك عن شيء خاص بجوالك وش ردة فعلك . . . وانت كزوجه بامانه هل تفتحين جوال زوجة طيب وش السبب؟ ولو لقيتي رسالة مستفزه أو رقم مشتبه مثلا هل ممكن تسأليه أو تجلسي ساكتة ومقهورة خايفه لو يدري إنك فتحتي جواله وتبي تعرفي وش سر هالرسايل مثلا؟ وش بيكون شعورك لو لقيتيه غير الرقم السري؟ . . . وكم مرة تم قنصك وانت تفتشين😁 طبعا مرات تشوفيه لهو واقف .. كيف احساسك بها الوقت😅 وممكن تتكلمين او تنسحبين بصمت😶 ان شاء الله اول ماادخل بناقش الموضوع اكثر هالموضوع ماله نهاية تحياتي للجميع . . . الموضوع عام ولا يؤخذ على محمل شخصي رند القحطاني أم الوليد |
الله موضوع حلو بجلس على جنب وأتابع :icon27: |
يختي مهي مثالية بس ما عمري سويتها الا عن طريق المزح اصلا جواله يشتغل ببصمتي وبصمته بجوالي عشان ما يحتاج كل واحد يتذكر رمز الثاني واصلا جواله كله ارقام زبونات مندوبات مهندسات وكثير مرات يكلمهن وانا امسك له الجوال يسوق او يآكل الأعمال اصبحت مختلطة وكل شيء مختلط افتح ع نفسي باب كبييير ليش ع كلا زوجي حالة استثنائية فهو مدمن سيارات ان عنده فلوس صرفه عليهن وان عنده وقت غسلهن وزينهن وان كحت او طلعت صوت يطوف بها للمصلحين ومكيسها بطبقات من الأكياس وجزماتنا ونحن طالعين راجعين منها ينظفهن ومعه مناشف وملمعات لمسح بصمات الكتاكيت :13: ولو بيده كيسنا نحن كمان قبل نطلعها بس جد جانبه مؤتمن :2: شكلي خرجت عن الموضوع لكنه من الي احبهن وابحر فيهن يعطيك العافية ^^ |
الموضوع هذا بالذات حساس جدا وكان سبب في المشاكل بين الزوجين واحيانا الانفصال لأن كل واحد منهم يعتبر هذي حرية شخصية ولايحق للآخر انك تفتش جواله وعلى حسب نوع السبب من هذا ليس شرط ان الرجل ما يرغب زوجته تفتش جواله والعكس لسبب معين لأنه أحيانا يكون أحد الزوجين صندوق مغلق أساساً فيثير الشكوك حوله الصراحة من البداية تلغي كل شي ولا تخلي الزوج أو الزوجة يشغله باله بالتفتيش الصراحة والحب والاحترام هي الأساس لأن الدافع أحيانا يكون أمور مرتبطة بالعائلة وأهله وأهلها ليس شرط إنه بعلاقة ولكن لاننسى أن البشر أطباع البعض منهم يحب الغموض والبعض صريح وهذا هو الأفضل دائما |
أصلًا، التفتيش أو خلّينا نستخدم مصطلح مؤدب :17: ، وتقول البحث في هاتف الغير = أمر خطأ تمامًا. والفكرة ليست في العثور على ما شيء لكن انت تعديت على خصوصيّة الغير مهما كانت الأسباب أو الدوافع ومش ليك أي حق تعمل كدا إلا مع أولادك، وفي حدود ضيقة جدا جدا جدا، يعني مش عمال على بطال / لنفترض مثلا: محادثة بين الزوجة وصديقة، والصديقة أرسلت شيء خاص بيها، لبيس أو صورة ليها أو أي حاجة دا شيء خاص ومساحة خاصة جدا/ ازاي تدخل وتشوف حتى لو بدافع الفضول وليس التجسس والزوجة نفس الشيء كل ما ينطبق عليه إنه شيء خاص يحرم على أحد الاطلاع عليه لأي سبب كان حتى في المنتديات الرسايل الخاصة أو التقييمات أو كدا يحرم على الغير الاطلاع عليها حتى على فرض إن الأشياء دي عادية أما لو مكنتش كدا، فخلاص فتحت باب من الشك لن يغلق إلى قيام الساعة:MonTaseR_70: وهتفضلي في دوامة والشك ياكل قلبك ومش هترتاح غير بهدم البيت أو هدم الثقة بينك وبين غيرك والكلام بصفة عامة ينطبق على الزوج أو الزوجة أو غيرهم |
مستحيل أسمح لأي أحد انه يفتش جوالي لا زوجة ولا جن ولا عفاريت .... طبعًا ماراح أقول لأن هذا من خصوصياتي الخاصة ومدري ايش .... كل مافي الامر انه لابد تجيني في رسايل الواتس صور أو كلام غير مناسب للحريم ....وماراح أبري نفسي وأقول ماتجيني أشياء مش ولا بد ... وعلى فكرة انا جوالي فقط استخدمه للواتس وللإتصال ...وغير كذا ما فيه أي شي لا مواقع ولا غيرها ...لأن الأشياء الثانية ماتستهويني ماني من أهلها ... خلاصة كلامي : أقوم الدنيا وأقعدها لو أعرف ان فيه واحد جالس يفتش جوالي ...لأنه أكيد لابد في جوال رسايل مش ولابد ...وغير مناسبة للحريم ... لأن بيننا حنا الرجال عادي ..ولكن عند الحريم كارثة ومصيبة .....طبعًا ما أحلل هذي الرسايل...يعني ما أقول أنها حلال .. ولكن ايش أسوي انا مش متحكم برسايل الآخرين...فقط إذا شفتها في جوالي أمسحها..من باب الإحتياط ..لأن ممكن يجي واحد ملقوف من الشباب اللي أجلس معهم ثم يروح يقلب في جوالي يوم أكون تاركه على الأرض وأنا رايح أغسل في المغسلة ولا أتوضأ ولا طالع أشوف حاجة معينة .....فـ أمسح الرسايل اللي مش ولا بد عشان ماتطيح في يد واحد ملقوف بدون قصد ...... قالوا إيش قالوا لازم يكون فيه ثقة عندك في نفسك انك ماشي كويس ...!!!.... ياعم لا نضحك على أنفسنا ...الرجال في الجوال لهم عالمهم اللي مايناسب الحريم ...والحريم في الجوال لهم عالمهم اللي مايناسب الرجال ....فلا تخلطون رمضان مع شعبان ... وبيني وبينكم لو بنفتش جوالات بعض راح تنهدم صور آخذينها عن بعضنا ...... فالأفضل التجاهل وترك حركات تفتيش جوالات الغير .......طالما تعاملنا مع بعض محترم وطيب ... .... |
اقتباس:
|
انا معكم هو غلط بس يحصل وربي مو معنى كذا ان مابيه ثقة بس فضول الزوجة ومااتوقع اي زوجة يرن جوال زوجها وماتطالع للرقم والا تصمت لجل تعرف من يكلم؟؟؟ والله هالمواقف تحصل ٩٩ بالمية |
النقاش مستمر ياحلوووين |
اقتباس:
بمناسبة كلامك هذا ....أقول ان المسالة كلها غلط في غلط ...وأوضح الشي هذا بمثال : يعني مثلًا لو رجل جلس يفتش جوال حرمته ولقاها تتكلم مع وحدة أو مع صاحباتها عن تكبير المؤخرات ومدري إيش .... طبعًا الأمر مافيه شي مخل بالآداب طالما هو بين الحريم .....ولكن أكيد راح تقلب الدنيا فوق تحت لو عرفت ان جوزها جلس يقرأ الكلام اللي بينهن عن تكبير المؤخرات ...لأنه بالنسبة لها عيب وقلة أدب انه جالس يقرأ كلام فلانة صاحبتها وفلانة جارتها ..عن تكبير المؤخرات ...طبعًا ماراح تفوت الشي هذا عليه ... خلاصة كلامي : فيه أشياء غير لائقة ومناسبة للطرف الآخر انه يشوفها بحكم انه مش إمرأة أو انه غير مناسب لها لأنها مش رجل ... ............... |
.. يسعد مسائك لحن وكل من مر هنا ضد ضد ضد التفتيش كل واحد رقيب نفسه مو اطفال عشان كل واحد يفتش ورا الثاني هو يمكن عنده بجواله اشياء تخصه ما ينفع تطلع عليها زوجته والزوجه نفس الشي عاد خصوصا احنا البنات مرات صديقاتنا وقريباتنا يرسلون لنا اشياء خاصه مثلا صورهم خصوصا في السناب عدم التفتيش فيه الحفاظ على خصوصية الغير كمان واظن يعتبر هالتصرف من التجسس وحلو الحياة يكون فيها ثقه من الطرفين واظن اصلا هالفعل عليه عقوبه الحين ذكرتيني بمقابلات الشارع يا لحن :) يعطيك العافيه .. |
يعطيك العافية ام الوليد لو اقلب سوال الى نحو معاكس ولماذا يخبئ الزوجة من زوجها شيئاً او الزوج يخبئ من زوجته ؟؟ هذه ليست من ضمن مسائل الخصوصية هناك اشياء لابد للطرف ان يطلع شريكه او شريكته عليها وهذا من باب الحياة المشتركة فيما بينهما … مثلاً ما هو الشيء الذي يخبئه الزوج عن زوجته ؟؟؟ معناه انها لاتحبها 100% او بالعكس ماهي الاشياء التي ممكن ان تخبئها الزوجة عن زوجها ؟؟؟ هنا مكمن الخلل الذي ان طلع سوف يحدث شرخاً كبيراً في جدار الواصل بينهما.. اذا صارت الامور الى ان يتطلع كل واحد على ما خبئه الطرف الاخر فهذا دليل على الخيانة شغالة بينهما |
وأصلًا الحرمة خبلة وهبلة لو تتكلم بكلام يخص الحريم عن طريق الكتابة في الجوال .....لأنها إيش اللي يضمن لها ان الحريم اللي جالسة تكلمهن مايخلون رجالهم مايطالعوا في جوالتهن ....وممكن هن من النوعية اللي مسويات فيها ثقة وانهن مايخبوا على أزواجهن شي ... لأن فيه حريم وجيههن مافيها حياء ....عادي عندها جوزها يقرأ الكلام اللي بينها وبين صاحباتها وقريباتها ... من المفروض الوحدة تحاسب على كلامها إذا كانت تتواصل معهن عند طريقة الكتابة ... ماذبحنا إلا الثقة ومدري إيش .. ....... |
اقتباس:
اخ كاروخ هو زواج وليس مركز شرطة او صك عبودية يعني مثلا وغالبا زوجي لا يعرف اسماء صديقاتي او ما نتناقشه بالجمعات او بمشاكلي مع اهلي انا ابضا لا شأن لي بمعاملته مع اهله لا اسأل عن لماذا يذهب مع فلان او يصاحب فلان الأ اذا وصل الضرر لي بالنهاية هي روحين التقت مساراتها بالحياة بينها مودة و رحمة لا تؤذيها ولا يؤذيك له السمع والطاعة ولي الإحترام والحياة الكريمة لكن في النهاية لكلا منا حياته المنفصلة عن الآخر من اهل مختلفين وهوايات مختلفة مبادئ مختلفة تربيات مختلفة عمر وممكن نحن من اجيال مختلفة العلاقة معقدة جدا برغم بساطتها لانها اكثر علاقة مستهلكة للتطنيش والتغاضي والتغابي حتى تفهم شريكك صح وتوجدوا بينكم ارض مشتركة تتلاقى فيها صفاتكم المشتركة والمتشابهة الصراحة الزائدة ضررها أكبر من نفعها في اي علاقة كانت |
الذين يشاهدون محتوى الموضوع الآن : 20 ( الأعضاء 5 والزوار 15) نجمة, لحن حالم, الخواف, ساري الليل, وليد المطرفي يخواني ي تعلقوا ي تمشوا من يومتين اكتب وانا اشوفكم كالأشباح هنا ليلا نهارا وقفتوا قلبي رعب :13: |
اقتباس:
عالعموم شكرا على هذا الطرح الراقي :خجول: |
اقتباس:
ههه بالعكس الواحد بكيفه يعلق مايعلق خليهم هم أحرار ... المهم على طاري دخول المواضيع بدون تعليق.. أو يتابع بدون مايكون له اسم : فأنا عن نفسي كثيرة المواضيع اللي أدخلها وما أشارك فيها ولا حرف .....لأن الواحد أحيانًا ماله نفس يشارك في كل موضوع ......فقط أجلس أدخل عشان أشوف الردود ... .. وأحيانًا أسجل خروج ( يعني احذف اسمي ) ...ثم أجلس أدخل أقرأ المشاركات .....والسبب ممممم كذا أحيانًا تركب في راسي اني أدخل المواضيع بدون اسم .... لكن عمومًا أحيانًا الواحد ياخذ فترة طويلة ماله نفس يكتب في المنتدى لأسباب كثيرة مختلفة ...فقط يتابع باسمه وأحيانًا بدون اسم ....وأنا منهم ... ..... |
لن أتأخر طويلا في الرد |
اقتباس:
والله ياختي مش مجربة شعور انه احد يفتش جوالي او انا افتش جوال احد :icon10: بس حكاية انه رجل يفتش جوال امرأة مصيبة كان زوج أب أخ لأنه الأكيد في صور بنات العائلة والصديقات و و عندها :icon10: لو صادفت انه احد بيفتش جوالي واصلا ما احد يقدر يفتش:icon10: أكيد بأشرشحه وأقوم القيامة على راسه :MonTaseR_140: بالنسبة للزوجات وبالذات هالزمن الأفضل تكبر راسها وماتدخل حالها بالمعمعة والمصايب :MonTaseR_140: في ادلة تثبت ادانة الشخص غير جواله :iqf03163: |
ااعتقد ان تفتيش جواال ااحدهماا تصررف خااطي داام االثقه موجوده فما ينفع االعبث بالمشااعر والاحاسيس واالشك االاطفاال ماايسمحوون ااحد ياخذ جواالاتهم كتصرف طفولي فكيف بالمتزووجين الا ااذا راى ااحدهم شيئا ما مرريب عندها يكوون التثبت |
اهلا وسهلا بك واشكرك على اتاحة الفرصة في طرح هذه الفكرة انا استغرب حقيقي للي يصير وصارة معاي لفترة من الوقت ولاكن الان اختلف الوضع بعد استخدام عدة اساليب .. اجابة لاسئلتك اقتباس:
كل الشكر لشخصك واعتذر عن الاطالة |
تفتيش .. مباحث مو ازواج :icon10: دام الثقه موجوده ولا يوجد هناك مايستدعي الشك لا اعتقد ان احدا منهما سيفتش او حتى يلقي نظرا لجوال الآخر .. واللي بتكون مرتاحه اللي زوجها اساسا ماله بالتقنية جوال نوكيا ابو كشاف وبس ولكن توكلنا والتحصين جعل الناس تتجه لتقنيه الحديثه ليس حبا بل من اجل توكلنا .. ماذا يوجد في جوال المرأة مطاعم. بقالة وربما مدارس صديقاتها قريباتها زميلاتها ان كانت موظفة .. وغالبا بيكون فيه صور وسنابات وحش بفلانه وعلانه :icon10: الزبدة كلن يريح راسة وبلاش فضول وسوسه :MonTaseR_56: لانها تجيب مشاكل وجع راس له اول ماله تالي |
اقتباس:
مالم يوجد اي توضيح وبالصريح ما بفهم اكيد ولو شرحتها لاستفدت واستفاد القارئ ايضا ع كلا العفو ^^ |
اقتباس:
البعض لا يتجرأ ع المشاركة وانا كنت واحدة منهم ربما بسبب المشاركات الطويلة والمليئة بالمصطلحات الصعبة وبعض الفلسفة الغير مفهومة فكنت لما اشوف تعليقاتي وللان اشوفها هبلا وما تكون منمقة بالشكل المطلوب كما تفعل اغلب الأقلام لكن هل بالضرورة يكون كلامهم او رأيهم هو الأصح وانا لا ؟ اكيد لا لكلا منا خبرته العالية والمتدنية واحسن وسيلة للتجرأ ع المشاركة هو التشجيع من خلال المزح او دفعهم عنوة :MonTaseR_80: وكذا يعني |
. ما اسمح لها تفتش جوالي ولا انا افتش جوالها كل واحد منا عنده خصوصيه بجواله ولا نرضى لأي احد يشوفها انا عندي قروب لأهلي ويصير عندنا مشاكل عائليه نتناقش فيها طبيعي مابي زوجتي تعرف عنها .. وهي كذالك عندها قروب عائلي وماتبيني اعرف عنها شي .. وبسسس :) |
اقتباس:
أهااااه ....قلتي حاجة ماكنت أعرفها .....لأن ماجاء على بالي ان فيه ناس ماتتجرأ على المشاركات للأسباب اللي ذكرتيها ... ... |
لا اعلم ولكن لماذا مفهوم الثقة محصور فيما لا نريد تبيانه وليس في ما نقدر علي اظهاره دون تخوف من اختراق خصوصيات اطراف غير معنية كأصدقاء الزوجة مثلا او محادثات الزوج مع اصدقاءه وغيرها ,, العلاقة اذا كانت قائمة علي الثقة في هذا الزمان فالأولي ان يثق الرجل او المرآة سيان ان كلا منهم قادر علي ان يتفهم حدوده دون تلجيم كلا منهما الآخر بقواعد قد يتم خرقها مستقبلا في تلك المنحدرات التي قد تمر بها اي علاقة .. انا مثلا مع فكرة ان يتشارك الطرفان العلم بكلمات سر الحسابات الشخصية لمواقع التواصل او الهاتف نفسه .. مجرد العلم اساسا يمنع الشك في العلاقة ويمنع حتي كلا منهم من فكرة التعدي علي خصوصية الآخر او التفتيش كما عنوان الطرح هنا.. |
ممم قد يظن البعض انه خيانة ع طول خاصة مع الحفاظ ع سرية رمز الهاتف وكذا طيب اغلب العلاقات الزوجية بمجتمعاتنا يتزوجوا تقليدي فيحب كل شريك ابقاء هواياته سرا وممكن يلقى تحطيم من الطرف الآخر او الضغط لمنعه كمثل الالعاب او مشاهدة الانمي او المشاركة بالمنتديات ومواقع التواصل او أي هواية من هوايات هذا الزمن وبعض الشريكات غثيثات بصراحة المرأة اذا ما سوت من الحبة قبة ما يرتاح قلبها وياما وقفت عليهن وع قصصهن وكثير كثير لذلك افضل طريقة لتجنب حلبة المصارعة بين الزوجين وبكثير احيان بهرب الزوج وتخبئة كل ما يخصه عنها وأولهم هاتفه كاتبة الموضوع ردودي انتي مسامحة بعدم الرد عنهم :ياعبيط: عجبني الموضوع لذلك عشعشت فيه |
ردي كان بفكرة ان الوقاية خير من العلاج .. في حالة العلاقات السوية ... بمعني انك تستطيع ان تفرض اسلوب حياة يريحك ان اردت ... و دون الدخول في معاناة لا طائل من ورائها سوي الشكوك اما لو الناس معقدة بقا ولا عاوزة ضرب النار فكل واحد ونصيبه هنعمل ايه يعني وخاصة ان التكنولوجيا عامة دخيلة علينا اخر 50 سنة ومافيش حد عنده الاجابة الشافية لكل شئ .. ومافيش مغسل و ضامن جنة الغثاثة في الكثير من الحالات ضريبة الاختيار وليس بما لا نملك خيار فيما نحبه ونستهويه .. انا احب مشاهدة الانمي الصراحة والمنتديات اشارك فيها والالعاب.. الفيفا حلوة الصراحة ههه.. ولي الكثير من الخيارات المخفية قد لا تعجب الكثير وليس الشريك فقط ... العقل يميز ما يريحه وايضا يستطيع ان يحتفظ لنفسه بأكثر من طريقة بما يحبه اذا كان سيجلب له الغثاثة .. او قلة الراحة ... الامر ليس بهذا التعقيد |
تفتيس الجوال يعتبر تجسس.. والتجسس فعل مشين ومذموم وتجاوز للحدود و يدل علي من يمارسه انسان فاقد الثقه في نفسه ومن حوله... اعتقد اكثر انه حقاره ومن يمارسه حقير .. |
لا ثقتي بنفسي ولا مبدأي ولا أخلاقي تخليني أفتش جوال زوجي أو غيره واذا وصلنا لهذي المرحلة أفضل الطلاق لكن ما يمنع الأرقام السرية تكون معروفة للضرورة .. فقط الأطفال يحتاجوا مراقبة نظراً للأوضاع الراهنة في المواقع والفيديوهات يحتاجوا ولانهم غير مدركين لأي خطر مع اعطاءهم مساحة ثقة يعطيك العافية لحن على موضوعك :رحيق: |
قلت بأنني سأعود وتأخرت قليلا مع اني أفتقد أخ لي بالنقاش |
اقتباس:
هههههه حيا الله النجمه اقلك من جد والله حالة نادره إن يفتح جواله ببصمتك وجوالك ببصمته الله يديم المحبة شكل بيه قصة قيس وليلى احم احم الله يسعدك حبيبتي باقة الأوركيد لهذا الحضور |
اقتباس:
ردك يدل على عقلية متزنة تزن الأمور بمقياسها الصحيح ولا ازيد عليك لكن الفضول أحيانا وغالبية مايحصل هالأمر مع الرجل الا يكثر من السفر او المعدد صراحه او الا يقضي غالبية وقته خارج البيت طبيعة المرأة توصلها للشك باقة الأوركيد لهذا الحضور الرائع |
اقتباس:
لكن ترى تفتيش جوال الزوج يمكن او بمعنى اصح فتح جوال الزوج والبحث فيه يمكن يكون أمر متقبل لأن المرأة تغلب عليها الغيرة.. لكن الزوج لو بحث في جوال زوجته لا مايصلح لن هذا يدخل بيه شك وممكن تنهار العلاقة الزوجية لجل كذا ركزت على جوال الزوج فقط باقة الأوركيد لهذا الحضور |
اقتباس:
طبعا ما أحد يرضى وترى الزوجة تفتح من ورا زوجها يعني ممكن تخليه ينام مثلا أو يروح للصلاة وتبدا في البحث وعلى فكرة هي ماتشوف رسايل الرجاجيل عادة تدور ورا الأرقام الغريبة باقة الأوركيد لهذا الحضور |
اقتباس:
مو عشان الخصوصيات لا بس شك الرجل هذا مصيبة في المرأة لن يسبب خلل بالعلاقة الزوجية لكن الأنثى طبيعتها الغيرة الشك حتى عائشة زوجة الرسول صلى الله عليه وسلم طلعت وراها وهو رايح البقيع تبي تعرف هو رايح لأي مكان ظنا منها أنه رايح لاحدى زوجاته |
اقتباس:
حياك الله غاليتي ترى أنا سألت عن تفتيش جوال الزوج فقط لن فتح جوال الزوجه هذا أمر آخر كما اسلفت تدخله الشكووك لكن غيرة المرأة خاص لو كثر غياب الزوج وسفره وكذا ممكن تدفعها لها التصرفات مع انه غلط باقة الأوركيد لسموك |
اقتباس:
ممكن وممكن عدة أشياء وحده فتحت جوال زوجها أكتشفت إنه واخذ قرض ١٦٠ الف من البنك وماعلمهم نهائي بدا الشك ياكل قلبها وحده متزوجه تفتح جوال زوجها لنه مايعدل وصارت تحرق نفسها وهي تشوف رسايل الغزل والهدايا ووحده زوجها دوم مسافر او سهر صارت تدور وش الا غيره بيه أسباب كثيرة لما طرحنا هالموضوع سابقا كانت الاجابات كثيرة من النساء باقة الأوركيد لهذا التواجد |
بالنسبة لي الموضوع غريب صراحة لاني تربيت في بيت لا وجود فيه لكلمة السر ولا للخصوصية ولا تلمس اغراضي ولا تستعمل تلفوني فكل ما هو في البيت هو للجميع حتى الملابس لو كانت مقاس مناسب بعد زواجي نفس الموضوع تلفوني وتلفون زوجي مفتوحين والكمبيوتر والايميلات حتى اني لما اكون في الشغل ومنتظرة مكالمة مهمة اترك له التلفون حتى يرد عليها ومرة تلفونه تعطل وكانت عطلة نهاية اسبوع فتركت له نلفوني يستعمله لاني كان عندي مناوبة باختصار انسان تمنجه حياتك وتنكشف امامه بكل تفاصيلك تخفي عنه تلفون؟؟؟؟؟؟؟؟؟؟ هدا الكلام للرجل والمرأة على حد سواء حفصة |
| الساعة الآن 10:59 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا