طيب بما انك طرحتي موضوعك قدام كل الأعضاء والزوار ...فهل نقدر نسألك بعض الأسئلة :

1_ إيش السبب اللي يخليه يراقبك حسب اعتقادك ..؟...

2_ هل عمرك في الطعشات ..؟..

3_ هل أخوك قالك عن سبب مراقبته لك ..؟

4_ هل سبق انك دخلتي موقع وقالك لاتدخلينه..؟




.....

كنت أعتقد ان صاحب الموضوع في هذا القسم يقدر يرد على الأعضاء ...لكن اتضحلي انه مايقدر ...

ماكنت أعرف إلا بعد ما جاني خبر الآن بالشي هذا ...





المهم ياصاحبة الموضوع ممكن سبب مراقبته لك انه خايف عليك ....

ولكن من الأفضل تكون بينكم جلسة مصارحة بخصوص هذا الموضوع ...عشان هو يرتاح وانتي ترتاحين ....إلا إذا كانت جلسة المصارحة صعب في عائلتكم فهذا أمر آخر ...



لأن بعض العوائل صعب المصارحة بينهم ...يعني راح كل واحد يمسك في حلق الثاني ...





وبيني وبينك أنا أكلمك عن المصارحة وأنا بنفسي كثير من الأمور ما أقدر أصارح أحد فيها ولا غيري يقدر يصارحني.......فقط بس كل واحد ينظر للثاني بنظرات ريبة وشك وخبث ههه...زي نظرات البسوس قبل ماتدخل في مضاربه مع بعضها ....


.................

خلي يراقب ليش خايفه......من دافع الحب والخوف عليك يراقب فيك
وهذا شيء كويس

..







أنا شخصيا اشوف هذا تجسس مو مراقبه

لازم الناس تتعلم تزرع في بناتها واولادها مراقبة النفس

مو لازم احد يكون فوقهم او وراهم عشان ما يغلطون

لأن فيه الف طريقه تخليه يسوي اللي يبغاه بدون محد يعرف

مثل ما ذكر الأخ احمد المتصفح الخفي محد يقدر يعرف وش كنت تسوي

بمجرد ما تقفل الصفحه خلاص كل شي طار

او تقدر تمسح السجل وكأن شي لم يكن

وفيه فئه اللي يكون مقطع السمكه وذيلها بالمصري

يشك بأهل بيته وباللي حوله حتى لو كانو ماشيين مستقيم

عموما صاحبة الموضوع انتي أدرى بنفسك دام انك ما تسوين شي غلط

ماله حق يراقبك استخدمي المتصفح الخفي واهم شي تكون عندك رقابه ذاتيه






..

ياهمس نعم هو صحيح ان الواحد لازم يزرع في خواته أو بناته المراقبة الذاتية ...

لكن زي منتي عارفه بعض البنات تلقين عمرها صغير ومتهورة ..أو كبيرة وعقليتها لسا باقيلها ...وهذا الشي يلاحظه الأهل من خلال حياتها معاهم ....يعني يُلاحظ عليها الشي هذا من خلال تصرفاتها في حياتها العامة ..

فـ النوعية هذي من البنات صعب ان الواحد يتركها بدون مراقبة ...بمعنى آخر : الواحد مايجيله قلب يتركها في مواقع النت تسرح وتمرح بحجة زرع الثقة فيها أو بحجة انهم يزرعوا فيها تعلم مراقبة النفس ....



طبعًا أنا أتفق معك في كلامك ...ولكن كلامي عن نوعية معينة من البنات لابد من متابعتها من قِبل الأهل حتى لو بنتهم متضايقة من الشي هذا ....لأن ياما وياما بنات طاحوا على رووسهن بسبب ان الأهل تاركين لهن الحبل على الغارب رغم انهم شايفين تصرفات بناتهن غير متزنة ...يعني عندهن قابلية للإنحراف ..


فلا إفراط ولا تفريط .....فـ لازم الواحد يرخي الحبل حبة حبة بدون مايشده ...




......