زمان في المنتديات كنت بلطجي
اللي بس يحك مناخيري كانت امه داعيه عليه
و كنت افزع للصاحب و الزميل و القريب
ب اسلوب ف منتهى ( القذاره ) اه و الله كنت سافل جدا و كلمه سافل دي شويه كنت ( مسجل خطر ) منتديات
مع اي اختلاف ولا خلاف يظهر وجهي ( القبيح )

لحد ما جلست مع نفسي ف يوم و قلت و انا عليا من ده ب ايه
نرفزه
عصبيه
فوران دم
غير الذنوب

و كل ده بسبب ايه !؟ تعصب ل رأي ولا زميل ولا ل فكره !،
لقيت اني مدي المواضيع اكبر من حجمها اوي
و اني لازم اكون اهدى من كده كتير
بقيت اكتر وعي و اكتر نضج و تلافيت الصدامات
ب تكبير الدماغ لان في الاخر محدش طالع من هنا ب حاجه !؟ الا ان الناس تفتكرك بشكل طيب و بس

اختلفوا ب حدود
اتناقشوا ب أدب
تحاوروا ب نضج و وعي
اعرضوا افكاركم و وجهات نظركم بشكل خالي من التحدي و العنجهيه

صدقوني الامر ( لا يستحق ) ..

تحياتي للجميع

البقاء لله عظم الله اجركم واحسن الله عزاكم ربنا يرحمها ويغفر لها ويسكنها فسيح جناته ..


بالزبط كده يا همس
الإنسان مننا أنفاس داخله و انفاس خارجه
ممكن النفس يدخل ما يخرجش ف لحظه !!

احنا هنا عشان نتونس نقضي وقت كويس مع بعض
نضيع وقت
مش علشان نقف ل بعض ع الواحده ( من ورا شاشه )
ف الاخر و الله الموضوع مش مستاهل كل ده
لو الواحد فينا سكت و فكر لمده دقيقه بس
رد فعله هيتغير تماما

مساءك فل همس

و اياكم يا رب ان شاء الله

نسأل الله الهدايه .. لنا و لهم