وين انت ياللي عيدنا في محياك
كف القدر من ضيقة الخلق بسته

من يوم مالوحت لي كف يمناك
لليوم دمعي بالخفا ماحبسته

ومن يوم ماذوقتني حر فرقاك
والياس زرعه في حياتي غرسته

شريت لي ثوب على شان لقياك
والثوب راحت موضته مالبسته

،.

أنا أكثر : السّكات واكثر اللّي يسولف بالعيون
سعيد لأن أكثر خساراتي ما كانت من : يدي

لو لا الهقاوي ما عرفنا : الصّالحون السّيئون
عيب اللّيالي ما تشين إلاّ على صدر " اجودي "!

أحيان اقول ان المجامل نوع من انواع الجنون
واحيان اقول يا جعل طيبي عند خيباتي فدي !