وصفات جميع انواع الكريمة - منتديات مسك الغلا

**عطاء دائم** · 08-25-22, 08:31 AM

السلام عليكم ورحمة الله وبركاته

كريمة الشوكولاتة

المكونات:

- كوب حليب
- ثلت كوب كاكاو
- نصف كوب سكر
- معلقتين كبار دقيق
- صفار بيضتين
- معلقة كبيرة زبدة
- معلقة كبيرة ڤانيليا

الخطوات :

- ننخل الدقيق كويس ويضاف اليه الكاكاو والسكر والڤانيليا.
- نحط الحليب فى طبق على النار ويضاف اليه خليط الدقيق والسكر ويقلب لمدة 5 دقايق.
- يخفق صفار البيض ويضاف الى خليط الحليب ونقلبه لمدة 5 دقايق وبعدين نضيف الزبدة ونقلب بمضرب يدوي لحد ما نحصل على كريمة تقيلة
⁃ نرفع الكريمة من على النار ونسيبها تبرد وبعدين نستخدمها فى حشو الجاتوه والتورتة.

كريمة الليمون

فيه طريقتين لعمل كريمة الليمون

أولاً الطريقه الدسمة :

- كوب زبدة حلويات شورتينج
- نصف كيلو سكر بودرة
- بشر 4 ليمونات وعصيرهم

طريقة التحضير:

- نضرب الزبدة مع السكر لحد لما القوام يبقى تقيل وبعدين نضيف بشر الليمون وعصير الليمون ونكمل ضرب لحد ما نحصل على كريمة تقيلة متماسكة

ثانياً الطريقة الخفيفة:

- كوب مياة
- نصف كوب عصير ليمون
- معلقتين نشا
- بشر 4 ليمونات
- نصف كوب سكر
- باكو چيلى لونه اخضر

طريقة التحضير :

- نحضر نصف كوب مياة وندوب فيه معلقتين النشا والسكر ونحطهم على النار لحد ما يبدأ يغلي نضيف عصير الليمون وبشر الليمون ونصف كوب المياة اللي باقي ندوب فيه كيس الچيلى الاخضر ونقلب كويس لحد ما نحصل على معجون متماسك ونسيبه يبرد ونحطه فى الثلاجة لحد ما نستخدمه فى حشو الكيك.

مقادير الكريمة
لكل اللى بيشتغلوا كريمه دي أفضل طريقة
٢٥٠ جرام كريم شانتى خام
100 جرام سكر عادى
350 جرام مياه بتلج مجروش لغايه ٤٠٠ جرام مش اكتر
والتركه بقه ٥٠ جرام باسترى كريم وده لثبات القوام

كريمة الكراميل

طريقة التحضير :

- كوب سكر معاه 4 معالق مياه نحطهم على النار بدون تقليب لحد ما السكر يتكرمل ويبقى لونه ذهبي وبعدين نحط عليه 50 جرام زبده وربع لتر كريمة لباني ونسيبهم دقيقة على النار وبعدين نسيبهم يبردوا خالص
- نحضر 4 كوب كريم شانتيه مخفوق ونضرب معاهم كيس كريم كراميل ونقلب عليهم صوص الكراميل ونقلب بالمعلقة براحه خالص عشان الكريمه ماتهبطش وبعدين نستخدمها فى حشو التورتة.

الكريم تشيز
المكونات :
نصف لتر كريمة لباني (كريمة خفق)
نصف كوب سكر بودرة
نصف كوب حليب مثلج
12 مربع جبنة كيري
4 كيس كريم شانتية بودرة
كيس چيلى بالنكهه اللي تحبوها

طريقة التحضير :

نضرب الكريمة مع السكر ونسيبهم على جنب ونضرب الجبنه ونضيف نصف كوب حليب مثلج وكيسين الكريم شانتية وندوب الچيلي في ربع كوب ماء دافي ونسيبه يبرد وبعدين نحطه على الخليط وبعدين نضربهم كويس لحد ما نحصل على كريمة هشة وبعدين نحط الكريمة اللي خفقناها مع السكر على الخليط ونقلب بمعلقة عشان ماتطلعش الهوا منها ونسيبها ترتاح في الثلاجة ساعة وبعدين نستخدمها فى عمل التشيز كيك أو في تزيين الكب كيك أو في حشو التورتة.

كريمة الفراولة

المقادير:

- كوب فراولة طازجة مفرومة
- معلقة كبيرة سكر
- 8 معلقة كبيرة زبدة غير مملحة بدرجة حرارة الغرفة
- 225 جرام جبنة كريمي في درجة حرارة الغرفة
- معلقة صغيرة فانيليا
- كوبين ونصف سكر بودرة

طريقة التحضير :

⁃ امزجي الفراولة مع السكر مع القليل من الماء في حلة صغيرة على نار متوسطة لمنخفضة مع التقليب كل شوية لحد ما تقل حبات الفراولة لربع كوب، قلبي كويس جداً وهدي النار حسب الحاجة عشان ماتتحرقش منك. وممكن شوية مياة للمساعدة لو لزم الأمر. هتاخد معاكي حوالي 20 : 30 دقيقة ، وهتتحول معاكي لمربى كثيفة.
⁃ اكشطي خليط الفراولة من حلة وسيبيها تبرد في طبق منفصل.
- في الوقت ده اخفقي في الخلاط الكهربائي على سرعة عالية الزبدة والجبنة لحد ما تبقى كريمية وبعدين ضيفي خليط الفراولة والفانيليا واخفقي كويس لحد ما تمتزج.
واخر حاجه هتضيفي السكر البودرة مع الخفق لحد ما تحصلي على كريمة ناعمة.
تقدري تستخدميها على الكب كيك ، أو بين طبقات الكيك.
ملحوظة: يمكن إضافة نقطتين من ألوان الطعام الحمراء لو اللون مكنش وردي كفاية.

حشوة النوتيلا وزبدة الفول السوداني
طريقة التحضير :

- نصف لتر كريمة خفق مع كوب سكر بودرة ناعم ونضرب كويس لحد ما نحصل على كريمة تقيلة وبعدين نضيف الطعم اللي نفضله سواء النوتيلا او زبدة الفول السوداني وبعدين نستخدمها في حشو الكيك او تزيين الكب كيك..

الباستري كريم
المكونات :

- 4 صفار بيض
- نصف كوب سكر
- ثلث كوب نشا
- 2 كوب حليب ساخن
- معلقة كبيرة زبدة
- معلقة كبيرة ڤانيليا

طريقة التحضير :

- اول حاجة هنسخن الحليب كويس في حلة على النار.
- بإستخدام المضرب اليدوي أو الكهربائي نخفق الصفار مع السكر والڤانيليا لحد ما اللون يبقى فاتح شوية وبعدين نضيف النشا ونقلب كويس وبعدين نصب الحليب الساخن بالراحة وبالتدريج على خليط الصفار مع التقليب المستمر عشان ميعملش أي تكتلات معانا.
- نصب الخليط في حلة ونسخنه على نار ونقلب باستمرار لحد ما نحصل قوام تقيل وبعدين نضيف عليه الزبدة ونقلب كويس وممكن نضيف ڤانيليا زيادة أو نصف معلقة عصير ليمون أو بشر ليمون حسب الرغبة.
- نصب الخليط في بولة ونغطيها بكيس بلاستيك لمنع تكوين طبقة ونسيبه لحد ما يبرد.
- يستخدم الباستري كريم لحشو الاكلير و البروفيترول والتارت الحلو ...

جناش
لبن
25 جرام زبده
50 جرام كريم شانتى
معلقه كاكاو صغيره
750 جرام شكولاته خام
ننزل على اللبن بالكريم شانتى ومعلقه الكاكاو يغلى هوب نحط الشكولاته المبشوره وبعد كده نضيف الزبده ويعد كده نصفى والف هنا....
نستخدمه فى ايه بقه
على تورته ماشى على موس ماشى على سويسرول ماشى هو ماشى معنا فى اى حاجه بعون الله...

**غير مهتم** · 08-27-22, 01:02 PM

يعطيك عافيه

**عطاء دائم** · 08-28-22, 08:16 AM

المشاركة الأصلية كتبت بواسطة غير مههتم

يعطيك عافيه

الله يعافيك
شكرا لك على كرم المرور
ربي يحفظك

**تمرد ذكرى** · 09-08-22, 07:46 AM

انتقاء جميل
وجاري التجربه بنوع كريمة الكراميل بطريقه جديده تختلف عن طريقتي
يعطيك العافيه

**أوتار الأمل** · 10-23-23, 11:00 AM

يعطيك العافية يا الغلاا
عـ الوصفات الطيبة لأنواع الكريمات
بــُوركت جهودك ..
~

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج