الموضوع لا يتحمل مع او ضد
هو نصيب ورزق ونية ببساطة ..

قد تتزوج اجنبية وتصبح اسعد الناس
وقد يحدث العكس ...

فيه البعض بيتباهي انه قدر يتزوج مرأة مثلا اجنبيه جميلة وشقرا
بس ده انسان سطحي واهبل شوية ...سيبك منه .. عنده عقد نقص
التجارب الناجحة غالبا اصحابها بيكلموا عنها بعد عمر طويل ..
او لما يتسلط عليها الضوء بالصدفة ..

ولكن الزواج بأجنبية ليس بتلك البساطة هو تحدي الصراحة
له مخاطر وله ايجابيات ... الايجابيات من رأيي انك لو داخل علي مصلحة
يعني عاوز جنسية وملوخية والحاجات دي
وكدا اقدر ابشرك بمستقبل زي وشك ..
لأن دول اغلب النماذج الظاهرة في المجتمع صراحة .

بس اولا واخيرا المخاطر اكبر لو هتنظر للموضوع بشكل صحيح
الأمر يتعلق في البداية بالدين ..
يجب ان تتزوج من تختار ان تكون علي دينك باقتناع ..
والا لن يجوز استمرارية الزواج علي ما اعتقد ..

ثانيا

وهو عامة المغترب في اوروبا او امريكا معرض ليها بشكل اكبر
وهي الناحية العقائدية والهوية الاسلامية للأولاد
والتربية والاحتكاك وما شابه .. حتي لا اطيل

وفهمك لعقلية المرآة الاجنبية مش بالسهولة فيما كان
محتاج منك تعقل كبير .. بحيث تكون قادر علي اخذ قرار الزواج بحكمة ..
لأن انك تتعرف علي شخص وتاخد قرار الزواج حاجة
وانك هتعيش معاه بفكره وعقله اللي اتربي عليه واتبنت اساساته عليه
في مجتمع غير مجتمعك
فترة طويلة .. فده حاجة تانية خالص

ولكن لو كان حظك حلو وربنا رزقك بشخصية متفهمة كل ما سبق
فعليا الموضوع هيكون ابسط كتير من الزواج في وطننا العربي لأن المرأة الاجنبية غير متطلبة الي حد ما بسبب نمط الحياة في الغرب ...
وده لا يقلل من المرآة العربية في شئ ..

وهو رزق .. انت ونيتك بقا
وعلي نياتكم ترزقون يا عم

شكرا للطرح الطيب شاروخ