وداع وداع ... حلمك معاي اليوم عده ضاع .. وين جيتها قالت

ياريتها ما قالت ..

خذت قيسها عالبعد لما شالت ..

ما اتقول مرة في سريبي غالت ..

يانا اللي ياسي قوي فزاع ..

تمن اعيوني بالدموع افوالت ..

والخاطر كسير عدا امغير امزاع ..

وآهة الفرقة مالجواجي سالت ..

علي امعاي الصوب خان وباع ..

ومافيش عله غير مني نالت ...

و تميت مدمن في صغا لاوجاع ..

وداع نوت ...

في اعيونها بانت ما معاي حكت ..

واللي مضى كله اليوم نست ..

والطبع قالوا يغلب الطباع ..

ويوم الملامه عـ الخداع رمت ..

وقالت الفرقة خير مــ الصراع ..

الله ايعيني مسرع العين بكت ..

تلاقن عليها سخسخه واخداع ..

وانهارت الا نحسابها انعمت ..

وحبل الغلا روح اقطاع اقطاع ..

قالت خلاص وداع تم البت ..

ويا هل ترى لوداع مستطاع .

خانك خانك....
اللي رحل عنك نسى عنوانك.
طريق السلامه انكان خانك خانك.

ليش الحيره..
وليش دمعتك تدرف اليوم غزيره.
ماللي رحل وما جبدلي سيره...
لي بود كافيته نساه مكانك.
خانك خانك ...
اللي رحل عنك نسى عنوانك.

طبعه قاسي...
تركني رحل وقف جميع حواسي.
خلف حزن في القلب وضيق انفاسي...
لا عاتبك لا يوم على شانك.
خانك خانك...
اللي رحل عنك نسى عنوانك..
طريق السلامه.

اختار رحيله....
هجرني وعدا وانطفى قنديله.
نسهر علي شانه في كل ليله...
انت هنت والقلب ما سع هانك..
خانك خانك ....
اللي رحل عنك نسى عنوانك ..
طريق السلامه.

ماعاد لي اترد....لاترجع لا اتجي لا تجد.
من كسرة الخاطر لين واصل حد...
دفنته سريبك ونقدر علي نسيانك.
خانك خانك ...
خلاك ورحل عنك نسى عنوانك..
طريق السلامه.

من عف كف ومن تألم تعلم
‏ومن عاش بالواقع ماتغريه الاحلام

‏ما يندم الساكت كثر من تكلم
‏ولا يامن العاقل صواديف الايام .