،.

الخوف دافع كلّ خطوه شجاعه
ما حدٍ تشّجع غير خوفاً من الخوف

ماني بـ من عاكس رياحه شراعه
أدوس خشم ظروف الايام وأطوف

حلو تكون الطّيب بـ كلّ ساعه
دايم ومعروفك مع النّاس معروف

لكن حلو أكثر تطيب بـ لكاعه
ما يستغلّك كلّ من يشكي ظروف

من عاش عمره ما بـ قلبه قناعه
ميّت ولوّ وجهه مع النّاس مألوف

الكبرياء لكلّ جرحٍ مناعه
من حبّ نفسه عاش بالعزّ موصوف

عزّ الغرور اللّي بـ عزّك متاعه
ما يرتفع خشم الفخر دون غطروف ..

الود ودي أجيب لك روحي على يدي
وأغزل لك نجوم الليل وأخلي لونها وردي

لو بغيت الروح هي من نصيبك
وان بغيت العين ترا انت نظرها