جابو مداوي قال بكويه بالنار
قلت افعلو بي كل ماتشتهونه

رفع يدينه وحط في الضوء مسمار
قال امسكو رأسه وخشو عيونه

قلت امهلوني احكي كل ماصار
المرض في قلبي ولاتعرفونه

قال انت عاشق قلت عاشق ومحتار
واللي محيرني بكبدي طعونه

قال المداوي لـهلي طفو النار
هاتو حبيبه ان كان بتعالجونه

راقت ..

ما ورا طول السهر غير الحنين
ما قدرت أقول للي راح راح

يا عسى تسقين يا ذيك السنين
يوم أنام الليل وأقوم الصباح

،.

تمرّ اللّيالي بين يمكن ، لعلّ وليت
وانا ادري تبادلني الغلا واتمّناني

يا كم مرّة جيت اعترف لك لكن ازريت
ذبحني شعوري والحيا يربط لساني

بنيت بضميري لك مكانة وقدر وبيت
ولك الله ما فوقك بالغلا غير شيباني

أنا جيتك بقلبي وحيّاك كانك جيت
ولا عندي أغلى من شعوري ووجداني ..!