من عقب ما كان يكتبني ويقراني
ما عاد يدري مع الأيام : وشلوني

ليا اجتمعت الثنتين حاجة وشيمة راس
وهذي تنزلني وهذيك ترفعني
رفعت النظر والله عطاني نظر واحساس
وهي ميزةٍ في كل الأحوال تنفعني
ولو كان بين الصّم والبكم لي مجلاس
هذا ما يكلمني والآخر ما يسمعني
حياة التجارب علمتني وأنا حساس
وخلتني اعرف نظرة العين وش تعني
وأنا لو بدت لي حاجةٍ عند بعض ناس
أريد الكلام وعزة النفس تمنعني

،.

ما يشدّ ضلوع قلبي كلّ صيد
قلبي المختال ذوقه مخملي

يا اجمل احلامي وغايات القصيد
يا سريرة خاطري بك مبتلي

كان حبّك فرحتي بحيا سعيد
وكان حبّك همّ لا لا تنجلي

كل ما طال العمر حبّك يزيد
ليت تدري بس كمّ غالي عليّ

تطري علي واروح واسمع مجيد
ليه حبيّتك وانا ادري منت لي ّ..؟!!