وصفات جميع انواع الكريمة السلام عليكم ورحمة الله وبركاته https://www.arabsharing.com/do.php?img=298181 كريمة الشوكولاتة المكونات: - كوب حليب - ثلت كوب كاكاو - نصف كوب سكر - معلقتين كبار دقيق - صفار بيضتين - معلقة كبيرة زبدة - معلقة كبيرة ڤانيليا الخطوات : - ننخل الدقيق كويس ويضاف اليه الكاكاو والسكر والڤانيليا. - نحط الحليب فى طبق على النار ويضاف اليه خليط الدقيق والسكر ويقلب لمدة 5 دقايق. - يخفق صفار البيض ويضاف الى خليط الحليب ونقلبه لمدة 5 دقايق وبعدين نضيف الزبدة ونقلب بمضرب يدوي لحد ما نحصل على كريمة تقيلة ⁃ نرفع الكريمة من على النار ونسيبها تبرد وبعدين نستخدمها فى حشو الجاتوه والتورتة. https://www.arabsharing.com/do.php?img=298190 https://www.arabsharing.com/do.php?img=298182 كريمة الليمون فيه طريقتين لعمل كريمة الليمون أولاً الطريقه الدسمة : - كوب زبدة حلويات شورتينج - نصف كيلو سكر بودرة - بشر 4 ليمونات وعصيرهم طريقة التحضير: - نضرب الزبدة مع السكر لحد لما القوام يبقى تقيل وبعدين نضيف بشر الليمون وعصير الليمون ونكمل ضرب لحد ما نحصل على كريمة تقيلة متماسكة ثانياً الطريقة الخفيفة: - كوب مياة - نصف كوب عصير ليمون - معلقتين نشا - بشر 4 ليمونات - نصف كوب سكر - باكو چيلى لونه اخضر طريقة التحضير : - نحضر نصف كوب مياة وندوب فيه معلقتين النشا والسكر ونحطهم على النار لحد ما يبدأ يغلي نضيف عصير الليمون وبشر الليمون ونصف كوب المياة اللي باقي ندوب فيه كيس الچيلى الاخضر ونقلب كويس لحد ما نحصل على معجون متماسك ونسيبه يبرد ونحطه فى الثلاجة لحد ما نستخدمه فى حشو الكيك. https://www.arabsharing.com/do.php?img=298190 https://www.arabsharing.com/do.php?img=298187 مقادير الكريمة لكل اللى بيشتغلوا كريمه دي أفضل طريقة ٢٥٠ جرام كريم شانتى خام 100 جرام سكر عادى 350 جرام مياه بتلج مجروش لغايه ٤٠٠ جرام مش اكتر والتركه بقه ٥٠ جرام باسترى كريم وده لثبات القوام https://www.arabsharing.com/do.php?img=298190 https://www.arabsharing.com/do.php?img=298188 كريمة الكراميل طريقة التحضير : - كوب سكر معاه 4 معالق مياه نحطهم على النار بدون تقليب لحد ما السكر يتكرمل ويبقى لونه ذهبي وبعدين نحط عليه 50 جرام زبده وربع لتر كريمة لباني ونسيبهم دقيقة على النار وبعدين نسيبهم يبردوا خالص - نحضر 4 كوب كريم شانتيه مخفوق ونضرب معاهم كيس كريم كراميل ونقلب عليهم صوص الكراميل ونقلب بالمعلقة براحه خالص عشان الكريمه ماتهبطش وبعدين نستخدمها فى حشو التورتة. https://www.arabsharing.com/do.php?img=298190 https://www.arabsharing.com/do.php?img=298186 الكريم تشيز المكونات : نصف لتر كريمة لباني (كريمة خفق) نصف كوب سكر بودرة نصف كوب حليب مثلج 12 مربع جبنة كيري 4 كيس كريم شانتية بودرة كيس چيلى بالنكهه اللي تحبوها طريقة التحضير : نضرب الكريمة مع السكر ونسيبهم على جنب ونضرب الجبنه ونضيف نصف كوب حليب مثلج وكيسين الكريم شانتية وندوب الچيلي في ربع كوب ماء دافي ونسيبه يبرد وبعدين نحطه على الخليط وبعدين نضربهم كويس لحد ما نحصل على كريمة هشة وبعدين نحط الكريمة اللي خفقناها مع السكر على الخليط ونقلب بمعلقة عشان ماتطلعش الهوا منها ونسيبها ترتاح في الثلاجة ساعة وبعدين نستخدمها فى عمل التشيز كيك أو في تزيين الكب كيك أو في حشو التورتة. https://www.arabsharing.com/do.php?img=298190 https://www.arabsharing.com/do.php?img=298184 كريمة الفراولة المقادير: - كوب فراولة طازجة مفرومة - معلقة كبيرة سكر - 8 معلقة كبيرة زبدة غير مملحة بدرجة حرارة الغرفة - 225 جرام جبنة كريمي في درجة حرارة الغرفة - معلقة صغيرة فانيليا - كوبين ونصف سكر بودرة طريقة التحضير : ⁃ امزجي الفراولة مع السكر مع القليل من الماء في حلة صغيرة على نار متوسطة لمنخفضة مع التقليب كل شوية لحد ما تقل حبات الفراولة لربع كوب، قلبي كويس جداً وهدي النار حسب الحاجة عشان ماتتحرقش منك. وممكن شوية مياة للمساعدة لو لزم الأمر. هتاخد معاكي حوالي 20 : 30 دقيقة ، وهتتحول معاكي لمربى كثيفة. ⁃ اكشطي خليط الفراولة من حلة وسيبيها تبرد في طبق منفصل. - في الوقت ده اخفقي في الخلاط الكهربائي على سرعة عالية الزبدة والجبنة لحد ما تبقى كريمية وبعدين ضيفي خليط الفراولة والفانيليا واخفقي كويس لحد ما تمتزج. واخر حاجه هتضيفي السكر البودرة مع الخفق لحد ما تحصلي على كريمة ناعمة. تقدري تستخدميها على الكب كيك ، أو بين طبقات الكيك. ملحوظة: يمكن إضافة نقطتين من ألوان الطعام الحمراء لو اللون مكنش وردي كفاية. https://www.arabsharing.com/do.php?img=298190 https://www.arabsharing.com/do.php?img=298183 حشوة النوتيلا وزبدة الفول السوداني طريقة التحضير : - نصف لتر كريمة خفق مع كوب سكر بودرة ناعم ونضرب كويس لحد ما نحصل على كريمة تقيلة وبعدين نضيف الطعم اللي نفضله سواء النوتيلا او زبدة الفول السوداني وبعدين نستخدمها في حشو الكيك او تزيين الكب كيك.. https://www.arabsharing.com/do.php?img=298190 https://www.arabsharing.com/do.php?img=298185 الباستري كريم المكونات : - 4 صفار بيض - نصف كوب سكر - ثلث كوب نشا - 2 كوب حليب ساخن - معلقة كبيرة زبدة - معلقة كبيرة ڤانيليا طريقة التحضير : - اول حاجة هنسخن الحليب كويس في حلة على النار. - بإستخدام المضرب اليدوي أو الكهربائي نخفق الصفار مع السكر والڤانيليا لحد ما اللون يبقى فاتح شوية وبعدين نضيف النشا ونقلب كويس وبعدين نصب الحليب الساخن بالراحة وبالتدريج على خليط الصفار مع التقليب المستمر عشان ميعملش أي تكتلات معانا. - نصب الخليط في حلة ونسخنه على نار ونقلب باستمرار لحد ما نحصل قوام تقيل وبعدين نضيف عليه الزبدة ونقلب كويس وممكن نضيف ڤانيليا زيادة أو نصف معلقة عصير ليمون أو بشر ليمون حسب الرغبة. - نصب الخليط في بولة ونغطيها بكيس بلاستيك لمنع تكوين طبقة ونسيبه لحد ما يبرد. - يستخدم الباستري كريم لحشو الاكلير و البروفيترول والتارت الحلو ... https://www.arabsharing.com/do.php?img=298190 https://www.arabsharing.com/do.php?img=298191 جناش لبن 25 جرام زبده 50 جرام كريم شانتى معلقه كاكاو صغيره 750 جرام شكولاته خام ننزل على اللبن بالكريم شانتى ومعلقه الكاكاو يغلى هوب نحط الشكولاته المبشوره وبعد كده نضيف الزبده ويعد كده نصفى والف هنا.... نستخدمه فى ايه بقه على تورته ماشى على موس ماشى على سويسرول ماشى هو ماشى معنا فى اى حاجه بعون الله... https://www.arabsharing.com/do.php?img=298190 |
يعطيك عافيه |
اقتباس:
شكرا لك على كرم المرور ربي يحفظك |
انتقاء جميل وجاري التجربه بنوع كريمة الكراميل بطريقه جديده تختلف عن طريقتي يعطيك العافيه |
يعطيك العافية يا الغلاا عـ الوصفات الطيبة لأنواع الكريمات بــُوركت جهودك .. ~ :81: |
الساعة الآن 05:13 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا