مكانتك بلعين والقلب مرساك
‏ان رحت ولا جيت محلك محلك

أضحك ، وخلّك .. لوجه الله متوّجه
والمجتمع .. لا يضرك كثرة أزعاجه

أطلق صراح الزعل والضيق والصجه
وأرفع كفوف الرجا .. للخالق ، وناجّه

خذ لك عن الحزن في جو الخلا سجّه
حاجتك لله ، ومالك في البشر حاجه

،.


الظّنون أنواع وأبشعها الوخيمة
البشر أغلب خسايرها ، بيديها

المشاعر من طرف واحد ؛ يتيمة
الأماني ، كم صابرٍ يحتريها ؟!

والمطر ماهو ضروري بكلّ غيمة
والمحبة تنعطى ، ما نشتريها

كلّ حاجة ، نحبّها .. نحبّها قديمة
الأغاني والأماكن اللّي نجيها

النّفوس اللّي عليها قلّ شيمة
لا تخاويها ، ولا تشره عليها ..!!