|
بعض الناس في حياتنا الحقيقية آخذ راحته في الكلام مع الناس سواء كان مزح أو جد ...بحجة انه مايهمه أحد أو مسوي فيها ان لسانه سليط ومحد يقدر يغلط عليه أو محد يغلبه في الكلام ..أو مسوي فيها مفوه أو قوي شخصية ..أو..أو..الخ ..!!!؟! ياحبيبي الناس عندها لسان مثل لسانك ...لكن الفرق انهم جالسين يوازنون حياتهم مع الناس اللي حواليهم .. بمعنى آخر : يحافظون على علاقاتهم مع الناس من أقارب وأصحاب ومعارف على حسب استطاعتهم طالما الوضع يسمح بذلك ....وممكن من باب التدين ساكتين ..طلبًا للأجر ... لكن اعلم وتأكد انك مكروه منهم وجالسين يسايرون وجودك بينهم فقط ...ومش محبة وحرص على تواجدك ... خلاصة كلامي : في حياتنا الحقيقية إذا كان عندك لسان مفتخر فيه ..!!....فـ الناس عندها لسانين ياخذونك طول وعرض ...لكن كل شخص وله أسبابه في السكوت عنك ... عمومًا لا تكون مثل ( بلاكي ) كان كثير سب وسخرية بـ دوق فليد ... حتى لما يتقابلوا ( عن بعد ) من خلال الشاشة ..!!...وفي النهاية أكلها على راسه .. https://www.babup.com/do.php?img=8636 لكن بعد موت بلاكي ...تم تعيين الوزير ( زوريل ) بدلًا عنه .....وكان مايسب ولا يستهزئ بـ دوق فليد ...كان يتعامل معه بكل عدوانية بدون مايدخل معه في سب واستهزاء زي ماكان يسوي بلاكي ..لأنه يَعي ويُقدر ويؤمن بوجود من هو بنفس قوته أو أقوى .... الوزير ( زوريل ) ..هو وزير العلوم في نجم فيقا ... https://e.top4top.io/p_2594oznln1.jpg أفضل شرير محترم ... ..ويجي بعده سلفر .... وبالمناسبة.. هذا ولد زوريل .. https://www.babup.com/do.php?img=8637 ( موت ابن زوريل ) ..يتبع .. |
دائما اجعل لنفسك طريق للعودة .... فـ لا تتكلم على خصمك خارج إطار الخصومة ..حتى لو انقطعت علاقتكم مع بعض ...لأنه قد يكون هناك خط للرجعة ولو بعد سنوات ... |
الشوارع زحمة بشكل لا يطاق ....وأنا من النوع اللي أكره الزحمة بقوة جدًا .... على فكرة من فضائل الصيف ان فيه أوقات معينة في النهار يقدر الواحد يقضي فيها مشاويره لأن الجو حاااااااار ... ولأن الناس تأجل مشاويرها إلى بعد المغرب ... وعلى طاري المشاوير......أمس رحت مشوار ..وأنا ماشي في الطريق ...شفت حرمة تمشي في مكان مخصص لرياضة المشي...يعني رصيف عريض جنب طريق السيارات ... المهم شفتها ماسكة حبل طويل وتسحبه ....لكن طلع في آخر الحبل مربوط كلب حجمه صغير جدًا وكثيف الشعر ..كأنه كرة صوف .....بس شكله مش راضي يساير خطواتها في المشي لأنها واقفة وتحاول فيه ... وعلى طاري الممشى....أحيانًا الواحد يحب يمشي في الممشى اللي مسويته البلدية ...لكن مشكلته مليان حريم ....وصعب ان الواحد يمشي من بين الحريم ...فأكنسل الشغلة كلها .. من المفروض الحريم يحطون لهم أرضية عليها سور ساتر ..وفي الداخل مضمار للمشي زي اللي في الملاعب ..وفي الوسط أكشاك لبيع الأشياء الخفيفة مثل الشاهي والقهوة والمويا والبسكوتات والفشافيش والشبسات وغيره ..مع وجود كراسي وطاولات .....يعني يصبح المكان للمشي والتسلية ... على الأقل الحوامل ياخذون راحتهن في المشي داخل الممشى المسور .... ..... |
اقتباس:
أحيانًا الشخص يحب يسمع آراء الآخرين مش عشان يأخذ برأيهم .... فقط هو يحب يسمع كلامهم من باب ( الأُنس ) بسماع آرائهم ...ومش عشان يأخذ برأيهم .. فيه ناس تفكيرهم وعقلياتهم كويسة وقرارتهم ممتازة ....لكن أحيانًا الواحد منهم يحب الاستشارة من باب الأُنس بسماع آراء الاخرين .....رغم انه هو مقرر ومنتهي من الموضوع اللي استشارهم فيه.... خلاصة كلامي : مش كل موضوع يطرح للاستشارة هو عشان يأخذ برأي الأعضاء ويعمل به ... فقط هو حاب يستأنس بكلامهم ....أو ربما انه حاب يسمع من يعزز ما اتخذه من قرار ....ويستبعد من اختلف معه .. ............................................... ............................................... على الماشي : أعتقد ان البعض يطرح مشكلته عشان يسمع رأي أعضاء معينين ..شايف انهم أصحاب فكر وعقلية تحسن اتخاذ القرارات الصائبة ...وطبعًا هذا من وجهة نظره اللي لاحظها عليهم من خلال مشاركاتهم ... بمعنى آخر : هدفه من طرح الموضوع هو مثلًا سماع رأي ( صلاح وشمس وقمر وبرق ورعد ) وأما بقية آراء الأعضاء لاتعنيه ولا يهتم بها.. لأنهم مش هم المستهدفين من طرح الاستشارة ..... وطبعًا هذا الأمر لا نعيبه ولا يقلل من شأن بقية الأعضاء .... لأن كل واحد منا وله وجهة نظره في فكر وعقلية الأعضاء داخل المنتدى ...وبناءً عليه هو يستبعد ويأخذ مايشاء من الآراء اللي يستأنس بسماعها ...بغض النظر عن العمل بها .. ..... |
من الأمور اللي استصعبتها وماقدرت أتعايش معها بأريحية : هو اني إذا رحت لمحل تجاري ...فجأة تجي بنت شغالة في نفس المحل عشان تشوف إيش أسئلتي حول البضاعة المعروضة....من مميزات ومواصفات وسعر وغيره .... طبعًا أنا مستصعب الوضع ...لأنها بنت وماراح آخذ راحتي معها في السؤال عن البضاعة ..فـ أتوتر وأتلخبط في الكلام ...ولكن أقولها إذا احتجت شي أقولكم .....وهذي كلمتي المعتادة اللي أقولها إذا كانت بنت اللي شغالة في المحل ... وبرضو لأن بصراحة الواحد أحيانًا يحس بشوية حزن وشفقه لما تشوف البنت جاي تجاهك عشان تشوف طلباتك واستفساراتك حول البضاعة المعروضة .......وشوف كم شخص غيرك عملت معهم نفس اللي سوته معك .. لكن بعض الناس بعد ما تجي عنده يسألها سؤال واحد حول البضاعة ... وبعد ماتجاوبه ..يجلس يلف في المحل وهي ماشية وراه عشان تشوف طلباته و استفساراته.....!!...وهو أصلًا ماعنده لا أسئلة ولا غيره ..واعتبرها قلة احساس بالاخرين لما تخليها تمشي وراك وانت ولا على بالك ..!!... طيب يابن الناس خليها تروح وقولها إذا احتجت شي أناديكم ......بدل ماتلفلف وراك ...!!....طيب على الأقل قدر وضعها كـ إمرأة لها وضعها الخاص .........والحاجة هي اللي جابتها ... خلاصة كلامي : أنا عن نفسي لما أشوفها جاية تجاهي أقولها : إذا احتجت شي أقولكم .....وطبعًا هذا لمصلحتي أولًا... عشان آخذ راحتي ومش عشانها ....لأني لما أكون داخل المحل ما أحب أحد يكون واقف عند راسي ... ........ |
1- نايدا ...... 2- ميناو ..... 3- روبينا .... كلهن كان دوق فليد بيتزوجهن ....لكن تم قتلهن بعد ما استغلوهم ( قوات فيقا المتحالفة ) كـ طُعم لـ دوق فليد ... ومن الملاحظ أن ( هيكارو بنت دامبي ) كانت تحب دوق فليد وهو مايحبها... حتى ولا عمره بادلها نفس المشاعر .....يعني الحب كان من طرف واحد ....ولو أحبها راح يقتلوها قوات فيقا ... بمعنى آخر : من حسن حظها انه ماكان يحبها ..ولو كان يحبها راح يتم قتلها باستغلالها كـ طُعم لمحبته لها.. خلاصة كلامي : بعض أمنياتك لو تحققت لك ممكن تكون نكبة عليك ....كـ حال هيكارو ..لو أحبها دوق فليد راح تستغلها قوات فيقا ثم يقتلوها .... ..... |
| الساعة الآن 08:47 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا